Frumkvæði að verkefninu átti Sigurbjörg Kristínardóttir, fyrrverandi tónlistarkennari og organisti, ásamt þeim Kristínu G. Ólafsdóttur og Ólafi Rúnarssyni. Með óeigingjörnu framlagi fjölmargra einstaklinga, fyrirtækja og styrktaraðila tókst að safna fjármagni til kaupanna og fjárfesta í þessu glæsilega hljóðfæri sem nú prýðir Dalabúð.

Nýi flygillinn mun gegna mikilvægu hlutverki í tónlistar- og menningarlífi sveitarfélagsins. Hann nýtist bæði í kennslu við tónlistardeild Auðarskóla, við tónleikahald, kórastarf og aðra menningarviðburði sem haldnir eru í Dalabúð. Með komu hans skapast aukin tækifæri fyrir tónlistarfólk og listafólk til að koma fram við fyrsta flokks aðstæður í hjarta Dalabyggðar.

Afhending flygilsins markar því mikilvægan áfanga fyrir menningarlíf í Dölunum og er skýrt dæmi um hvað samstaða, hugsjón og samfélag samvinna íbúa getur skilað til samfélagsins. Dalabyggð færir öllum þeim sem lögðu verkefninu lið innilegar þakkir og hlakkar til að heyra nýja flygilinn hljóma við fjölmörg tækifæri á komandi árum

Þessi frétt Nýr flygill afhentur Dalabyggð – stór áfangi fyrir menningarlíf í Dölunum sást fyrst á Dalabyggð.

Dalabyggð vill brýna fyrir fólki að hafa allt klárt fyrir rotþróahreinsun s.s. gæta að merkingum rotþróa t.d. með veifum og auðvelda aðgengi að rotþróm. Þá þarf að koma upplýsingum um hlið eða aðrar hindranir til Viðars í síma 894-0013 sem fyrst, eða hafa hlið opin á meðan á hreinsun stendur.

Það er fyrirtækið Hreinsitækni sem sér um rotþróahreinsun í Dalabyggð.

Ef einhver sem ekki er á þessu svæði er með rotþró sem þarfnast hreinsunar þá er viðkomandi beðinn um að láta vita á skrifstofu Dalabyggðar. Athugið að hreinsanir sem eru utan þess svæðis sem er á áætlun viðkomandi árs geta haft í för aukakostnað fyrir eiganda.

Ef rotþróin er stífluð hafið samband við fagaðila (pípara) til að greina vandann sem er yfirleitt ekki út af því að rotþróin sé full.

Yfirlit yfir hreinsun 2026-2028:

2026 – Hörðudalur, Miðdalir og Haukadalur
2027 – Laxárdal, Saurbæ og Skarðsströnd
2028 – Hvammssveit, Fellsströnd og Skógarströnd

Íbúar Dalabyggðar eru beðnir um að gæta að því lyf, plastúrgangur, blautþurrkur, eyrnapinnar og önnur skaðleg efni rati ekki í rotþrær.

Upplýsingar um fráveitumál, þar á meðal rotþrær og siturlagnir má nálgast á vef Umhverfisstofnunar eða með því að smella HÉR.

Þessi frétt Rotþróahreinsun 2026 sást fyrst á Dalabyggð.

Kynnið ykkur dagskrána og viðburðina inni á facebook síðu Bæjarhátíðarinnar

Þessi frétt Dagskrá Bæjarhátíðar uppfærð sást fyrst á Dalabyggð.

Einar er með BS-gráðu í íþrótta- og heilsufræði frá Háskóla Íslands og er um þessar mundir að ljúka meistaragráðu í forystu og stjórnun frá Háskólanum á Bifröst.

Einar býr yfir fjölbreyttri reynslu af störfum með börnum og ungmennum. Hann hefur meðal annars sinnt viðburðastjórnun og starfað í félagsmiðstöðvum, hjá Vinnuskóla Kópavogs, sem íþróttakennari í grunnskóla og í félagsstarfi fyrir ungmenni með stuðningsþarfir.

Bjóðum við Einar velkominn til starfa.

