Dalabyggð, Author at Dalabyggð

Sérstakur húsnæðisstuðningur ungmenna 15 – 17 ára

Dalabyggð — Thu, 10 Sep 2026 17:49:06 +0000

Ungmenni 15-17 ára sem eru í framhaldsskólum eiga rétt á sérstökum húsnæðisstuðningi. Stuðningurinn er ætlaður foreldrum/forsjáraðilum ungmenna sem leigja herbergi á heimavist, á námsgörðum, eða leiguherbergi á almennum markaði og njóta ekki réttar til húsnæðisbóta vegna aldurs.

Samkvæmt reglum skal umsókn berast fyrir 15. þess mánaðar sem greitt er fyrir og ekki greitt aftur í tímann. Umsókn gildir fyrir hverja skólaönn.

Reglur um sérstakan húsnæðisstuðning og umsóknareyðublöð má finna hér:
– Reglur
– Eyðublað

Umsókn um sérstakan húsnæðisstuðning ungmenna 15 – 17 ára sendist á netfangið magnina@dalir.is

Vinsamlegast athugið að með umsókn þarf að fylgja staðfesting á skólavist, auk afrits af húsaleigusamningi.

Þessi frétt Sérstakur húsnæðisstuðningur ungmenna 15 – 17 ára sást fyrst á Dalabyggð.

Sveitarstjórn Dalabyggðar – 272. fundur

Dalabyggð — Tue, 08 Sep 2026 15:28:26 +0000

FUNDARBOÐ

272. fundur Sveitarstjórnar Dalabyggðar verður haldinn í stjórnsýsluhúsinu í Búðardal, fimmtudaginn 10. september 2026 og hefst kl. 16:00

Dagskrá:

Almenn mál

1. 2606012 – Fjárhagsáætlun 2026- Viðauki II

2. 2608019 – Holt Skammtímadvöl á Vesturlandi

3. 2608018 – breyting á deiliskipulagi af svæði norðan Miðbrautar í Búðardal

4. 2605002 – Fyrirhuguð uppsetning hleðslustöðva við Vesturbraut 15

5. 2609004 – Umsókn um framkvæmdarleyfi vegna lengingu sjóvarnar við Ægisbraut,
Búðardal

6. 2606017 – Reglur um styrki til tónlistanáms utan Dalabyggðar

Fundargerð

10. 2608001F – Byggðarráð Dalabyggðar – 354

11. 2607001F – Menningarmálanefnd Dalabyggðar – 51

12. 2607002F – Atvinnumálanefnd Dalabyggðar – 59

13. 2606008F – Umhverfis- og skipulagsnefnd Dalabyggðar – 166

14. 2607003F – Félagsmálanefnd Dalabyggðar – 80

15. 2606001F – Fræðslunefnd Dalabyggðar – 152

Mál til kynningar

7. 2602029 – Fundargerðir Sambands Íslenskra sveitarfélaga 2026

8. 2609009 – Fundarboð á Haustþing SSV 2026

9. 2601009 – Skýrsla sveitarstjóra 2026

08.09.2026
Lilja Björg Ágústsdóttir, sveitarstjóri

Þessi frétt Sveitarstjórn Dalabyggðar – 272. fundur sást fyrst á Dalabyggð.

Réttir og fjallskil í Dalabyggð 2026

Dalabyggð — Tue, 01 Sep 2026 18:00:40 +0000

Meðfylgjandi er yfirlit yfir réttir í Dalabyggð haustið 2026

Fjallskilaseðla má skoða hér fyrir neðan utan Skógarstrandar sem skipta með sér verkum án útreiknings.

Búið er að senda fjallskilaseðla til fjáreiganda í tölvupósti. Ef að fjallskilaseðlar hafa ekki borist, má hafa samband við skrifstofu Dalabyggðar á dalir@dalir.is eða síma 430-4700
Sé óskað eftir útprentuðum fjallskilaseðil má hafa samband við skrifstofu en við vekjum athygli á að þá er rukkað fyrir það skv. gjaldskrá Dalabyggðar, 357 kr.- (A4 brot)

Þessi frétt Réttir og fjallskil í Dalabyggð 2026 sást fyrst á Dalabyggð.

