Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Fræðslunefnd, fundur nr. 82

Dags. 1.11.2017

82. fundur Fræðslunefndar Dalabyggðar haldinn  í Stjórnsýsluhúsinu í Búðardal, 1. nóvember 2017 og hófst hann kl. 16:00


Fundinn sátu:
Sigurður Bjarni Gilbertsson formaður, Jóhanna H. Sigurðardóttir, Svavar Magnús Jóhannsson, Hlöðver Ingi Gunnarsson skólastjóri og Einar Jón Geirsson áheyrnarfulltrúi.

 

Fundargerð ritaði:  Sveinn Pálsson, Sveitarstjóri

 

Dagskrá:

 

1.  Auðarskóli - Skólastarf 2017-2018 - 1709008

Skólastarfið hefur gengið vel síðustu mánuði. Það helsta var þetta: Námskynningar búnar í grunnskólanum og foreldraviðtöl voru fyrr en vanalega, sem og núna var foreldraviðtalsdagur á skóladagatali. Allir þessir hlutir komu vel út. Mötuneytið lagði meiri áherslu á lambakjötsneyslu.


Vettvangsferðir fara vel af stað í leikskólanum. List og verkgreinakennsla í leikskólanum er í samstarfi við grunnskólann. Tónfundir hafa verið haldnir í tónlistaskólanum. Þemavinna á unglinga og miðstigi. Vanda Sigurgeirsdóttir kom og fjallaði um einelti. Nýr skólasálfræðingur hóf störf í haust. Sjónvarpsstöðin N4 heimsóttu skólann. Verkefninu Lubbastundir sem fjallar um málörvun er fram haldið á leikskólanum. Þróunarhópar í grunnskólanum, læsisstefna, heilsuefling og þróunarstjórn. Gull og grjót verkefnið á miðstigi, verkefnið er á vegum Listir fyrir alla og snéri að hönnun og sköpun.


Starfsmenn Auðarskóla fara í náms og kynningarferð til Kanada 1.-5. júní 2018. Áhersla verður á að kynna sér útikennslu og skóli heimsóttur.

 

Ákveðið hefur verið að taka þátt í vináttuverkefni Barnaheilla sem er forvarnarverkefni gegn einelti fyrir leikskóla og fyrstu bekki grunnskóla. Efnið heitir á frummálinu Fri for mobberi og er þýtt, staðfært, framleitt og gefið út í samstarfi við Red barnet - Save the Children og Mary Fonden í Danmörku. Frá árinu 2014 hefur Vinátta staðið leikskólum á Íslandi til boða. Mikil ánægja er með verkefnið þar sem það er notað og rannsóknir í Danmörku leiða í ljós mjög góðan árangur af notkun þess.


Nú hafa Barnaheill einnig gefið út efni sem ætlað er 1.-3. bekk grunnskóla og verður unnið með það í tilraunaskyni í 14 grunnskólum í sex sveitarfélögum veturinn 2017-2018.

 

Samþykkt
 


2.  Auðarskóli - Starfsáætlun 2017-2018 og námskrá - 1710019

Starfsáætlun 2017-2018 er tilbúin og verður sett inn á vef Auðarskóla 8. nóvember nk.

 
Helstu breytingar eru að viðmiðunarstundaskrá er uppfærð í samræmi við Aðalnámskrá.

 

Samþykkt
 


3.  Ytra mat á leikskólum 2018 - 1710009

Menntamálastofnun mun láta gera ytra mat á leikskólum árið 2018, sbr. lög nr. 90/2008 um leikskóla.


Stofnunin auglýsir eftir sveitarfélögum sem hafa áhuga á því að fram fari ytra mat á starfi leikskóla innan þeirra.

 

Fræðslunefnd samþykkir að sótt verði um þátttöku í ytra mati á skólaárinu 2018-2019.

 

Samþykkt
 


4.  Auðarskóli - Skóladagatöl 2017-2018 - 1704001

Breyta þarf skóladagatali vegna samræmdraprófa í 9. bekk.

 
Starfsdagur átti að vera 8. mars, hugmyndin er að færa hann til 20. febrúar með þeim fyrirvara að skólaráð samþykki.

 

Fræðslunefnd samþykkir breytinguna fyrir sitt leyti.

 

Samþykkt
 


5.  Ályktun frá samráðsfundi FSL - 1710013

Samráðsnefnd Félags stjórnenda leikskóla (FSL) sendir fræðslunefnd til umfjöllunar ályktun um stöðu leikskólabarna. FSL lýsir sig reiðubúið til viðræðna og til ráðgjafar til að bæta starfsaðstæður nemenda okkar.

 

Lagt fram til kynningar.

 

Samþykkt
 


6.  Fjárhagsáætlun 2018-2021 - 1709003

Hlöðver kynnti drög að fjárhagsáætlun grunnskólans.

 

Frestað
 

 

Fleira ekki gert. Fundi slitið kl. 17:40

 

 


 



Til baka