Með góðum undirbúningi getur þú sinnt grunnþörfum heimilisins um tíma og stutt við fólk í þínu nánasta umhverfi. Mikilvægt er að búa til áætlun og eiga vatn, mat og nauðsynjavörur sem duga í að minnsta kosti þrjá daga. Bæklingurinn kemur að góðum notum í þessum undirbúningi.

Bæklingurinn verður sendur rafrænt í gegnum Ísland.is og markar tímamót í miðlun upplýsinga um viðbúnað til almennings. Hann er jafnframt aðgengilegur á vefsíðunni verumvidbuin.is á íslensku, ensku og pólsku, auk útgáfu á auðlesnu máli og á táknmáli.

Í vikunni verður prentaðri útgáfu bæklingsins dreift á völdum stöðum um land allt með aðkomu björgunarsveita Landsbjargar samhliða sölu Neyðarkallsins. Markmiðið er að tryggja að sem flestir hafi aðgang að upplýsingum sem geta skipt sköpum þegar á reynir.

Við hvetjum íbúa Dalabyggðar til að kynna sér málið á verumvidbuin.is þar er sem fyrr segir hægt að nálgast bæklinginn á ýmsum tungumálum og útgáfum, ásamt góðum upplýsingum og mikilvægum símanúmerum.

Þessi frétt Verum viðbúin sást fyrst á Dalabyggð.

Þessi frétt Skóflustunga tekin að parhúsi í Búðardal sást fyrst á Dalabyggð.

Opið verður frá 12:30 til 16:15 í stað 17:30.

Með þökk fyrir skilninginn.

– Bókavörður

Þessi frétt Styttri opnun bókasafns 5. nóvember sást fyrst á Dalabyggð.

Fyrirkomulaginu verður þannig háttað að starfsmenn fá gjafabréf ásamt upptalningu á aðilum í Dalabyggð sem skrá sig í verkefnið. Gjafabréfin virka sem greiðsla á eða upp í kaup á vöru og/eða þjónustu hjá viðkomandi fyrirtæki.

Gert er ráð fyrir að hægt verði að nota gjafabréfin á tímabilinu frá 15. desember 2026 – 1. mars 2027.

Skilyrði fyrir þátttöku er að rekstraraðili/fyrirtæki sé skráð hjá hinu opinbera og sé starfandi í Dalabyggð.

Um er að ræða á sjötta tug gjafabréfa sem afhent verða starfsmönnum Dalabyggðar um miðjan desember 2026.

Áhugasamir skrá sig til leiks með því að senda tölvupóst á netfangið dalir@dalir.is

Skráningafrestur er til og með 5. desember n.k.

Nánari upplýsingar um verkefnið á dalir@dalir.is eða í síma 430-4700

Þessi frétt Jólagjöf til starfsmanna Dalabyggðar – kallað eftir þátttöku sást fyrst á Dalabyggð.

Dalabyggð leitar að sjúkraþjálfunarstöð eða sjálfstætt starfandi sjúkraþjálfara sem hefur áhuga á að bjóða upp á reglubundna sjúkraþjálfun í Búðardal, 2–5 daga í viku.

Dalabyggð býður upp á vel búið meðferðarherbergi til leigu á hagstæðum kjörum í Íþróttamiðstöðinni í Búðardal. Þar er góð aðstaða og tækifæri fyrir áhugasama til að byggja upp eigin sjúkraþjálfunarþjónustu á svæðinu.

Boðið er upp á sveigjanlegan vinnutíma, aðgang að sundlaug og líkamsræktaraðstöðu án endurgjalds og búnað sem þegar er til staðar.

Áhugasamir eru hvattir til að hafa samband til að kynna sér aðstöðuna og möguleikana nánar.

Nánari upplýsingar veitir Einar Björn Þorgrímsson, lýðheilsufulltrúi Dalabyggðar, í síma 866-0562 eða á netfangið einarbjorn@dalir.is.

Þessi frétt Sjúkraþjálfari óskast í Dalabyggð! sást fyrst á Dalabyggð.

Nánari upplýsingar veitir stjórnstöð í síma 528 9000. Kort af svæðinu má sjá á rarik.is/rof.

