Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?
5. maí 2018 12:37

Sveitarstjórnarkosningar 2018

Framboðsfrestur vegna sveitarstjórnarkosninganna þann 26. maí rann út kl. 12 á hádegi laugardaginn 5. maí. Engir framboðslistar bárust kjörstjórn fyrir þann tíma og verða því óbundnar kosningar (persónukjör) í Dalabyggð í sveitarstjórnarkosningunum 26. maí næstkomandi.

 

Allir kjósendur sveitarfélagsins verða því í kjöri, nema þeir sem löglega eru undanþegnir skyldu til að taka kjöri.

 

Tvær beiðnir um undanþágu bárust kjörstjórn. Frá Höllu Sigríði Steinólfsdóttur í Ytri-Fagradal og Ingveldi Guðmundsdóttur í Stórholti. Báðar hafa þær setið í sveitarstjórn í 12 ár og uppfylla því skilyrði. Þá hefur Jóhannes Haukur Hauksson einnig skorast undan setu í sveitarstjórn.

 

Óski fleiri að vera undanþegnir skyldu að taka sæti í sveitarstjórn skulu þeir hafa samband við Svein Gestsson formann kjörstjórnar, netfangið er staðarfell@centrum.is.

 

Kjörstjórn Dalabyggðar

 

Sveitarstjórnarkosningar 2018