Mannlíf í Dölum


Í héraðinu eru starfrækt ýmis félög, bæði atvinnutengd og ekki síður til að auðga félagslífið. Hér er gerð grein fyrir þeim helstu og er öllum íbúum velkomið að koma uppbyggjandi félagasamtökum hér á framfæri.

Ungmennasamband Dalamanna og Norður-Breiðfirðinga (UDN):
Núverandi aðildarfélög UDN eru Umf. Æskan, Umf. Ólafur Pái, Umf. Dögun, Umf. Stjarnan, Umf. Afturelding, Hestamannafélagið Glaður og Glímufélag Dalamanna.
Ungmennasamband Dalamanna og Norður-Breiðfirðinga er aðili að UMFÍ og ÍSÍ.

Breiðfirðingafélagið:
Breiðfirðingafélagið er eitt stærsta og virkasta átthagafélag landsins. Á meðal annars stórt og glæsilegt félagsheimili, Breiðfirðingabúð, að Faxafeni 14, 108 Reykjavík.

Hestamannafélagið Glaður:
Hestamannafélagið Glaður er með heimasíðu þar sem má nálgast gagnlegar upplýsingar og kort af reiðleiðum í Dalabyggð.

Fjöldi félaga er um allar sveitir tengd búskap, búnaðarfélög, sauðfjárræktarfélög, Hrossaræktarsamband Dalamanna. Fjölmennast þeirra er Félag sauðfjárbænda í Dalasýslu, sem stendur m.a. fyrir Haustfagnaði sauðfjárbænda fyrsta vetrardag ár hvert. Kúabændur í Dölum sem tilheyra aðildarfélagi hjá Landssambandi kúabænda eru í Félagi nautgripabænda við Breiðafjörð.

Kvenfélög

Kvenfélagið Fjólan starfar í Suðurdölum, Þorgerður Egilsdóttir í Laxárdal og Hvöt á Fellsströnd. Þessi kvenfélög ásamt kvenfélögum í Austur-Barðastrandarsýslu mynda Samband breiðfirskra kvenna.
Þá eru starfandi Sögufélag Dalamanna og Fornleifafélag Barðstrendinga og Dalamanna.

Lionsklúbbur Búðardals

Lions er stærsta alþjóðlega þjónustu-hreyfing heims, stofnuð í Bandaríkjunum 1917. Í dag starfa yfir 1,4 milljónir Lions-félaga, í 46.000 Lionsklúbbum í 206 löndum. Lions er óháð stjórnmálaflokkum og trúfélögum.  Í Lions eru  mörg tilboð um fræðslu og gagnast hún ekki aðeins til starfa í Lions, heldur einnig í atvinnulífinu og í daglegu lífi. Lions býður upp á fjölbreytt félagslíf, fræðslu, skemmtanir, verkefni, fundi og ferðalög með vinum og fjölskyldum.

Félag eldri borgara í Dalbyggð og Reykhólahreppi – FEBDOR

Félag eldri borgara í Dalbyggð og Reykhólahreppi stendur fyrir fjölbreyttu félagsstarfi í þessum tveimur sveitarfélögum.

Tómstundir fyrir börn og unglinga

Björgunarsveitin Ósk, Glímufélag Dalamanna, Skátafélagið Stígandi, Badmintonfélag Dalamanna, ungmennafélögin innan UDN, Hestamannafélagið Glaður ofl. eru með skipulagt tómstundastarf fyrir börn og unglinga.

Kirkjustarf

Kirkjur og sóknir í Dalabyggð eru 11 samtals og falla undir 3 prestaköll og tvö prófastsdæmi.
Narfeyrar- og Breiðabólsstaðarsóknir á Skógarströnd falla undir Stykkishólmsprestakall.
Undir Dalaprestakall falla Snóksdalur, Kvennabrekka, Stóra-Vatnshorn, Hjarðarholt, Hvammur, Staðarfell og Dagverðarnes.
Skarðs- og Staðarhólssóknir falla undir Reykhólaprestakall.

 

  • Var efni síðunnar hjálplegt?
  • Nei