Af þessum sökum verður sundlaugin í Búðardal lokuð á laugardaginn, en líkamsræktin verður opin samkvæmt auglýstum opnunartíma.

Þessi frétt Heitavatnslaust norðan Haukadalsár – sundlaugin lokuð sást fyrst á Dalabyggð.

Bókavörður vill koma á framfæri kærum þökkum til þeirra sem á þennan hátt hugsa til safnsins og um leið hvetja fólk til að líta við og nýta sér þann góða bókakost sem þar er.

Opnunartími bókasafnsins er sem hér segir:
Þriðjudagar kl. 12:30-17:30
Fimmtudagar kl. 12:30-17:30
* Bókasafnið er lokað beri almenna frídaga upp á opnunardaga.

Þessi frétt Bókagjafir til Héraðsbókasafns sást fyrst á Dalabyggð.

Ferðaþjónustuaðilar á Vesturlandi eru hvattir til að taka dagana 26.-28. janúar 2027 frá en þá fer Ferðaþjónustuvikan 2027 fram á höfuðborgarsvæðinu. Vikunni er ætlað að efla samstarf, fagmennsku og tengslamyndun innan ferðaþjónustunnar og koma þar saman aðilar víðs vegar af landinu. Að viðburðinum standa Markaðsstofur landshlutanna, Íslenski ferðaklasinn, Samtök ferðaþjónustunnar (SAF), Ferðamálastofa og Íslandsstofa. Formlegri dagskrá Ferðaþjónustuvikunnar lýkur með Mannamótum en daginn eftir fer fram MidAtlantic ferðakaupstefnan á vegum Icelandair, þar sem innlendir ferðaþjónustuaðilar funda með erlendum kaupendum og samstarfsaðilum.

Mannamót 2027

Hápunktur vikunnar er Mannamót Markaðsstofa landshlutanna, sem haldin verða í Kórnum í Kópavogi fimmtudaginn 28. janúar. Mannamót eru stærsti kynningar- og tengslamyndunarvettvangur landsbyggðarferðaþjónustunnar þar sem fyrirtæki kynna þjónustu sína fyrir ferðaþjónustufólki, ferðaskrifstofum og öðrum fagaðilum.

Í tengslum við markaðssetningu ferðaþjónustu í Dalabyggð vill sveitarfélagið bjóða ferðaþjónum sem ætla sér að taka þátt á Mannamóti 2027 að greiða þátttökugjaldið fyrir þá.

Mannamót markaðsstofanna er hugsað sem kynningarvettvangur ferðaþjónustunnar á landsbyggðinni og tækifæri til að koma á fundum fagaðila í greininni. Tilgangurinn er að kynna landsbyggðarfyrirtæki fyrir ferðaþjónustuaðilum sem staðsettir eru víðs vegar um landið. Ísland hefur mikið upp á að bjóða og Mannamót hjálpa til við að mynda og efla tengsl innan ferðaþjónustunnar. Gestum á Mannamótum gefst kostur á kynna sér það sem mismunandi landshlutar eru að bjóða uppá.

Upplýsingar um aðstöðu og uppsetningar bása má finna hér: Upplýsingar fyrir sýnendur

Fyrirtæki sem ekki eru aðilar að markaðsstofu geta haft samband við sína landshlutaskrifstofu sem á Vesturlandi er Markaðsstofa Vesturlands. Þátttökugjald er 36.500 kr. + vsk.

Dalabyggð mun styrkja sína ferðaþjóna sem sækja Mannamót með því að greiða þátttökugjaldið fyrir þá!
ATH – ekki er nóg að skrá sig, viðkomandi verður að mæta og taka þátt á Mannamóti. Dalabyggð áskilur sér rétt til að innheimta þátttökugjaldið ef viðkomandi mætir ekki á sýninguna þann 28. janúar n.k.
Er þetta gert í samstarfi við Markaðsstofu Vesturlands þannig að reikningur fyrir þátttöku þeirra ferðaþjóna sem starfa í sveitarfélaginu, skrá sig á Mannamót 2027 og mæta, fer til Dalabyggðar.

