Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Byggðarráð, fundur nr. 207

Dags. 25.9.2018

207. fundur Byggðarráðs Dalabyggðar haldinn  í stjórnsýsluhúsinu í Búðardal, 25. september 2018 og hófst hann kl. 10:00


Fundinn sátu:
Skúli Hreinn Guðbjörnsson formaður, Sigríður Huld Skúladóttir varaformaður og Þuríður Jóney Sigurðardóttir aðalmaður.


Fundargerð ritaði:  Kristján Sturluson, Sveitarstjóri

 

Formaður ber upp tillögu um að mál 1809033-Styrkbeiðni frá Félagi sauðfjárbænda verði tekið á dagskrá.

 

Samþykkt samhljóða.

 

Dagskrá:

 

1. Vínlandssetur - 1807013

Umræða um stöðu varðandi framkvæmdir við Vínlandssetur.

 

Bjarheiður ferðamálafulltrúi kemur á fundinn undir þessum dagskrárlið.

 

Byggðaráð samþykkir að sótt verði um fjárframlag frá Byggðastofnun fyrir milligöngu Samtaka sveitarfélaga á Vesturlandi.

 
Byggðaráð leggur til við sveitarstjórn að hafnar verði framkvæmdir við breytingar á Leifsbúð vegna Vínlandsseturs. Sveitarstjóra falið að gera tillögu um framkvæmdanefnd sem hafi yfirumsjón með framkvæmdunum.

Samþykkt að sveitarstjóra verði falið að ræða við núverandi rekstraraðila í Leifsbúð.

 

Samþykkt samhljóða.

 

2. Hljóð- og myndupptökur á sveitarstjórnarfundum - 1807001

Úr fundargerð byggðaráðs frá 26.07.2018:


Hljóð- og myndupptökur á sveitarstjórnarfundum - 1807001

 

Frá 163. fundi sveitarstjórnar:
Sveitarstjórn Dalabyggðar samþykkir að beina því til byggðaráðs að kanna útfærslur og kostnað við að taka sveitarsjórnarfundi upp í hljóð og mynd. Einnig skal skoða útfærslur og kostnað við að senda sveitarstjórnarfundina út í beinni útsendingu á heimasíðu sveitarfélagsins.


Byggðaráð er með málið í skoðun og afgreiðslu þess frestað.

 

Sveitarstjóra falið að kanna kostnað við útsendingu á hljóð og mynd og leggja upplýsingar fyrir næsta reglulega fund byggðaráðs.

 

Samþykkt samhljóða.

 

3. Fjárhagsáætlun 2018 - Viðauki 3 - 1809027

Lögð fram gögn vegna viðauka við fjárhagsáætlun.

 

Sveitarstjóri kynnti þau atriði sem taka þarf fyrir í viðauka við fjárhagsáætlun.

 
Haldinn verður aukafundur í byggðaráði kl. 10 þann 10. okt. þar sem ráðið mun afgreiða tillögu um viðauka til sveitarstjórnar.

 

Samþykkt samhljóða.

 

4. Umsagnarbeiðni - Svarfhóll - 1809025

Byggðaráð gerir ekki athugasemd við veitingu rekstrarleyfis.

 

5. Laugar í Sælingsdal, staða og framtíð - 1809013

Sveitarstjóri fer yfir samskipti við lögmann í framhaldi af samþykkt sveitarstjórnar 13.09.2018.

 

6. Ungmennabúðir á Laugum - staða og framtíð - 1805001

Samningur við UMFÍ vegna Lauga rennur út næsta vor.

 

Sveitarstjóri sagði frá samtali við UMFÍ vegna ungmennabúða á Laugum.

 

Byggðaráð felur sveitarstjóra að vinna áfram að málinu.

 

7. Styrkir til félagasamtaka - 1809034

Borist hafa umsóknir um styrki frá ýmsum félagasamtökum s.s. Slysavarnafélaginu Landsbjörg og Krabbameinsfélagi Íslands.

 

Sveitarstjóra falið að gera tillögu að reglum um styrki til félagasamtaka. Miðað verði við að fyrst og fremst séu veittir styrkir til félagasamtaka í Dalabyggð.

 

Samþykkt samhljóða.

 

8. Styrkbeiðni FSD - Haustfagnaður 2018 - 1809033

Beiðni Félags sauðfjárbænda samþykkt.

 

Hafa þarf fullt samráð við skólastjóra Auðarskóla en skólinn fer með umsjón Dalabúðar.

 

 

Aukafundur byggðaráðs verður 10 október kl. 10 og næsti reglulegi fundur 25. október kl. 10.


Fleira ekki gert. Fundi slitið kl. 12:00

 

 

 

 



Til baka