Áhugaverðar fréttir Archives - Dalabyggð

Jákvæðar undirtektir við uppbyggingu nýs atvinnuhúsnæðis í Búðardal

Dalabyggð — Tue, 24 Mar 2026 10:54:13 +0000

Undirtektir við fyrirhugaða byggingu nýs atvinnuhúsnæðis í Búðardal hafa verið afar jákvæðar og greinilega áhugi meðal fyrirtækja og fjárfesta. Um er að ræða rúmlega 700 fermetra húsnæði sem ætlað er að efla atvinnulíf í Dalabyggð og skapa ný tækifæri til reksturs og fjárfestinga á svæðinu.

Fulltrúi Byggðastofnunar hefur þegar átt 12 fundi með áhugasömum aðilum síðustu daga. Sá áhugi birtist bæði í vilja til að koma að framkvæmdum sem og í fjárfestingu í einstökum bilum innan hússins.

Í húsinu verða 12 bil, hvert um sig 55 fermetrar, með möguleika á millilofti yfir hluta rýmisins. Þá verður einnig hægt að sameina aðliggjandi bil og stækka rými í allt að 110 eða 220 fermetra eftir þörfum. Nú þegar hafa aðilar lýst yfir áhuga á um helmingi bilanna, sem undirstrikar mikla þörf eftir slíku húsnæði á svæðinu.

Áformað er að hefja framkvæmdir strax í vor og er stefnt að því að húsið verði tilbúið í kringum áramót. Unnið er að því að ná hagstæðum samningum um verkið og liggur endanlegt verð á hverju bili því ekki fyrir.

Verkefnið er óhagnaðardrifið og er í samstarfi Dalabyggðar, Byggðastofnunar og Fjárfestingafélagsins Hvamms.

Áhugasamir aðilar sem vilja tryggja sér bil í þessu nýja og glæsilega atvinnuhúsnæði eru hvattir til að hafa samband sem fyrst við verkefnastjóra Byggðastofnunar, Rúnar Þór Guðbrandsson, í síma 861-4000 eða með tölvupósti á runar@dugandi.is

Þessi frétt Jákvæðar undirtektir við uppbyggingu nýs atvinnuhúsnæðis í Búðardal sást fyrst á Dalabyggð.

Bingó í Árbliki

Dalabyggð — Wed, 10 Jan 2018 11:44:00 +0000

Kvenfélagið Fjóla heldur bingó sunnudaginn 14. janúar kl. 13:30 í Árbliki.Spjaldið kostar 800 kr. og allur ágóði rennur til góðra málefna í heimabyggð.

Þessi frétt Bingó í Árbliki sást fyrst á Dalabyggð.

Þrettándagleði

Dalabyggð — Fri, 05 Jan 2018 10:18:00 +0000

Skátafélagið Stígandi og Björgunarsveitin Ósk kveikja varðeld við Búðarbraut föstudaginn 5. janúar kl. 17:30 og síðan í kakó í Dalabúð.

Kynjaverur af öllu tagi eru sérstaklega velkomnar, þar á meðal álfakonungar, álfadrottningar, álfaprinsar, álfaprinsessur tröllkarlar og tröllkerlingar.

Þessi frétt Þrettándagleði sást fyrst á Dalabyggð.

Uppbyggingasjóður Vesturlands

Dalabyggð — Thu, 04 Jan 2018 13:32:00 +0000

Ólafur Sveinsson atvinnuráðgjafi og Elísabet Haraldsdóttir menningarfulltrúi verða með viðveru á skrifstofu Dalabyggðar þriðjudaginn 9. janúar kl. 13:30-15:30 og veita ráðgjöf til þeirra sem hyggjast sækja um styrki í Uppbyggingasjóð Vesturlands.

Þessi frétt Uppbyggingasjóður Vesturlands sást fyrst á Dalabyggð.

Fjárhagsáætlun Dalabyggðar 2018-2021

Dalabyggð — Thu, 28 Dec 2017 13:39:22 +0000

Fjárhagsáætlun Dalabyggðar fyrir árin 2018-2021 var samþykkt við síðari umræðu 14. desember sl.

Álagningarhlutföll útsvars og fasteignaskatts eru óbreytt frá árinu 2017, en gjaldskrár hækka almennt um 3,0%.

Gjaldskrá fyrir sorphirðu hækkar meira og til verður nýr gjaldflokkur, bújarðir eða býli með atvinnustarfsemi. Gert er ráð fyrir að hefja reglubundna söfnun dýrahræja frá bújörðum á fyrri hluta ársins. Hækkun gjaldskrár sorphirðu umfram verðlagsbreytingar er til að mæta kostnaði vegna þessa.

Gert er ráð fyrir að eignarhlutur Dalabyggðar í jörðunum Laugum og Sælingsdalstungu seljist, sem og allar eignir Dalabyggðar á jörðunum að frátöldum kaldavatnsréttindum í Sælingsdalstungu.

Gert er ráð fyrir að hafist verði handa við byggingu íþróttamiðstöðvar í Búðardal á árinu 2018 og að ljósleiðaraverkefni ljúki á árinu 2019.

Þá er gert ráð fyrir að uppbygging Vínlandssýningar hefjist á árinu 2018 og ljúki árið 2019. Enn er þó óljóst með lokafjármögnun þess verkefnis.

Gert er ráð fyrir framkvæmdum við skolpútrásir og hreinsistöð á áætlunartímabilinu.

Gert er ráð fyrir að rekstrarniðurstaða A-hluta verði jákvæð öll árin og A- og B-hluta jákvæð nema árið 2020. Gert er ráð fyrir lántöku allt að 250 mill. kr. á árinu 2018 vegna íþróttamiðstöðvar, ljósleiðaraverkefnis og fráveitu og allt að 100 millj. kr. á árinu 2019.

Gert er ráð fyrir að reiknað skuldaviðmið skv. sveitarstjórnarlögum hækki úr 50% í allt að 90% á áætlunartímabilinu sem er þó vel innan marka laganna sem er 150%.

Fjárhagsáætlun 2018-2021

Gjaldskrár

Þessi frétt Fjárhagsáætlun Dalabyggðar 2018-2021 sást fyrst á Dalabyggð.