Skráning sýnenda og gesta er þegar hafin og um að gera að skrá sig sem fyrst: SKRÁ MIG 

Skráningu sýnenda lýkur þann 16. desember 2026

Ef þið þarfnist nánari upplýsinga s.s. varðandi uppröðun, skipulag o.s.frv. bendum við á okkar góða fólk hjá Markaðsstofu Vesturlands.

Þessi frétt Skráning hafin á Mannamót 2027 – Dalabyggð styrkir ferðaþjóna sást fyrst á Dalabyggð.

Í íþróttamannvirkjum Dalabyggðar, þ.e. íþróttamiðstöðinni í Búðardal, eru tveir skjáir þar sem hægt er fá birtar auglýsingar sem uppfylla eftirfarandi reglur, að kostnaðarlausu.

Á skjánum geta lögráða einstaklingar, félagasamtök, stofnanir eða fyrirtæki fengið birta viðburði s.s. fundi, hátíðir, mót eða annað sem þau standa fyrir í Dalabyggð eða upplýsingar sem eiga erindi við almenning að öðru leyti. Miðað er við að viðburður sé opinn öllum, að minnsta kosti öllum á ákveðnum aldri eða kyni. Einnig geta félög fengið þar birt merki sín og dagskrá á meðan mótum á þeirra vegum stendur í mannvirkjunum.

Á tímabilinu 1. júní til og með 31. ágúst ár hvert er fyrirtækjum í Dalabyggð sömuleiðis heimilt að auglýsa þjónustu sína, svo lengi sem þær auglýsingar brjóta ekki í bága við aðrar greinar reglnanna. Slík auglýsing gengur allt tímabilið og kostar tímabilið 15.000 kr.- en jafnframt áfram heimilt að agulýsa viðburði að kostnaðarlausu.

Auglýsingar sem á að birta þurfa að skila sér tímanlega á netfangið dalir@dalir.is til að fá birtingu. Ekki er hægt að tryggja birtingu ef auglýsing skilar sér innan 48 klst. fyrir viðburð. Auglýsingar þurfa að skila sér tilbúnar til birtingar. Auglýsingu skal skila í stærð 1080×1920 px til að fá birtingu. Athugið að starfsfólk Dalabyggðar tekur ekki að sér uppsetningu auglýsinga.

Ekki er leyfilegt að auglýsa áfengi, tóbak og/eða annað sem ekki á erindi til barna og unglinga. Bannað er að setja upp auglýsingar sem varða stjórnmál, trúmál eða sem brjóta í bága við jafnrétti kynjanna eða almennt velsæmi.

Ekki er heimilt að hengja upp auglýsingar utan skjáa. Þær mega þó, ef þær uppfylla sömu reglur, liggja í afgreiðslu eða á borðum í kaffihorni. Starfsfólki er heimilt að fjarlægja auglýsingar sem eru hengdar upp og sömuleiðis auglýsingar sem dreift er í leyfisleysi í mannvirkjunum. Aðili sem gerist brotlegur við þessa grein skal hljóta aðvörun eftir fyrsta brot. Komi það fyrir aftur verður viðkomandi ekki heimilt að hafa auglýsingar í mannvirkjunum.

Reglurnar eru aðgengilegar á heimasíðu sveitarfélagsins undir Samþykktir og reglur

Þessi frétt Auglýsingar í íþróttamannvirkjum Dalabyggðar sást fyrst á Dalabyggð.

Fjárhagsáætlun

Samkvæmt sveitarstjórnarlögum (nr.138/2011) skal sveitarstjórn á hverju ári afgreiða fjárhagsáætlun fyrir komandi ár og næstu þrjú ár þar á eftir. Saman mynda þessar áætlanir fjögurra ára áætlun fyrir sveitarfélagið sem felur í sér heildaráætlun um fjármál sveitarfélagsins á tímabilinu, bæði A- og B-hluta. Þá ber sveitarstjórn að hafa tvær umræður um fjárhagsáætlun. Stefnt er að fyrri umræðu á sveitarstjórnarfundi þann 12. nóvember nk. og því er boðað til kynningarfunda á milli umræðna í sveitarstjórn. Með þessu móti geta íbúar komið á framfæri ábendingum varðandi áætlunina áður en síðari umræða fer fram.

