Umsóknir um húsaleigubætur

Athygli er vakin á að samkvæmt lögum um húsaleigubætur nr. 138/1997, skal endurnýja umsókn um húsaleigubætur árlega í upphafi árs og gildir umsóknin til ársloka.
Umsækjendur um húsaleigubætur í Dalabyggð eru minntir á að skila umsókn fyrir árið 2007 á skrifstofu Dalabyggðar fyrir 16. janúar 2007.
Húsaleigubætur eru greiddar eftir á fyrir hvern mánuð eins og lög um húsaleigubætur gera ráð fyrir.
Skilyrði fyrir húsaleigubótum eru m.a. eftirfarandi:
· Að umsækjandi hafi lögheimili í Dalabyggð.
· Að umsækjandi hafi þinglýstan húsaleigusamning til a.m.k. sex mánaða.
· Að umsækjandi skili inn ljósritum af staðfestum skattframtölum síðasta árs fyrir þá sem lögheimili eiga í íbúðinni sem sótt er um bætur fyrir.
· Að umsækjandi skili inn ljósritum af launaseðlum sömu aðila síðustu þrjá mánuði.
· Að umsækjandi skili inn staðfestingu á skólavist (ef við á).
Umsóknareyðublöð fást á skrifstofu Dalabyggðar, Miðbraut 11 og á heimasíðu Dalabyggðar á www.dalir.is.
Búðardal, 4. janúar 2007,
Gunnólfur Lárusson,
sveitarstjóri.
  • Var efni síðunnar hjálplegt?
  • Nei