Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Byggðarráð, fundur nr. 230

Dags. 29.8.2019

230. fundur Byggðarráðs Dalabyggðar haldinn  í stjórnsýsluhúsinu í Búðardal, 29. ágúst 2019 og hófst hann kl. 10:00


Fundinn sátu:
Skúli Hreinn Guðbjörnsson formaður, Þuríður Jóney Sigurðardóttir aðalmaður, Ragnheiður Pálsdóttir varamaður og Kristján Sturluson sveitarstjóri.


Fundargerð ritaði:  Kristján Sturluson, sveitarstjóri

 

Lagt til að eftirtalin mál verði tekin á dagskrá fundarins:

1908014 - Tillaga um að hætta áramótabrennu og flugeldasýningu.
1908007 - Tjaldsvæði Laugum frá 1. sept. 2019.
1908001- Val á verktaka vegna aðalskipulagsvinnu.


Samþykkt samhljóða.

 

Dagskrá:

 

1. Húsnæðismál Byggðasafns Dalamanna - 1902006

Úr fundargerð 226. fundar byggðarráðs 27.06.2019, dagskrárliður 1:
1902006 - Húsnæðismál Byggðasafns Dalamanna
Úr fundargerð 224. fundar byggðarráðs frá 23.05.2019, dagskrárliður 1:
1902006 - Húsnæðismál Byggðasafns Dalamanna
Úr fundargerð 175. fundar sveitarstjórnar 9.05.2019:
1902006 - Húsnæðismál Byggðasafns Dalamanna
Úr fundargerð 4. fundar menningarmálanefndar 29.03.2019:
Fyrir liggur minnisblað um húsnæðismál Byggðarsafns Dalamanna frá 8.2.2019.
Fyrir liggur minnisblað - kostir í stöðunni um húsnæðismál Byggðarsafns Dalamanna frá 27.3.2019.
Valdís kemur inná fundinn.
Hún hefur tekið saman nokkra punkta með framtíðarhúsnæði sem byggja á því húsnæði sem að Dalabyggð á og öðru húsnæði sem væri hugsanlega í boði.
Nefndin ætlar að semja fyrirspurn til sveitastjórnar varðandi hver vilji sveitastjórnar er gagnvart því húsnæði sem sveitafélagið á nú þegar og hvort að eitthvað af því húsnæði sé hugsað til þess að hýsa safnið til frambúðar.
Þorgrímur og Valdís ætla að taka saman fyrirspurnina.
Varaoddviti leggur til að málinu verði vísað til umfjöllunar í byggðarráði.
Samþykkt samhljóða.
Ákveðið að fá formann menningarmálanefndar og safnstjóra Byggðasafnsins á fund byggðarráðs.
Valdísi Einarsdóttur safnstjóra Byggðasafnsins og Þorgrími Guðbjartssyni formanni menningarmálanefndar er boðið á fundinn.


Núverandi húsnæði Byggðasafnsins er þröngt og ófullnægjandi. Varðandi nýtt húsnæði þarf að hafa í huga frá upphafi hvernig vilji er til að hafa safnið. Þar kemur til geymslupláss og sýningarými, hvernig nýta á safnið o.s.frv. Mikil vinna framundan og þarf að skoða í víðu samhengi.
Byggðarráð mun fjalla áfram um málið.

 

Valdísi Einarsdóttur safnstjóra Byggðasafnsins og Þorgrími Guðbjartssyni formanni menningarmálanefndar verður boðið á næsta fund byggðarráðs.

 

2. Lausaganga hrossa í Dalabyggð - 1906014

Byggðarráði gerð grein fyrir svörum sem hafa borist.

 

Samkvæmt svörum hafa hestar sloppið út á veg en við því hafi verið brugðist.

 

3. Fjárhagsáætlun 2020-2023 - 1903025

Tímaáætlun vegna fjárhagsáætlunar lögð fram.

 

Tímaáætlun vegna fjárhagsáætlunar samþykkt samhljóða.

Ingibjörg Jóhannsdóttir aðalbókari og Magnína Kristjánsdóttir skrifstofustjóri sátu fundinn undir dagskrárlið 3.

