Sveitarstjórnarkosningar 2026
Enginn framboðslisti var lagður fyrir kjörstjórn Dalabyggðar innan lögbundins frests og verða því óbundnar kosningar (persónukjör) í sveitarstjórnarkosningunum 16. maí 2026.
Allir kjósendur sveitarfélagins eru í kjöri, nema þeir sem löglega eru undanþegnir skyldu til að taka kjöri og hafa fyrirfram skorast undan því.
Þeir sem hafa að skorast undan kjöri samkvæmt 49. gr. kosningalaga nr. 112/2021 eru Eyjólfur Ingvi Bjarnason í Ásgarði, Halla Sigríður Steinólfsdóttir í Ytri-Fagradal, Skúli Hreinn Guðbjörnsson í Miðskógi og Þuríður Jóney Sigurðardóttir á Sunnubraut 3b.
Kjörfundur verður laugardaginn 16. maí kl. 10:00 – 19:00 í Dalabúð og verður nánar auglýstur síðar.
Upplýsingar um flest er lýtur að kosningum er að finna á kosningavef landskjörstjórnar, www.kosning.is.
Utankjörfundaratkvæðagreiðsla
Utankjörfundaratkvæðagreiðsla hefst 17. apríl 2026 hjá sýslumönnum og í sumum sveitarfélögum.
Kjörskrá
Á kjörskrá eru alls 534, karlar 281 og konur 253.
Viðmiðunardagur kjörskrár var miðvikudaginn 8. apríl. Skráning lögheimilis kjósanda þann dag segir til um í hvaða sveitarfélagi hann kýs.
Framboðsfrestur
Framboðsfrestur vegna sveitarstjórnarkosninga var til kl. 12 á hádegi föstudaginn 10. apríl. Yfirkjörstjórn Dalabyggðar tók við framboðum þann dag kl. 11-12 í fundarsal stjórnsýsluhússins.
Hverjum framboðslista skal fylgja:
- Tilkynning um framboð, þar sem fram koma upplýsingar um heiti stjórnmálasamtakanna og listabókstaf þeirra, samkvæmt skrá dómsmálaráðuneytisins.Ef stjórnmálasamtök hafa ekki listabókstaf skal óska eftir honum við yfirkjörstjórn sveitarfélagsins.
- Upplýsingar um hverjir tveir menn séu umboðsmenn listans, ásamt samþykki þeirra.
- Framboðslisti ásamt undirrituðu samþykki frambjóðenda fyrir því að fara í framboð.
- Meðmæli með framboðinu – að lágmarki 20 og hámarki 40. Í Dalabyggð skal skila meðmælum á pappír.