Dalabyggð, Author at Dalabyggð

Slökkviliðsstjóri

Dalabyggð — Wed, 16 Jan 2019 10:24:15 +0000

Væntanlegt byggðasamlag um brunavarnir Dala, Reykhóla og Stranda óskar eftir að ráða slökkviliðsstjóra. Tilgangur byggðasamlagsins er að að fara með skipulag, yfirstjórn, þjálfun vegna slökkviliða og eldvarnareftirlits á starfssvæðinu.

Starfssvæðið er Árneshreppur, Dalabyggð, Kaldrananeshreppur, Reykhólahreppur og Strandabyggð. Íbúar á starfssvæðinu eru 1545.

Starfssvið

Yfirumsjón og ábyrgð á rekstri og stjórnun slökkviliðsins

Ábyrgð á faglegri starfsemi slökkviliðsins

Úttektir, eldvarnareftirlit og stjórnun aðgerða

Stefnumótun og áætlanagerð

Samskipti við hagsmunaaðila

Menntunar- og hæfniskröfur

Umsækjandi skal hafa löggildingu sem slökkviliðsmaður skv. 17. gr. laga nr. 75/2000 og/eða hafa starfað að lágmarki í eitt ár í slökkviliði sem löggiltur slökkviliðsmaður eða hafa háskólamenntun með sérmenntun í brunamálum

Reynsla og/eða haldgóð þekking á stjórnun slökkviliðs æskileg

Leiðtogahæfni

Sjálfstæði og skipulögð vinnubrögð

Góð almenn tölvukunnátta og færni til að tjá sig í ræðu og riti

Þjónustulund, jákvæðni og lipurð í mannlegum samskiptum

Nánari upplýsingar veitir Þórir Þorvarðarson, thorir@hagvangur.is

Laun og starfskjör eru samkvæmt gildandi kjarasamningi Sambands íslenskra sveitarfélaga við viðkomandi stéttarfélag.

Konur jafnt sem karlar eru hvattar til að sækja um.

Umsóknarfrestur er til og með 21. janúar 2019.

Umsóknir ásamt ítarlegri ferilskrá og kynningarbréfi óskast fylltar út á www.hagvangur.is

Auglýsing pdf

Þessi frétt Slökkviliðsstjóri sást fyrst á Dalabyggð.

Sveitarstjórn Dalabyggðar 170. fundur

Dalabyggð — Tue, 15 Jan 2019 11:07:22 +0000

170. fundur Sveitarstjórnar Dalabyggðar verður haldinn í stjórnsýsluhúsinu í Búðardal, fimmtudaginn 17. janúar 2019 og hefst kl. 16.

Dagskrá

Almenn mál
1.	Íbúaþing
	Tillaga um undirbúning og tímasetningu íbúaþings.

2.	Beiðni um tilnefningu fulltrúa í vatnasvæðanefnd
	Úr fundargerð 89. fundar umhverfis- og skipulagsnefndar frá 11.01.2019: Ósk um tilnefningu fulltrúa í vatnasvæðanefnd – 1812026 Umhverfis- og skipulagsnefnd leggur til að Ragnheiður Pálsdóttir og Kristján Ingi Arnarsson verði tilnefnd sem fulltrúar Dalabyggðar í vatnasvæðanefnd.

3.	Fjallskil 2018
	Sveitarstjórn staðfesti álagningarseðla og fundargerðir fjallskiladeilda í Dalabyggð á fundi sínum 26.11.2018. Fundargerðir frá fjallskiladeild Suðurdala höfðu þá ekki borist en eru nú lagðar fram til afgreiðslu.

4.	Störf hjá Dalabyggð undanþegin verkfallsheimild
	Tillaga að lista yfir störf hjá Dalabyggð sem eru undanþegin verkfallsheimild. Haft hefur verið samráð við stéttarfélög í samræmi við lög nr. 94/1986 um kjarasamninga opinberra starfsmanna.

5.	Fyrirspurn um breytingar á fjárhagsáætlun 2016.
	Lagt fram bréf frá samgöngu- og sveitarstjórnarráðuneytinu frá 12.12.2018 þar sem ráðuneytið veitir Dalabyggð áminningu vegna þess að sveitarfélagið hafi ekki svarað erindi vegna misræmis milli innsendra fjárhagsáætlana fyrir 2016 og ársreiknings sama árs. Erindi ráðuneytisins var svarað 27.12.2018.