Skógrækt í landi Ljárskóga – umhverfismatsskýrsla

Dalabyggð — Tue, 01 Sep 2026 14:29:08 +0000

Komin er til kynningar í Skipulagsgátt umhverfismatsskýrsla vegna áforma um 2.780 ha skógrækt í landi Ljárskóga í Dalabyggð og opið fyrir athugasemdir til 13. október nk.

Yggdrasill Carbon ehf. hyggst ráðast í skógrækt í landi Ljárskóga í Dalabyggð í samstarfi við landeigendur á svæði sem nær yfir alls um 5.500 ha. Einungis verður þó plantað í að hámarki 2.780 ha, eða 51% svæðisins. Er það vegna þess að ekki verður plantað í votlendi og 15 m svæði umhverfis það. Sömuleiðis verður ekki plantað í 20 m svæði umhverfis fornminjar. Það hefur því dregið verulega úr skógræktaráformum frá því sem kynnt var á matsáætlunarstigi.

Markmið skógræktarverkefnisins er að binda koltvísýring úr andrúmslofti, bæta vatnafar og aðstæður fyrir lax í Fáskrúð, búa til beitarskóg, byggja upp skógarauðlind í samstarfi við sauðfjárbændur og græða upp landið ásamt því að vera framlag í baráttunni gegn þeim miklu loftslagsbreytingum sem eru að eiga sér stað.

Hér er tengill á kynningu málsins í Skipulagsgátt.

Þessi frétt Skógrækt í landi Ljárskóga – umhverfismatsskýrsla sást fyrst á Dalabyggð.

Skrifstofa Sýslumanns lokuð 01.09.2026

Dalabyggð — Tue, 01 Sep 2026 10:37:42 +0000

Skrifstofa sýslumanns í Búðardal verður lokuð í dag þriðjudaginn 1. september 2026

Þessi frétt Skrifstofa Sýslumanns lokuð 01.09.2026 sást fyrst á Dalabyggð.

Dagbók sveitarstjóra 17. – 31. ágúst

Dalabyggð — Mon, 31 Aug 2026 20:33:37 +0000

Síðustu vikur hafa liðið hratt en ég hef nú gegnt starfi sveitarstjóra Dalabyggðar frá 15. júní, eða í rúmlega tvo mánuði. Ég er afar þakklát fyrir það traust sem mér hefur verið sýnt og fyrir tækifærið til að starfa fyrir samfélagið okkar. Þessir fyrstu vikur í starfi hafa verið afar lærdómsríkar og gefandi og ég hef fengið tækifæri til að kynnast enn betur því öfluga fólki og fjölbreyttu verkefnum sem einkenna sveitarfélagið okkar.

Ég hef eftir bestu getu reynt að nýta fyrstu vikurnar í starfi til að heimsækja fyrirtæki, rekstraraðila, félagasamtök, stofnanir og íbúa sveitarfélagsins. Þar hef ég fengið dýrmæta innsýn í samfélagið okkar og ekki skemmir fyrir að nokkur kaffiboð hafa einnig ratað á dagskrána. Ég hlakka til að halda áfram að kynnast fólkinu og starfseminni í sveitarfélaginu enn betur á komandi mánuðum.

Nú þegar ágústmánuður er á enda má segja að sveitarfélagið sé smám saman að komast aftur í sinn hefðbundna takt eftir sumarleyfin. Starfsfólk hefur verið að snúa til baka til starfa og verkefnin fara af stað af auknum krafti eftir rólegri sumarmánuði.

Skólahald í Auðarskóla fer vel af stað og greinilegt að bæði nemendur og starfsfólk eru tilbúin að takast á við spennandi verkefni vetrarins. Ég óska öllum nemendum, kennurum og starfsfólki skólans farsældar á komandi skólaári og hlakka til samstarfsins.