 

4. Líkamsræktaraðstaða í Dalabyggð - 1902011

Umræða um valkosti. Jón Egill Jónsson UMF Ólafs Pá mætir á fundinn.

 

Erindi mun koma frá UMF Ólafi Pá.


Jón Egill Jónsson formaður UMF Ólafs Pá sat fundinn undir dagskrárlið 4.

 

Fundarhlé var gert frá kl. 12:00 til 12:40.


5. Ægisbraut 9 - Umsókn um byggingarlóð - 1809040

Umsókn um að halda lóðaumsókn áfram virkri.

 

Samþykkt samhljóða að visa erindinu til umhverfis- og skipulagsnefndar.

 

6. Fatamarkaður Dalabúð - 1908008

Umræða um gjaldskrá.

 

Samþykkt að leigugreiðsla verði óbreytt frá 2018 en eftir það gildi gjaldskrá 2019 óbreytt. Sveitarstjóra falið að ræða við Stefu ehf.


Samþykkt samhljóða.

 

7. Laugar í Sælingsdal, staða og framtíð - 1809013

Stofnun hitaveitu fyrir Laugar.

 

Frestað til næsta fundar.

 

8. Áætlun um móttöku úrgangs og farmleifa frá skipum - 1806036

Áætlanir fyrir Búðardalshöfn og Skarðsstöð um móttöku og meðhöndlun úrgangs frá skipum, lagðar fyrir byggðarráð sem hafnarstjórn.

 

Byggðarráð leggur til við sveitarstjórn að hún staðfesti áætlanirnar.

 
Samþykkt samhljóða.

 

9. Áskorun frá Samtökum grænkera á Íslandi. - 1908010

Byggðarráð Dalabyggðar tekur undir áhyggjur Samtaka grænkera á Íslandi varðandi loftslagsmál. Í þvi sambandi bendir byggðarráðið á að mikilvægur þáttur í því að draga úr loftslagsbreytingum er að nota íslenskar matvörur og þá sérstaklega þær sem framleiddar eru í nærumhverfinu. Slíkt er einnig grundvallaratriði þegar horft er til markmiða um sjálfbærni.

Samþykkt samhljóða.

 

10. Stefnumótun í málefnum sveitarfélaga. - 1905022

Tillaga til þingsályktunar um stefnumótandi áætlun ríkisins í málefnum sveitarfélaga hefur verið lögð fram í samráðsgátt. Umsagnarfrestur er til 10.09.2019.

 

Byggðarráð tekur undir mikilvægi þess að efla sveitarfélögin sem stjórnsýslustig.

 

Mikilvægur þáttur í því er að sveitarfélög verði fjölmennari, m.a. með sameiningu þeirra.


Samþykkt samhljóða.

 

11. Umsókn um námsvist utan lögheimilissveitarfélags - 1908011

Fært í trúnaðarbók.

Niðurstaða færð í trúnaðarbók vegna persónuverndar.

 

12. Tillaga um að hætta áramótabrennu og flugeldasýningu. - 1908014

Erindi frá Svavari Garðarssyni þar sem lagt er til að Dalabyggð hætti að standa fyrir áramótabrennu og flugeldasýningu.

 

Málinu vísað til umhverfis- og skipulagsnefndar.

 

13. Tjaldsvæði Laugum frá 1. sept. 2019 - 1908007

Samþykkt samhljóða að sveitarstjóri semji við verktaka um að hafa eftirlit með tjaldsvæðinu í september og október.

 

14. Skólaakstur 2019 - 2022 - 1901043

Samið var við BS þjónustuna ehf., Kol ehf. og Þorstein Jónsson um skólaakstur.

 

15. Sorphreinsun - útboð 2020 - 2022 - 1904034

Staðfesting á framlengingingu samnings við Gámaþjónustuna lögð fram.

 

Framlenging samnings er samkvæmt samþykkt 228. fundar byggðarráðs 25.07.2019, dagskrárlið 11.

 

Lagt fram.

 

16. Val á verktaka vegna aðalskipulagsvinnu - 1908001

Minnisblað lagt fram.

 

Lagt fram. Gögn ekki birt fyrr en með útboði.

 

 

 

Fleira ekki gert. Fundi slitið kl. 13:50

 

 

 


 



Til baka