6.	Tjaldsvæðið Búðardal
	Frá 7. fundi atvinnumálanefndar Dalabyggðar 08.01.2019: Tjaldsvæðið Búðardal – 1804010 Nefndin leggur til að sveitarfélagið bjóði út rekstur tjaldsvæðisins í samræmi við fyrirliggjandi forsendur. Reksturinn verði boðinn út til þriggja ára, með möguleika á framlengingu í allt að tvö ár. Að þeim tíma liðnum verði auglýst að nýju.

7.	1804009 – Eiríksstaðir
	Frá 7. fundi atvinnumálanefndar Dalabyggðar 08.01.2019: Eiríksstaðir 2018 – 1804009 Nefndin leggur til að sveitarfélagið bjóði út rekstur Eiríksstaða í samræmi við fyrirliggjandi forsendur. Reksturinn verði boðinn út til þriggja ára, með möguleika á framlengingu í allt að tvö ár. Að þeim tíma liðnum verði auglýst að nýju.

8.	Laugar í Sælingsdal, staða og framtíð

9.	Ráðning slökkviliðsstjóra
	Auglýsing eftir slökkviliðsstjóra kynnt.

10.	Embætti skipulags- og byggingarfulltrúa
	Lagðar fram starfslýsingar skipulagsfulltrúa og byggingarfulltrúa ásamt drögum að fyrirkomulagi á kostnaðarskiptingu.

11.	Uppsetning skiltis á graseyju við hús Vínbúðarinnar
	Úr fundargerð 89. fundar umhverfis- og skipulagsnefndar frá 11.01.2019: Uppsetning skiltis á graseyju við hús Vínbúðarinnar – 1812023 KM þjónustan ehf. sækir um að setja niður skilti á graseyju við Vesturbraut 15 til að auglýsa verslanir og þjónustu beggja megin götunnar. Samþykkt með fyrirvara um umsögn/leyfi Vegagerðarinnar um nánari staðsetningu.

12.	Umsókn um skráningu nýrra landeigna – Lambabrekka
	Úr fundargerð 89. fundar umhverfis- og skipulagsnefndar frá 11.01.2019: Umsókn um skráningu nýrra landeigna – Lambabrekka – 1810006 Áður hefur stofnun lóðar Lambabrekku úr Ytri-Hrafnabjörg verið samþykkt. Landeigandi sækir jafnframt um að gerð verði landskipti fyrir lóðina. Landskipti lóðar samþykkt samhljóða.

13.	Umsókn um stofnun lóðar – Dunkur
	Úr fundargerð 89. fundar umhverfis- og skipulagsnefndar frá 11.01.2019: Umsókn um stofnun lóðar – Dunkur – 1901009 Kjartan Jónsson sækir um að stofna lóð um íbúðarhús í landi Dunks í Hörðudal. Stofnun lóðar samþykkt með fyrirvara um umsögn Vegagerðarinnar vegna fjarlægðar lóðarmarka frá vegi.

14.	Umsókn um stofnun lóðar – Geirshlíð
	Úr fundargerð 89. fundar umhverfis- og skipulagsnefndar frá 11.01.2019: Umsókn um stofnun lóðar – Geirshlíð – 1901010 Guðmundur Freyr Geirsson sækir um að stofna og gera landskipti fyrir lóð í landi Geirshlíðar í Hörðudal. Stofnun lóðar og landskipti samþykkt samhljóða.

15.	Umsókn um stofnun lóðar – Bolabrekka úr Fremri-Hrafnabjörgum
	Úr fundargerð 89. fundar umhverfis- og skipulagsnefndar frá 11.01.2019: Umsókn um stofnun lóðar – Bolabrekka úr Fremri-Hrafnabjörgum – 1901011 Þorsteinn Einarsson sækir um að stofna og gera landskipti fyrir sumarhúsalóð úr landi Fremri-Hrafnabjarga í Hörðudal. Stofnun og landskipti lóðar samþykkt samhljóða. Bent er á að lóðin er á fyrirhuguðu skógræktarsvæði.

16.	Aldurstakmark á dansleiki og skemmtanir í húsnæði Dalabyggðar

17.	Rekstur Silfurtúns
	Úr fundargerð 20. fundar stjórnar Dvalar- og hjúkrunarheimilisins Silfurtúns frá 14.01.2019: Rekstur Silfurtúns – 1603013 Rekstrarstaða og framtíðarhorfur, Stjórn Silfurtúns leggur til við sveitarstjórn að óskað verði eftir fundi með heilbrigðisráðherra til að ræða leiðir til að leysa rekstrarvanda hjúkrunarheimilisins.

