Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Svæðisskipulag Dala, Reykhóla og Stranda 


 

Í svæðisskipulaginu er sett  fram  framtíðarsýn fyrir sveitarfélögin þrjú sem lýsir þeim árangri sem þau vilja ná á næstu 15 árum. Einnig eru sett fram leiðarljós sem höfð verða í hávegum við það starf. Þá er sett fram svæðismark sem fylgir framtíðarsýninni eftir með því að skilgreina þau sérkenni svæðisins sem sveitarfélögin eru sammála um að viðhalda og styrkja. Markmið sveitarfélaganna til sóknar, snúa að landbúnaði, sjávarnytjum og ferðaþjónustu. Fyrir hverja þessara greina eru sett fram sóknarmarkmið og skilgreindar leiðir að þeim sem snúa að umhverfismálum, atvinnumálum og menningarmálum.

 

Til að framfylgd svæðiskipulagsins verði sem markvissust er gert ráð fyrir að unnin verði framkvæmdaáætlun til tveggja eða þriggja ára sem forgangsraðar verkefnum og skilgreinir þau m.t.t. ábyrgðaraðila, samstarfsaðila, nálgunar og kostnaðar. Fjárhagsáætlanir sveitarfélagana taki mið af henni og á grunni hennar verði sótt í sjóði eins Skipulagssjóð, Uppbyggingarsjóð Vestfjarða, Uppbyggingarsjóð Vesturlands og Framkvæmdasjóð ferðamanna. Vonir standa til að vel verði tekið í þá málaleitan m.a. með tilvísun í það víða samhengi í tíma og rúmi sem svæðisskipulagsætlunin setur einstök verkefni í.

 

Sameiginleg áætlun Dalabyggðar, Reykhólahrepps og Strandabyggðar um byggðarþróun m.t.t. landbúnaðar, sjávarnytja og ferðaþjónustu, hefur tekið gildi var staðfest af skipulagsstofnun staðfesti 5. júní  2018 í samræmi við skipulagslög og auglýsing um gildistökuna var birt í Stjórnartíðindum 19. júní sl. 

 

Svæðisskipulag fyrir Dalabyggð, Reykhólahrepp og Strandabyggð

 

Samtakamáttur

Heimasíða svæðisskipulags Dala, Reykhóla og Stranda