Sögustund í Dalíu - kynning tveggja rithöfunda og fræðimanna

Sögustund í Dalíu – kynning tveggja rithöfunda og fræðimanna
Þriðjudaginn 4. mars kl. 19:30 í Dalíu, Miðbraut 15 í Búðardal

Þorkell Gunnar Sigurbjörnsson og Sumarliði Ísleifsson fjalla um bækur sínar og rannsóknir tengdar vinnslu þeirra.
Sumarliði fjallar um bók sína Í fjarska Norðursins. Ísland og Grænland. Viðhorfssaga í þúsund ár. Þá mun hann tengja efni bókarinnar við afstöðu Íslendinga til Grænlands á 20. öld og tengja við afstöðu og umræðu dagsins í dag.
Þorkell Gunnar mun fjalla um bók sína Með harðfisk og hangikjöt að heiman. Hvers vegna sendu Íslendingar stóran hóp íþróttafólks á Sumarólympíuleikana í London árið 1948 og talsverðan fjölda áhorfenda þegar gjaldeyrishöft voru á Íslandi og matarskortur og erfiðar aðstæður í Bretlandi eftir seinni heimsstyrjöldina?
Þátttaka Íslands var merkileg að mörgu leyti þar sem þetta voru fyrstu sumarleikarnir sem Ísland keppti á eftir lýðveldisstofnun og íslenskar konur þreyttu frumraun á Ólympíuleikum.