Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?

Jörvagleði - Jörfagleði

2017


 

Miðvikudagurinn 19. apríl

Leikskóli opið hús kl. 8-17

Gestum og gangandi verður boðið upp á kaffi og meðlæti allan daginn á leikskólanum í Búðardal. Fátt er betra en fagna sumarkomu og sól með leikskólabörnum.

 

Setning, Þorrakórinn og Nikkolína kl. 21

Jörfagleði verður sett í Dalabúð. Þorrakórinn og Nikkolína skemmta síðan gestum eins og þeim er lagið.

 

Sumardagurinn fyrsti 20. apríl

Frá Eiríki rauða að Jörfagleði kl. 11

UDN stendur fyrir 4 km hlaupi frá Eiríksstöðum að Jörva. Verðlaun og Powerade eru við endamarkið. Allir eru velkomnir, ungir sem aldnir, hlaupandi sem gangandi.

 

Sauðafell opið hús kl. 13-16

Finnbogi og Berglind á Sauðafelli bjóða heim í glæsilegt nýuppgert hús frá 1897.

 

Spurningakeppni Einars Jóns kl. 19:30

Spurningakeppni Einars Jóns verður í Dalabúð kl. 19:30. Þrír eru í liði og skrá þarf liðin hjá Einari fyrir 19. apríl á netfangið einarjon@audarskoli.is eða í síma 893 9066. Aðgangseyrir er 1.000 kr. og frítt fyrir 16 ára og yngri.

 

Föstudaginn 21. apríl

Hollvinafélag Dalabyggðar kl. 18

Hollvinafélag Dalabyggðar fundar í litla salnum í Dalabúð kl. 18. Margrét Jóhannsdóttir stjórnar fundinum og fer yfir starfsemi félagsins.

 

Hvað er bak við ystu sjónarrönd?  kl. 20

Víkingarnir þorðu, þorir þú?

Hvernig líður þeim sem hefur sett allt sem hann á á einn bát og lagt af sað í leit að betra lífi?

Manni sem sér ekki lengur landið sem hann hefur lagt að baki og veit ekki hvernig landið sem hann er að leita að lítur út?

Ein-söng-leikurinn Hvað er bak við ystu sjónarrönd fjallar um tilfinningaferðalag forfeðranna, landnámsmannanna. Voru þeir hugrakkir og stórhuga eða ringlaðir og fífldjarfir?

Fylgst er með einum þeirra, Ísgerði, undirbúa ferðina yfir hafið, takast á við þær hættur sem þar bíða og berjast fyrir því sem hún telur rétt hverju sinni.  Í sögunni er fléttað saman sögu Ísgerðar og gamalli íslenskri tónlist. 

Höfundur, sögumaður og söngkona er Svanlaug Jóhannsdóttir. Aðgangseyrir er 1.000 kr. og frítt fyrir 16 ára og yngri.

 

DJ Maggi í Dalakoti kl. 23

DJ Maggi heldur uppi stuðinu fram á nótt. Aldurstakmark er 20 ára og aðgangseyrir er 1.000 kr.

 

Laugardaginn 22. apríl

Innanhúsknattspyrnumót UDN kl. 10

Firmakeppni UDN í innanhúsknattspyrnu verður haldin á Laugum kl. 10. Liðin mega vera kynjablönduð, lágmarksaldur er 14 ára og að minnsta kosti fimm í hverju liði. Skráning er á netfanginu udn@udn.is.

 

Íþróttamót Glaðs kl. 10

Upplýsingar um mótið er á heimasíðu Glaðs.  

 

Jörvi opið hús  kl. 13-16

Bjarnheiður og Reynir bjóða heim að Jörva.

 

Listasýning á Jörva kl. 13-16

Sýning á verkum eftir Guðrúnu Tryggvadóttur.

 

Lifandi sögusýning á Eiríksstöðum kl. 13

Gott tækifæri til að sjá hvernig Siggi á Vatni tekur á móti ferðamönnum.

 

Davíðsmótið í bridge í Tjarnarlundi kl. 13

Davíðsmótið er kennt við Davíð Stefánsson (1933-2015) bónda á Saurhóli. Skráning er hjá Guðmundi á netfanginu kjarlak@simnet.is eða í síma 434 1521. Mótsstjóri verður Þórður Ingólfsson. Þátttökugjald er 2.000 kr.

 

Breiðfirðingakórinn í Dalabúð kl. 16

Breiðfirðingakórinn fagnar 20 ára afmæli sínu í ár og af því tilefni heimsækir kórinn átthagana og býður Dalamönnum og öðrum gestum Jörvagleði til afmælistónleika í Dalabúð. Efnisskrá tónleikanna er fjölbreytt og samanstendur af upprifjun laga frá þessum 20 árum, en auk þess verður frumflutt glænýtt lag sem samið var sérstaklega í tilefni afmælisins og heitir Um átthaganna slóð.  Aðgangur er ókeypis.

 

DJ ball fyrir unglinga í Dalabúð kl. 20

DJ Dagur og Helgi Fannar spila fyrir 11-13 ára  kl. 20-21 og 14-18 ára kl. 20-22 í litla salnum í Dalabúð. Enginn aðgangseyrir. Foreldrafélag Auðarskóla sér um gæslu.

 

Happy hour á Dalakoti kl. 22-00

Aldurstakmark er 20 ára.

 

Meginstreymi í Dalabúð kl. 23

Björgunarsveitin Ósk heldur dansleik með hljómsveitinni Meginstreymi í Dalabúð. Aldurstakmark er 18 ára og aðgangseyrir er 3.000 kr. Húsið opnar kl. 23.

 

Sunnudagurinn 23. apríl

Sauðafell opið hús kl. 13-16

Finnbogi og Berglind á Sauðafelli bjóða heim í glæsilegt nýuppgert hús frá 1897.

 

Glaðar raddir á Silfurtúni kl. 14

Kór eldri borgara, Glaðar raddir, syngur nokkur lög og harmonikufélagið Nikkolína spilar einnig á Silfurtúni kl. 14.

 

Pörupiltar í Dalabúð kl. 20

Pörupiltarnir  Dóri Maack, Nonni Bö og Hermann Gunnarsson eru harðir í horn að taka en engu að síður óhræddir við að takast á við stórar spurningar um ástir og örlög, tilgang lífsins, heimspeki og daður. Aðgangseyrir er 1.000 kr. og frítt fyrir 16 ára og yngri.

 

Hver er?

Ásdís Melsteð hefur safnað saman myndum af Dalamönnum frá því að þeir voru börn. Sýningin ferðast á viðburði hátíðarinnar og fólk á að giska á hver einstaklingurinn er.