Almenn mál – umsagnir og vísanir
18.	Velferðarstefna Vesturlands
	Velferðarstefna Vesturlands lögð fram til umsagnar. Úr fundargerð 20. fundar stjórnar Dvalar- og hjúkrunarheimilisins Silfurtúns frá 14.01.2019: Velferðarstefna Vesturlands – 1901012 Velferðarstefna Vesturlands lögð fram til umsagnar. Stefnan jákvæð en þarf að fjalla ákveðnar um framtíðarhorfur í þjónustu við aldraða. Einnig þarf stefnan að taka á stöðu fólks af erlendu bergi brotið.

19.	Tækifærisleyfi vegna þorrablóts í Dalabúð 26.1.2019
	Sýslumaðurinn á Vesturlandi óskar eftir umsögn Dalabyggðar vegna umsóknar um tækifærisleyfi vegna þorrablóts 26.01.2019.

20.	Tækifærisleyfi vegna þorrablóts í Tjarnarlundi 2.2.2019
	Sýslumaðurinn á Vesturlandi óskar eftir umsögn Dalabyggðar vegna umsóknar um tækifærisleyfi vegna þorrablóts 02.02.2019.

21.	Tækifærisleyfi vegna þorrablóts í Árbliki 9.2.2019
	Sýslumaðurinn á Vesturlandi óskar eftir umsögn Dalabyggðar vegna umsóknar um tækifærisleyfi vegna þorrablóts 09.02.2019.

22.	Tækifærisleyfi vegna þorrablóts á Staðarfelli 16.2.2019
	Sýslumaðurinn á Vesturlandi óskar eftir umsögn Dalabyggðar vegna umsóknar um tækifærisleyfi vegna þorrablóts 16.02.2019.

23.	Endurskoðun kosningalaga
	Hinn 24. október 2018 skipaði forseti Alþingis starfshóp um endurskoðun kosningalaga. Miðað er við að starfshópurinn skili tillögum sínum í formi lagafrumvarps 1. desember 2019. Á fyrstu stigum vinnunnar er sérstaklega óskað eftir athugasemdum við þá hugmynd að sett verði heildarlöggjöf um framkvæmd kosninga. Á síðari stigum verður óskað eftir athugasemdum við frumvarpsdrög starfshópsins áður en tillögum hópsins verður skilað til Alþingis.

24.	1901007 – Umsagnarbeiðni – Kolsstaðir
	Embætti sýslumannsins á Vesturlandi hefur borist umsókn Kraftaverk, Iceland hot spot ehf kt.500102-4460 um rekstrarleyfi til reksturs gististaðar í flokki II, frístundahús, sem rekið er sem Kolsstaðir að Kolsstöðum (F2118713), 371 Búðardalur. Úr fundargerð 89. fundar umhverfis- og skipulagsnefndar frá 11.01.2019: Umsagnarbeiðni – Kolsstaðir – 1901007 Embætti sýslumannsins á Vesturlandi hefur borist umsókn Kraftaverk, Iceland hot spot ehf kt.500102-4460 um rekstrarleyfi til reksturs gististaðar í flokki II, frístundahús, sem rekið er sem Kolsstaðir að Kolsstöðum (F2118713), 371 Búðardalur. Hjálagt fylgir umsóknin ásamt teikningu og umsagnarbeiðni. Hér með er óskað umsagna frá viðtakendum þessa pósts. Nefndin gerir ekki athugasemd við að rekstrarleyfið verði veitt.

Fundargerðir til staðfestingar
25.	Byggðarráð Dalabyggðar – 216

26.	Atvinnumálanefnd Dalabyggðar – 7

27.	Fundargerðir Eiríksstaðanefndar 2018

28.	Umhverfis- og skipulagsnefnd Dalabyggðar – 89

29.	Stjórn Dvalar- og hjúkrunarheimilisins Silfurtúns – 20

Fundargerðir til kynningar
30.	Aðalfundur Menningar- og framfarasjóð Dalasýslu 2018
	Fundargerð aðalfundar 2018 og ársreikningur 2017. Lagt fram til kynningar.

31.	Fundargerðir Sambands íslenskra sveitarfélaga 2018
	Fundargerð stjórnar Sambands íslenskra sveitarfélaga frá 14.12.2018 lögð fram til kynningar.

