Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?
24. október 2019 20:45

Haustfagnaður FSD 2019

Árlegur haustfagnaður FSD verður dagana 24. - 25. október.

 

Föstudaginn 25. október kl. 18 verður lambhrútasýning, opin fjárhús og fleira á Stóra-Vatnshorni í Haukadal. Þar mæta til leiks best dæmdu lambhrútar úr suðurhluta Dalasýslu.  Sýningarstjóri verður Jón Ingi Ólafsson og dómarar Árni B. Bragason og Lárus G. Birgisson.

 

Laugardaginn 26. október kl. 11 verður lambhrútasýning, opin fjárhús, verðlaunaafhendingar og önnur dagskrá á Breiðabólstað á Fellsströnd. Þar mæta til leiks best dæmdu lambhrútar úr norðurhluta Dalasýslu. Sýningarstjóri verður Jón Ingi Ólafsson og dómarar Árni B. Bragason og Lárus G. Birgisson. 

 

Laugardagskvöldið 26. október kl. 20 verður sviðaveisla, hagyrðingar og dansleikur í Dalabúð. Kl. 19:30 opnar húsið. Borðhald hefst kl. 20. Í boði verða ný, söltuð og reykt svið og sviðasulta ásamt kartöflumús og rófustöppu. Veislustjóri  verður Sveinbjörn Eyjólfsson. Hagyrðingar verða Helgi Björnsson Snartarstöðum, Þórdís Sigurbjörnsdóttir Hrísum, Sigurjón Valdimar Jónsson Skollagróf og Þórður Brynjarsson Refsstöðum.

 

Hefðbundinni dagskrá haustfagnaðar lýkur með dansleik á miðnætti þar sem hljómsveitin Greifarnir munu sjá um að halda uppi fjörinu langt fram eftir nóttu.

 

Lambhrútasýningar - sýningaskrá