Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Félagsleg heimaþjónusta


 

Með félagslegri heimaþjónustu er stefnt að því að gera íbúum kleift að dveljast sem lengst á heimili sínu við sem eðlilegastar aðstæður.

 

Félagsmálanefnd fer með stjórn félagslegrar heimaþjónustu í Dalabyggð í umboði sveitarstjórnar. Dagleg umsjón með framkvæmd hennar eru í höndum skrifstofu Dalabyggðar.

 

Verkefni starfsmanna fara eftir aðstæðum í hverju einstöku tilfelli, en  miðast við öll venjuleg heimilisstörf, sem aðstoðarþegi getur ekki annast sjálfur.

 

Að jafnaði skal aðstoð aðeins veitt á tímabilinu frá kl. 8-17 mánudaga til föstudaga. Utan þess tíma skal aðeins unnið samkvæmt sérstökum fyrirmælum félagsmálanefndar.

 

Starfsmenn heimaþjónustu taka laun hjá Dalabyggð og er því óheimilt að taka við greiðslu frá aðstoðarþegum. Þeim er einnig óheimilt að þiggja gjafir, lán eða annað þess háttar.

 

Aðstoðarþegi áritar vinnuskýrslu hjá starfsmanni í lok hvers vinnudags.

 

Starfsmaður er háður þagnarskyldu um það, sem hann kemst að í starfi sínu.

 

Allar nánari upplýsingar varðandi félagslega heimaþjónustu og framkvæmd hennar eru veittar á skrifstofu Dalabyggðar, sími: 430 4700 

 

Um heimaþjónustu gilda lög nr. 40/1991 um félagsþjónustu sveitarfélaga, lög nr. 125/1999, um málefni aldraða, lög nr. 59/1992 um málefni fatlaðra og Reglur um félagslega heimaþjónustu í Dalabyggð frá 2003.

  

Ítarefni

Reglur um félagslega heimaþjónustu í Dalabyggð
Eyðublað fyrir félagslega heimaþjónustu

Lög nr. 125/1999, um málefni aldraðra

Lög nr. 40/1991, um félagsþjónustu sveitarfélaga   
Lög nr. 59/1992, um málefni fatlaðra
Úrskurðarnefnd félagsþjónustu og húsnæðismála
Vinnuskýrsla heimaþjónustu (word skjal)