Nú styttist í einn af skemmtilegustu og litríkustu tímum ársins þegar réttirnar fara af stað. Smölun heimalanda er hafin og fyrstu réttir haustsins fara fram 5. september en þá fyllast sveitirnar af lífi, samveru og góðum anda. Réttirnar eru mikilvægur hluti af menningu okkar og samfélagi og skapa dýrmæt tækifæri fyrir fólk að hittast og eiga góða stund saman. Ég hvet alla sem geta til að taka þátt og njóta þessara skemmtilegu tíma.

Vinna við fjárhagsáætlun Dalabyggðar er að fara af stað en henni verður formlega ýtt úr vör í þessari viku með vinnufundi sveitarstjórnar og að fastanefndir sveitarfélagsins taka hana til umfjöllunar. Á vinnufundi sveitarstjórnar verður farið yfir þær lykiltölur sem unnið verður út frá við fjárhagsáætlunargerð, hvaða þjónustuþætti á að leggja áherslu á, stöðu fjárfestinga, rekstur nýrrar íþróttamiðstöðvar og margt fleira.

Í vikunni átti ég svo fund með fulltrúum lögreglunnar á Vesturlandi þar sem farið var yfir ýmis sameiginleg verkefni og málefni sem snerta öryggi og þjónustu við íbúa í sveitarfélaginu.

Íþróttamiðstöðin í Búðardal tók á móti veglegri sendingu síðastliðinn föstudag. Meðal þess sem barst voru flotdýna, kleinuhringur, pulsa, dreki, draugur, bátur og fljótandi boltakarfa sem án efa eiga eftir að vekja mikla lukku. Um er að ræða höfðinglega gjöf frá nágrönnum okkar í Grundarfjarðarbæ, Sveitarfélaginu Stykkishólmi, Snæfellsbæ og Eyja- og Miklaholtshreppi. Fyrir hönd Dalabyggðar vil ég þakka þeim kærlega fyrir þessa rausnarlegu gjöf sem á eftir að nýtast vel og gleðja gesti sundlaugarinnar.

Segja má að haustið fari af stað af fullum krafti með fjölbreytt og spennandi verkefni fram undan og ég hlakka til áframhaldandi samstarfs við íbúa, starfsfólk og aðra samstarfsaðila á komandi mánuðum.

– Lilja Björg Ágústsdóttir, sveitarstjóri Dalabyggðar

Þessi frétt Dagbók sveitarstjóra 17. – 31. ágúst sást fyrst á Dalabyggð.

Sundlaugin lokuð vegna viðgerða í búningsklefum

Dalabyggð — Tue, 25 Aug 2026 14:05:48 +0000

Sundlaugin í Íþróttamiðstöðinni í Búðardal verður lokuð frá miðvikudegi til og með sunnudeginum nk. (26.-30. ágúst) vegna viðgerða í búningsklefum. Um er að ræða nauðsynlegar viðgerðir á gólffleti í klefum. Verða klefarnir tilbúnir til notkunar á mánudagsmorgun svo íbúar geta byrjað nýja viku á sundferð. Opið er fyrir aðra þjónustu (ræktarsal og íþróttasal). Við biðjumst velvirðingar á þeim óþægindum sem ...

Skoða betur

Þessi frétt Sundlaugin lokuð vegna viðgerða í búningsklefum sást fyrst á Dalabyggð.

Minnum á: Skila lestrarbingói

Dalabyggð — Tue, 25 Aug 2026 13:00:55 +0000

Sumarbingó Héraðsbókasafns Dalasýslu hefur staðið yfir í sumar fimmta árið í röð. Bingóið er lestrarátak Dalabyggðar yfir sumartímann fyrir börn á aldrinum 5-12 ára.

Lagt var upp með að börnin skili inn bingóspjaldinu sínu á Héraðsbókasafn Dalasýslu 25. og 27. ágúst og í september verður svo uppskeruhátíð þar sem þátttakendur fá að launum glaðning ásamt viðurkenningarskjali fyrir að hafa lokið við bingóið.