Þessi frétt Einar Björn Þorgrímsson ráðinn lýðheilsufulltrúi Dalabyggðar sást fyrst á Dalabyggð.

Ég sat minn fyrsta fund nýkjörinnar sveitarstjórnar 9. júní sl. þar sem meðal annars var gengið frá kjöri í ráð og nefndir. Ákveðið hefur verið að hefja vinnu við að einfalda regluverk á bak við nefndaskipan sveitarfélagsins. Að frá og með hausti verði fræðslunefnd og félagsmálanefnd sameinaðar í eina nefnd, auk þess sem atvinnumálanefnd og menningarmálanefnd verði sameinaðar í eina. Markmiðið er að einfalda stjórnsýslu og auka hagkvæmni.

Næstu verkefni felast meðal annars í að boða fyrstu fundi nýrra fastanefnda, ákveða verkaskiptingu og festa fundartíma þeirra. Fyrsti fundur nýkjörins byggðarráðs fór fram 18. júní þar sem farið var ítarlega ofan í reksturinn og m.a. ákveðið að láta vinna milliuppgjör fyrir fyrstu 5 mánuði ársins svo mögulegt sé að fylgjast náið með framvindu. Eins var ákveðið að veita 50% afslátt af gatnagerðargjöldum af ákveðnum auglýstum lóðum í því skyni að styðja við áframhaldandi uppbyggingu á íbúðarhúsnæði. Tekur afslátturinn til lóða sem úthlutað er á árinu 2026. Eins fór fyrsti fundur umhverfis- og skipulagsnefndar fram 23. júní. Ljóst er að fram undan eru fjölmörg spennandi verkefni sem verður ánægjulegt að fylgja eftir.

Mikil stemning ríkti í Búðardal á þjóðhátíðardaginn 17. júní. Ég og Þorsteinn, eiginmaður minn, sóttum hátíðarhöldin ásamt tveimur yngri sonum okkar, þeim Brynjari Þór, 16 ára, og Arnþóri Frey, 9 ára. Dagskráin var fjölbreytt, skemmtileg og á köflum afar einlæg. Hátíðin hófst í Dalabúð með hátíðlegri athöfn þar sem falleg tónlist skipaði stóran sess. Hátíðarræðan og fjallkonan voru að sjálfsögðu á sínum stað, en fjallkonan flutti ekki aðeins fallegt ljóð heldur tók einnig lagið, sem var skemmtilegt og óvenjulegt uppbrot á dagskránni. Að síðustu var veitt viðurkenning til Dalamanna ársins en viðurkenninguna fengu að þessu sinni Pálmi Jóhannsson og Anna Sigríður Grétarsdóttir. Óska ég þeim kærlega til hamingju með verðskuldaða viðurkenningu.

Að athöfn lokinni var haldið að stjórnsýsluhúsinu þar sem sveitarstjórn bauð upp á grillaðar pylsur. Þar var einnig fjölbreytt afþreying fyrir alla fjölskylduna, meðal annars hoppukastalar, kassaklifur, grillaðir sykurpúðar, hestar og margt fleira. Þetta var yndisleg stund og sérstaklega ánægjulegt að hitta svo mörg kunnugleg andlit.

Undanfarnar vikur hafa að stórum hluta farið í að setja mig inn í verkefni sveitarfélagsins og kynna mér rekstur þess. Jafnframt hef ég lagt áherslu á að hitta sem flesta íbúa og starfsfólk sveitarfélagsins. Það er augljóst að mikill mannauður býr innan sveitarfélagsins og þar starfar fólk sem vill samfélagi sínu allt hið besta.

Ég heimsótti meðal annars starfsfólk íþróttamiðstöðvarinnar og leikskóladeild Auðarskóla í liðinni viku. Leikskólahúsnæðið er glæsilegt og býr yfir mjög góðu útisvæði fyrir börnin. Svanhvít Lilja aðstoðarleikskólastjóri leiddi mig um skólann þar sem andrúmsloftið einkenndist af gleði, leik og hlýju, með öflugu starfsfólki sem styður vel við börnin í daglegu starfi.

