Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Fundargerdir

Spurningin

Hvað skoðar þú vef Dalabyggðar oft?
6. júní 2018 13:43

Undirskriftalisti marklaus vegna formgalla

24. maí sl. afhenti Eyjólfur Ingvi Bjarnason Jóhannesi Hauki Haukssyni oddvita undirskriftir 213 íbúa Dalabyggðar þar sem skrifað er undir eftirfarandi:

 

"Í samræmi við 64. gr. samþykkta um stjórn sveitarfélagsins Dalabyggðar óskum við undirrituð eftir því að almenn atkvæðagreiðsla fari fram um mál nr. 1609021 - sala eigna - Laugar og Sælingsdalstunga sbr. tillögu Arnarlóns ehf. frá 13. maí sl. um lausn á málinu. 
Við erum á móti því að Dalabyggð veiti seljendalán."

 

Þar sem ekki var farið að reglugerð um undirskriftasafnanir vegna almennra atkvæðagreiðslna samkvæmt sveitarstjórnarlögum er listinn marklaus.

 

Sveitarstjórn var t.d. ekki upplýst um undirskriftasöfunina fyrr en sama dag og undirskriftalistar voru afhentir.  Ekki var tilkynnt um hverjir væru ábyrgðarmenn.  Ekki var tryggt að allir íbúar vissu um undirskriftasöfnunina og gæfist kostur á að rita nafn sitt.  

 

Reglugerð nr. 155/2013 um undirskriftasafnanir vegna almennra atkvæðagreiðslna samkvæmt sveitarstjórnarlögum.

 

Sveitarstjórnarlög nr. 138/2011, sjá 108. gr.

 

Samþykkt um stjórn sveitarfélagsins Dalabyggðar nr. 391/2018