32.	Dalaveitur – fundargerðir stjórnar 2018
	Fundargerðir 13. og 14. fundar Dalaveitna ehf. lagðar fram til kynningar.

Mál til kynningar
33.	Ný reglugerð um Jöfnunarsjóð sveitarfélaga
	Ný reglugerð um Jöfnunarsjóð sveitarfélaga lögð fram til kynningar. Dalabyggð sendi umsögn um reglugerðina á meðan hún var til kynningar.

34.	Endurskoðunarbréf 2019
	Endurskoðunarbréf 2019 lagt fram til kynningar.

35.	Fjárhagsáætlun HeV 2019
	Bréf frá Heilbrigðiseftirliti Vesturlands og upplýsingar um greiðslur sveitarfélaga á árinu 2019.

36.	Skýrsla frá sveitarstjóra.
	Minnisblað sveitarstjóra lagt fram.

14.1.2019

Kristján Sturluson, sveitarstjóri

Þessi frétt Sveitarstjórn Dalabyggðar 170. fundur sást fyrst á Dalabyggð.

Bingó í Árbliki

Dalabyggð — Sun, 13 Jan 2019 07:00:44 +0000

Kvenfélagið Fjóla heldur bingó sunnudaginn 20. janúar kl. 14 í Árbliki.

Spjaldið kostar 800 kr. Allur ágóði rennur til góðra málefna í heimabyggð. Sjoppa með gosi og nammi og kaffi. Athugið að ekki er posi á staðnum.

Þessi frétt Bingó í Árbliki sást fyrst á Dalabyggð.

Uppbyggingarsjóður Vesturlands

Dalabyggð — Thu, 10 Jan 2019 15:52:17 +0000

Ráðgjafar á vegum Samtaka sveitarfélaga á Vesturlandi verða með kynningu á sjóðnum á næstu dögum þar sem hægt er að nálgast ýmsar upplýsingar um gerð umsókna, styrkhæfni verkefna o.fl. Viðvera verður í stjórnsýsluhúsinu í Búðardal þriðjudaginn 15. janúar kl. 13-15.

Opnað hefur verið fyrir umsóknir í Uppbyggingarsjóð Vesturlands, en umsóknarfrestur rennur út sunnudaginn 20. janúar.

Að þessu sinni verða veittir styrkir til atvinnuþróunar, nýsköpunar í atvinnulífi, menningarmála og stofn- og rekstrarstyrkja menningarmála.

Uppbyggingasjóður Vesturlands

Þessi frétt Uppbyggingarsjóður Vesturlands sást fyrst á Dalabyggð.

Dalir 1918

Dalabyggð — Wed, 09 Jan 2019 11:22:58 +0000

Sögustund verður á Byggðasafni Dalamanna laugardaginn 12. janúar kl. 14 og verður endurtekin (og endurbætt) sögustundin frá 30. desember um Dalina árið 1918.

Sagt verður frá helstu viðburðum í héraðinu og reynt að velta fyrir sér ýmsum flötum daglegs lífs; hverjir bjuggu hér, fjölskyldur, atvinna, búskaparhættir, veðurfar, húsakostur, heimilishald, ferðalög, leikir og störf barna og hvað eina sem heimildir bjóða uppá.

Dalir 1918 – fb

Þessi frétt Dalir 1918 sást fyrst á Dalabyggð.

Félagsvist í Árbliki

Dalabyggð — Wed, 09 Jan 2019 11:16:48 +0000

Kvenfélagið Fjóla heldur félagsvist í Árbliki föstudaginn 11. janúar kl. 20.

Aðgangseyrir er 1000 kr og frítt fyrir 14 ára og yngri. Kaffiveitingar. Athugið að ekki er posi á staðnum.

Þessi frétt Félagsvist í Árbliki sást fyrst á Dalabyggð.

Fjárhagsáætlun 2019-2022

Dalabyggð — Wed, 02 Jan 2019 13:55:34 +0000

Fjárhagsáætlun Dalabyggðar fyrir árin 2019-2022 kom til fyrstu umræðu á fundi sveitarstjórnar 1. nóvember síðastliðinn. Eftir það fór hún til umfjöllunar í nefndum og byggðarráði og kom síðan til annarrar umræðu á fundi sveitarstjórnar 22. nóvember síðastliðinn. Alls fjallaði byggðarráð um áætlunina á fimm fundum milli umræðna og einum vinnufundi. Samkvæmt sveitarstjórnarlögum nr. 138/2011 á sveitarstjórn að fjalla um fjárhagsáætlun í 2 umræðum og skal sú fyrri fara fram eigi síðar en 1. nóvember og hin síðari ekki síðar en 15. desember.