Bókasafnið er opið á þriðjudögum og fimmtudögum frá kl. 12:30 til 17:30.

Þessi frétt Minnum á: Skila lestrarbingói sást fyrst á Dalabyggð.

Sveitarstjórn Dalabyggðar – 271. fundur

Dalabyggð — Tue, 11 Aug 2026 12:30:31 +0000

FUNDARBOÐ

271. fundur Sveitarstjórnar Dalabyggðar verður haldinn í stjórnsýsluhúsinu í Búðardal, fimmtudaginn 13. ágúst 2026 og hefst kl. 16:00

Dagskrá:

Almenn mál

1. 2607011 – Milliuppgjör eftir fimm fyrstu mánuði ársins

2. 2608001 – Fjárhagsáætlun 2027-2030

3. 2603023 – Umsókn um stofnun lóðar í landi Ólafsdals

4. 2608002 – Reglugerðarbreytingar vegna breytinga á fyrirkomulagi heilbrigðiseftirlits í samráðsgátt

5. 2607007 – Stefna stjórnvalda um uppbyggingu flutningskerfis raforku

6. 2606019 – Forsamráð um efnistök grænbókar um fjarskipti og netöryggi

7. 2606020 – Hvítbók um byggðamál

8. 2604012 – Fjallskil 2026

Fundargerð

9. 2605002F – Byggðarráð Dalabyggðar – 351

10. 2606004F – Byggðarráð Dalabyggðar – 352

11. 2607004F – Byggðarráð Dalabyggðar – 353

12. 2606003F – Umhverfis- og skipulagsnefnd Dalabyggðar – 165

13. 2606005F – Atvinnumálanefnd Dalabyggðar – 58

14. 2606006F – Fræðslunefnd Dalabyggðar – 152

15. 2606007F – Félagsmálanefnd Dalabyggðar – 79

16. 2606009F – Menningarmálanefnd Dalabyggðar – 50

17. 2607002F – Atvinnumálanefnd Dalabyggðar – 59

11.08.2026
Lilja Björg Ágústsdóttir, sveitarstjóri

Þessi frétt Sveitarstjórn Dalabyggðar – 271. fundur sást fyrst á Dalabyggð.

Sumarlokun skrifstofu Dalabyggðar 2026

Dalabyggð — Wed, 15 Jul 2026 09:00:38 +0000

Vegna sumarleyfa verður skrifstofa Dalabyggðar lokuð frá og með 20. júlí til og með 4. ágúst nk. Skrifstofan opnar aftur eftir sumarleyfi miðvikudaginn 5. ágúst kl. 09:00.

Við bendum á að hægt er að senda tölvupóst á netfangið dalir@dalir.is meðan á sumarlokun stendur og við svörum við fyrsta tækifæri.

Við biðjum íbúa að athuga að heimaþjónustusíminn verður einnig lokaður á þessum tíma. Erindum vegna þessa skal því vísa á dalir@dalir.is

Röskun getur orðið á útgáfu einhverra reikninga vegna gjalda á vegum sveitarfélagsins á þessum tíma þ.e. reikningar gætu borist aðeins seinna en vant er. Eindagi gjalda/reikninga mun samt sem áður alltaf vera 30 dagar.

Síðasti opnunardagur fyrir sumarlokun er því föstudagurinn 17. júlí, þá er hefðbundin opnun skrifstofu og símatíma eða frá kl.09:00 til 12:00.

Við þökkum skilninginn og óskum ykkur ánægjulegs sumars!

Þessi frétt Sumarlokun skrifstofu Dalabyggðar 2026 sást fyrst á Dalabyggð.

Sumarlokun skrifstofu Dalabyggðar 2026

Dalabyggð — Fri, 10 Jul 2026 09:00:01 +0000

Vegna sumarleyfa verður skrifstofa Dalabyggðar lokuð frá og með 20. júlí til og með 4. ágúst nk. Skrifstofan opnar aftur eftir sumarleyfi miðvikudaginn 5. ágúst kl. 09:00.

