Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?
19. desember 2018 14:51

Tilraunaverkefni í uppbyggingu húsnæðis

Dalabyggð hefur verið valin til þátttöku í tilraunaverkefni í uppbyggingu húsnæðis á landsbyggðinni.

 

 

Ásmundur Einar Daðason, félagsmálaráðherra, og fulltrúar Íbúðalánasjóðs kynntu á fundi í Leifsbúð þann 12. desember fyrstu sjö sveitarfélög sem verða til að taka þátt í tilraunaverkefni um uppbyggingu íbúðarhúsnæðis á landsbyggðinni. Dalabyggð er eitt þeirra, hin eru Snæfellsbær, Skeiða- og Gnúpverjahreppur, Norðurþing, Hörgársveit, Vesturbyggð og Seyðisfjarðarkaupstaður. Íbúðalánasjóður auglýsti eftir þátttakendum í verkefnið í haust og sóttu alls 33 sveitarfélög um.

 

Markmið tilraunaverkefnisins er að leita nýrra leiða til þess að bregðast við húsnæðisvanda sem ríkir víðsvegar á landsbyggðinni vegna óvirks íbúða- og leigumarkaðar og skorts á viðunandi íbúðarhúsnæði. Á fundi sínum þann 13. desember lýsti sveitarstjórn Dalabyggðar yfir ánægju með að sveitarfélagið hefði verið valið til þátttöku í verkefninu sem verður ýtt úr vör í byrjun nýs árs.