Þjónustustefna

Þá kom inn breyting í fyrr nefnd sveitarstjórnarlög sumarið 2021 sem varðar svokallaða þjónustustefnu (130. gr. a.) þar sem kveðið er á um að samhliða fjárhagsáætlunargerð skuli sveitarstjórn móta stefnu fyrir komandi ár og næstu þrjú ár á eftir um það þjónustustig sem sveitarfélagið hyggst halda uppi í byggðum og byggðarlögum fjarri stærstu byggðarkjörnum viðkomandi sveitarfélags. Við gerð og mótun stefnunnar skal sveitarstjórn hafa samráð við íbúa sveitarfélagsins og því verður stefnan einnig tekin til umræðu á kynningarfundunum. Þjónustustefnan skal einnig fá tvær umræður í sveitarstjórn og hentar því vel að skoða þessi mál saman.

Sveitarfélög sinna ýmsum verkefnum sem þeim eru falin skv. lögum, svokölluð lögmælt verkefni (lögskyld/lögheimil), en geta einnig innan vissra marka, tekið að sér önnur verkefni sem ekki er kveðið á um í lögum (valkvæð). Yfirlit yfir lögmælt verkefni má finna á vef Stjórnarráðsins, eða hér: Verkefni sveitarfélaga
Þó má geta þess að einhver verkefni standa utan við í Dalabyggð. Má nefna t.d. verkefni sem eiga ekki við s.s. aðilar sem nota eingöngu gasolíu sem orkugjafa til hitunar íbúðarhúsnæðis, verkefni sem eru með öðrum hætti t.d. samstarfsnefnd um málefni lögreglu sem fellur inn í starf Almannavarnanefdar Vesturlands eða ekki er grunnur fyrir að svo stöddu, þó það geti breyst t.d. mál er varða leigubifreiðar innan sveitarfélagsins.

Hérna má sjá gildandi þjónustustefnu Dalabyggðar: Þjónustustefna Dalabyggðar 2022 – 2026 sem getur verið gott að rýna fyrir tilvonandi fundi.

Þessi frétt Kynningarfundir – Fjárhagsáætlun 2027-2030 og þjónustustefna sást fyrst á Dalabyggð.

Vikan hófst á einstaklega notalegri heimsókn í Dalahyttur í Hörðudal þar sem ég settist niður yfir morgunkaffi með Guðrúnu og Gulla, sem hafa byggt upp einstaka starfsemi á staðnum. Það er virkilega gaman að sjá þann metnað og dugnað sem liggur að baki uppbyggingunni. Sérstaklega vakti athygli mín hvernig gamall braggi hefur fengið nýtt líf sem hlýlegur og glæsilegur veitingasalur þar sem gamalt og nýtt mætast á afar skemmtilegan hátt. Húsin sem standa gestum til boða eru vel búin og umhverfið allt einstaklega aðlaðandi. Falleg náttúra, góður matur og hlýlegt andrúmsloft skapa aðstæður sem gestir eiga án efa erfitt með að gleyma.

Haldnir voru glæsilegir tónleikar í Hjarðarholtskirkju en tónlistarmennirnir KK og Mugison spiluðu fagra tóna fyrir tónleikagesti.

Eitt af stærri verkefnum síðustu daga var Haustþing Samtaka sveitarfélaga á Vesturlandi sem fram fór á Varmalandi dagana 14. og 15. október. Þar komu saman sveitarstjórar og kjörnir fulltrúar af öllu Vesturlandi til að ræða framtíðarsýn og stefnumótun fyrir landshlutann. Þrátt fyrir að veðrið hafi sett sitt mark á dagskrána voru umræðurnar bæði málefnalegar og uppbyggilegar, enda mikilvægt að sveitarfélög vinni saman að því að styrkja byggðir og þjónustu á svæðinu.