Við bendum á að hægt er að senda tölvupóst á netfangið dalir@dalir.is meðan á sumarlokun stendur og við svörum við fyrsta tækifæri.

Við biðjum íbúa að athuga að heimaþjónustusíminn verður einnig lokaður á þessum tíma. Erindum vegna þessa skal því vísa á dalir@dalir.is

Síðasti opnunardagur fyrir sumarlokun er því föstudagurinn 17. júlí, þá er hefðbundin opnun skrifstofu og símatíma eða frá kl.09:00 til 12:00.

Við þökkum skilninginn og óskum ykkur ánægjulegs sumars!

Þessi frétt Sumarlokun skrifstofu Dalabyggðar 2026 sást fyrst á Dalabyggð.

Tvö verkefni í Dalabyggð hlutu Öndvegisstyrk

Dalabyggð — Wed, 01 Jul 2026 18:09:04 +0000

Úthlutunarnefnd Sóknaráætlunar Vesturlands fundaði 24. júní síðastliðin en efni fundarins var úthlutun Öndvegisstyrkja. Í byrjun árs 2026 var ákveðið að tillögu fjárlaganefndar að landshlutasamtökin myndu taka að sér að úthluta fjármagni til ýmissa verkefna sem áður var úthlutað af nefndinni sjálfri. Í kjölfarið var samþykkt að deila þeim 280 m.kr. sem runnu til landshlutasamtakanna jafnt á milli allra þannig að hver og einn fékk 35 m.kr. Til viðbótar við það var bætt við 10 milljónum sem ekki var úthlutað úr Uppbyggingarsjóð í janúar og voru því 45 milljónir til úthlutunar.

Hugmyndin með öndvegisstyrkjum var að úthluta færri en hærri styrkjum og úthlutunarreglur voru nokkuð rýmri en í Uppbyggingasjóð til dæmis var mögulegt að sækja um styrk til stofnfjárfestingar í búnaði og aðstöðu.

56 umsóknir bárust um Öndvegisstyrk og var því mikil samkeppni og mörg mjög áhugaverð verkefni sem úthlutunarnefnd ræddi og þurfti að taka ákvörðun um. Að lokum voru 9 verkefni sem stóðu upp úr og fengu styrk.

Þar af voru 2 verkefni í Dalabyggð.

Urður Ullarvinnsla fékk 7 milljóna króna styrk í verkefnið Ullargró sem snýst um að umbreyta aukaafurð íslensks landbúnaðar – vorull, svokölluðu snoði, í lífrænan áburð í formi köggla sem nýtast munu til útiræktunar á grænmeti sem og í heimilisgarða.

Verkefnið Íslensku Jólasveinarnir koma úr Dölunum var úthlutað 4 milljónum til uppbyggingar dreifðrar menningar- og upplifunarleiðar um Dalabyggð. Verkefið felst í því að reisa þrettán þriggja metra háa stálstuðla á sögulega mikilvægum stöðum víðs vegar um héraðið, þar sem hver stuðull er helgaður einum íslenskum jólasveini og tengir sögu hans við ákveðinn þátt í sögu, menningu, atvinnuháttum eða náttúru Dalanna. Á hverjum stað er gestum boðið að kynnast bæði jólasveininum og þeirri sögu sem staðurinn geymir. Stuðlarnir mynda saman heildstæða menningarleið sem tengir saman arfleifð Jóhannesar úr Kötlum, íslenskar þjóðsögur, fræðslu, útivist og ferðaþjónustu.

Önnur verkefni sem hlutu styrk voru:

Matvælakjarni á Hvanneyri

Bakhjarlar Græna Lónsins

Snæfellsjökulsþjóðgarður

Gömlu sporin á Húsafelli

Mælingar á týpu II kollageni

Snæfellsness, UNESCO vistvangur

Heilsumiðstöðin Lind

Nánari upplýsingar um verkefnin má finna á vef SSV: http://www.ssv.is

Þessi frétt Tvö verkefni í Dalabyggð hlutu Öndvegisstyrk sást fyrst á Dalabyggð.