Gengið var frá ráðningu á nýjum skólastjóra við Auðarskóla og var Katrín Kristjánsdóttir ráðin í starfið. Það verður spennandi að fylgjast með henni takast á við nýjar áskoranir, en hún býr yfir áralangri farsæla reynslu sem kennari. Katrín hefur meðal annars kennt við Auðarskóla um árabil og hefur því mikilvæga innsýn í það góða starf sem þar er unnið. Ég óska henni alls hins besta í nýju starfi og hlakka til samstarfsins á komandi árum.

Seinni vikan endaði svo á Orkumótinu í Vestmannaeyjum þar sem ég fylgdi yngsta syni mínum sem dyggur stuðningsmaður. Þar skiptust á skin og skúrir, bæði á vellinum og í veðrinu, en allir komu heim reynslunni ríkari og sáttir við sitt framlag.

Undirbúningur bæjarhátíðarinnar „Heim í Búðardal“ er nú í fullum gangi, en hún fer fram dagana 3.-5. júlí. Dagskráin er sérlega glæsileg og metnaðarfull og ég vonast til að hitta sem allra flesta á hátíðinni. Ég hvet alla til að láta sjá sig, taka þátt í dagskránni og njóta þess sem Dalirnir hafa upp á að bjóða – bæði hvað varðar menningu, mannlíf og einstaka náttúrufegurð.

Þessi frétt Dagbók sveitarstjóra 15.–27. júní (fyrstu tvær vikurnar í starfi) sást fyrst á Dalabyggð.

Þessi frétt Skrifstofa sýslumanns er lokuð 25. júní sást fyrst á Dalabyggð.

Síðasti opnunardagur fyrir sumarlokun er þriðjudagurinn 30. júní og verður safnið opnað að nýju fimmtudaginn  6. ágúst.

Nú er því um að gera að ná sér í lesefni fyrir sumarið áður en sumarlokun hefst.

Þessi frétt Sumarlokun Héraðsbókasafns 2026 sást fyrst á Dalabyggð.

Stað- og tímastaðsetningar gáma (með fyrirvara um mögulegar breytingar):

Þessi frétt Timbur og járnagámar sumar 2026 sást fyrst á Dalabyggð.

Ef vilt vita meira eða ert með brilljant hugmynd hafðu þá samband á kiddi@ssv.is

Þessi frétt Ungmennahús í Dölum – sumar 2026 sást fyrst á Dalabyggð.

Samkvæmt 2. mgr. 36. gr. Skipulagslaga nr. 123/2010 er hér auglýst niðurstaða sveitarstjórnar að óverulegri breytingu á Aðalskipulagi Dalabyggðar 2020-2032.

Sveitarstjórn Dalabyggðar samþykkti á fundi sínum 16. apríl 2026 aðalskipulagsbreytingu fyrir Árblik í Suðurdölum, sem í gildandi aðalskipulagi er skilgreint sem afþreyingar- og ferðamannasvæði (AF11) ætlað fyrir gestastofu og móttöku ferðamanna, tjaldsvæði og afþreyingu.

Breytingin felst í að auk gildandi skipulagsheimilda verði bætt inn heimild fyrir gististað í núverandi byggingu og landnotkun breytt í verslunar- og þjónustusvæði (VÞ21). Stærð svæðisins helst óbreytt eða 0,5 hektarar.

Sveitarstjórn telur breytinguna falla undir ákvæði 2. mgr. 36. gr. skipulagslaga nr. 123/2010 um óverulega aðalskipulagsbreytingu. Breytingin hefur verið send til staðfestingar HMS.

Þessi frétt Auglýsing á niðurstöðu sveitarstjórnar Dalabyggða – óveruleg aðalskipulagsbreyting, Árblik í Suðurdölum sást fyrst á Dalabyggð.

Á myndinni eru ásamt Svanhvíti Lilju, Erna Hjaltadóttir, Berglind Vésteinsdóttir og Guðlaug Kristinsdóttir frá Kvenfélaginu Fjólu.

Þessi frétt Kvenfélagið Fjóla kom færandi hendi sást fyrst á Dalabyggð.

Þessi frétt Breyting á opnunartíma bókasafns í dag þann 12. maí sást fyrst á Dalabyggð.