Þá lá leið mín til Stykkishólms þar sem undirritaður var samningur um uppbyggingu og starfsemi nýs þekkingarseturs á Vesturlandi. Verkefnið er spennandi skref í átt að auknu samstarfi á sviði rannsókna, menntunar og nýsköpunar. Hugmyndin er að tengja betur saman einstaklinga, fyrirtæki, menntastofnanir og opinbera aðila og byggja þannig upp öflugt þekkingarnet sem styrkir samfélögin á svæðinu. Slík samvinna getur skapað fjölmörg tækifæri til framtíðar.

Í síðustu viku heimsótti ég einnig Staðarfell þar sem fundað var um framtíðarmöguleika kirkjulóðarinnar og mögulega stækkun bílastæða. Heimsóknin gaf jafnframt tækifæri til að skoða þær framkvæmdir sem nú eru í gangi á svæðinu. Þar rís glæsilegt hótel sem án efa verður mikil lyftistöng fyrir atvinnulíf og ferðaþjónustu í Dölunum. Náttúrufegurðin á Staðarfelli er einstök og fuglalífið setur sérstakan svip á staðinn. Það er auðvelt að skilja af hverju sífellt fleiri sjá þar tækifæri til uppbyggingar.

Í Dalabyggð var Bleiki dagurinn einnig haldinn hátíðlegur. Starfsfólk stjórnsýsluhússins mætti til vinnu í bleiku og sýndi þannig samstöðu með þeim sem greinst hafa með krabbamein og aðstandendum þeirra. Dagurinn var hlýr og fallegur áminning um mikilvægi samstöðu, stuðnings og umhyggju í samfélaginu.

Sveitarstjórn bauð jafnframt í morgunkaffi síðastliðinn laugardag. Ánægjulegt var að sjá góða mætingu og líflegar umræður um málefni sveitarfélagsins. Sérstaklega var gaman að fá Ólaf Adolfsson, alþingismann Norðvesturkjördæmis, til að líta við og ræða við gesti ásamt sveitarstjórnarfulltrúum. Slíkir fundir eru mikilvægur vettvangur fyrir samtal og skoðanaskipti.

Helginni lauk svo með einum af skemmtilegustu viðburðum haustsins þegar Haustfagnaður Félags sauðfjárbænda fór fram. Dagskrá laugardagsins fór fram í reiðhöllinni en þar gátu gestir skoðað glæsilega hrúta, verslað á matar- og handverksmarkaði. Hápunktur dagsins var þó án efa Íslandsmeistaramótið í rúningi þar sem spennan var áþreifanleg og stemningin mögnuð. Þegar upp var staðið var það Dalamaður, Vignir Smári Valbergsson, sem stóð uppi sem sigurvegari eftir feikilega sterka keppni. Ég vil óska honum innilega til hamingju með glæsilegan árangur. Um kvöldið var svo hin víðsfræga sviðaveisla þar sem yfir 300 manns hittust, borðuðu saman svið og skemmtu sér fram á rauða nótt.

Ég minni á Hrekkjavökugöngu sem verður á milli 17.30 og 19:30 á morgun 27. október en þá eru vegfarendur sérstaklega beðnir um að gæta sín á alls konar verum sem verða á ferðlagi og snýkja nammi. Einnig mun nemendafélag grunnskólans bjóða upp á draugahús í tilefni hrekkjavökunnar í kjallara Dalabúðar.

Það er óhætt að segja að síðustu vikur hafi sýnt vel þann kraft sem býr í samfélaginu okkar. Hvort sem um er að ræða atvinnuuppbyggingu, menningu, samveru eða framtíðarsýn fyrir svæðið þá er víða verið að vinna gott starf sem gefur fullt tilefni til bjartsýni.

Lilja Björg Ágústsdóttir, sveitarstjóri

Þessi frétt Dagbók sveitarstjóra 12. – 25. október sást fyrst á Dalabyggð.

Bleiki dagurinn er áminning um mikilvægi forvarna, snemmtækrar greiningar og þess stuðnings sem samfélagið getur veitt þegar á reynir. Með þátttöku okkar viljum við leggja okkar af mörkum til að vekja athygli á þessu mikilvæga málefni og sýna samkennd og stuðning.

Þessi frétt Bleikur dagur í Dalabyggð sást fyrst á Dalabyggð.