Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

     
Skipulags- og byggingamál

Byggingafulltrúi

Skipulagsfulltrúi

 


 

Grettir Örn Ásmundsson er byggingafulltrúi og Þórður Már Sigfússon er skipulagsfulltrúi (skipulag @dalir.is) fyrir Árneshrepp, Dalabyggð, Kaldrananeshrepp, Reykhólasveit og Strandabyggð.

 

Byggingafulltrúi er með starfsstöð á skrifstofu Strandabyggðar, en með viðveru á skrifstofu Dalabyggðar fyrsta og þriðja föstudag í mánuði og á skrifstofu Reykhólahrepps fyrsta fimmtudag í mánuði.

Sími byggingafulltrúa er 451 3517 og netfangið er byggingafulltrui@strandabyggd.is.

 

Skipulagsfulltrúi er með starfsstöð á skrifstofu Dalabyggðar, en með viðveru á skrifstofu Strandabyggðar annan og fjórða miðvikudag í mánuði og á skrifstofu Reykhólahrepps fyrsta fimmtudag í mánuði.

Sími skipulagsfulltrúa er 430 3700 og netfangið er skipulag@dalir.is.

 

Embætti byggingarfulltrúa er starfrækt samkvæmt skipulags- og byggingarlögum nr. 73/1997 og reglugerðum þeim tengdum.

 

Óheimilt er, samkvæmt skipulags- og byggingarlögum, að grafa grunn, reisa hús, rífa hús, breyta því, burðarkerfi þess, formi, svipmóti eða notkun þess eða gera önnur mannvirki, nema að fengnu leyfi viðkomandi sveitarstjórnar.

 

Framkvæmdir skulu vera í samræmi við staðfest aðalskipulag og samþykkt deiliskipulag. Byggingarleyfi felur í sér samþykkt aðaluppdrátta og framkvæmdaáforma eða samþykkt á breyttri notkun húss.

 

Auk útgáfu byggingarleyfa annast embættið yfirferð og samþykkt séruppdrátta, úttektir, samþykkt á byggingarstjórum, skráningu iðnmeistara á verk, fasteignaskráningu, yfirferð eignaskiptayfirlýsinga og gefur umsagnir vegna starfs- og veitingaleyfa.

 

Þá varðveitir byggingarfulltrúi uppdrætti af húsum í sveitarfélaginu og geta allir fengið ljósrit af þeim gegn hóflegu gjaldi.

 

Byggingafulltrúi veitir fúslega faglegar ráðleggingar bæði í viðtals- og símatímum.