Söfnun á rúlluplasti í Dalabyggð 2011

Dalabyggð Fréttir

Farnar verða fjórar söfnunarferðir um sveitarfélagið á árinu 2011, 24.-25. janúar, 18.-19. apríl, 11.-12. júlí og 3.-4. október 2011. Söfnun er lögbýliseigendum að kostnaðarlausu.
Þeir bændur sem vilja nota þessa þjónustu, sama hvort þeir hafi verið með áður eða ekki, þurfa að tilkynna það fyrir 20. janúar 2011. Hægt er að sækja um rafrænt á vef Dalabyggðar (sjá flýtileið hér til hægri) eða fylla út umsókn í Dalapóstinum og koma til skrifstofu Dalabyggðar.
Plastið skal haft á aðgengilegum stað og snyrtilega frágengið fyrir sorpverktaka.Baggabönd skal setja sér í glæra plastpoka.
Óheimilt er að setja rúlluplast í sorpgáma á grenndarstöðvum sveitarfélagsins. Opin brennsla úrgangs er óheimil þ.m.t. rúlluplasts skv. lögum nr. 55/2003, um meðhöndlun úrgangs og reglugerð nr. 737/2003.
Nánari upplýsingar gefur Viðar í síma 894 0013
  • Var efni síðunnar hjálplegt?
  • Nei