Fyrsta útgáfa áætlunarinnar var unnin af deildarstjórum hinna ýmsu eininga og skrifstofu Dalabyggðar. Vil ég þakka öllum fyrir þá vinnu.

Launakostnaður er áætlaður út frá fjölda stöðugilda og launasetningu. Áætlanir um tekjur byggja á upplýsingum frá Jöfnunarsjóði sveitarfélaga, áætlunum og viðmiðunum Sambands íslenskra sveitarfélaga, upplýsinga frá Þjóðskrá um fasteignamat og þjóðhagsspá. Á næsta ári eru kjarasamningar lausir og því er veruleg óvissa um þróun launakostnaðar á komandi ári.

Samkvæmt sveitarstjórnarlögum skulu fjármál sveitarfélaga vera í samræmi við annars vegar svonefnda jafnvægisreglu (heildarútgjöld á þriggja ára tímabili mega ekki vera hærri en reglulegar tekjur á sama tímabili) og hins vegar skuldareglu (skuldaviðmið má ekki vera hærra en 150%). Fjárhagsáætlun Dalabyggðar fyrir árin stenst þessar reglur.

Gert er ráð fyrir að álagningarhlutfall útsvars verði 14,52% sem er óbreytt frá yfirstandandi ári. Álagningarhlutfall fasteignaskatts, lóðarleigu, holræsagjalds og vatnsskatts er einnig óbreytt milli ára en fasteignamat hefur hækkað um 11%. Framlög Jöfnunarsjóðs sveitarfélaga til Dalabyggðar lækka á milli ára.
ldskrár hækka almennt um 4 eða 5%. Nokkrar gjaldskrár sem ekki hafa tekið breytingum í nokkur ár s.s. gjaldskrár fyrir hafnir annars vegar og félagsheimili hins vegar hækka meira.

Fjárhagsáætlun 2019-2022

greinagerð með fjárhagsáætlun

Gjaldskrár

Þessi frétt Fjárhagsáætlun 2019-2022 sást fyrst á Dalabyggð.

Sérstakur húsnæðisstuðningur vegna 15-17 ára barna

Dalabyggð — Wed, 02 Jan 2019 07:00:13 +0000

Börn 15-17 ára eiga ekki rétt á húsnæðisbótum. Foreldrar/forsjáraðilar sem greiða húsaleigu vegna 15–17 ára barna sinna á heimavist, á námsgörðum eða í leiguherbergi hjá óskyldum vegna náms hér á landi fjarri lögheimili eiga rétt á húsnæðisstuðningi sé sambærilegt nám ekki í boði í sveitarfélaginu.

Stuðningurinn er óháður tekjum og eignum foreldra eða forsjáraðila og getur numið allt að 50% af leigufjárhæð. Fjárhæð styrks skal þó aldrei nema hærri upphæð en 20.000 kr. á mánuði. Lágmarksgreiðsla foreldra eða forsjáraðila skal vera 10.000 kr. á mánuði.

Umsóknir skulu berast á þar til gerðum eyðublöðum fyrir 15. þess mánaðar sem greitt er fyrir, ekki er greitt aftur í tímann. Umsókn gildir fyrir hverja skólaönn. Með umsókn um slíkan stuðning skal leggja fram húsaleigusamning og staðfestingu á námi barns. Umsóknareyðublöð fást á skrifstofu og heimasíðu Dalabyggðar.

Reglur um sérstakan stuðning í húsnæðismálum í Dalabyggð

Umsókn um sérstakan húsnæðisstuðning

Þessi frétt Sérstakur húsnæðisstuðningur vegna 15-17 ára barna sást fyrst á Dalabyggð.

Héraðsbókasafn opnunartímar 2019

Dalabyggð — Fri, 28 Dec 2018 14:48:25 +0000

Frá og með 1. janúar verður bókasafnið opið á þriðjudögum og fimmtudögum kl. 12:30 – 17:30. Bókasafnið er lokað beri almenna frídaga upp á opnunardaga.

Þessi frétt Héraðsbókasafn opnunartímar 2019 sást fyrst á Dalabyggð.

Jólakveðja

Dalabyggð — Fri, 21 Dec 2018 18:00:34 +0000

Sveitarstjórn Dalabyggðar óskar íbúum Dalabyggðar gleðilegra jóla og farsæls komandi árs.

Þessi frétt Jólakveðja sást fyrst á Dalabyggð.