Innkaupastefna
Það er stefna Dalabyggðar að innkaup sveitarfélagsins stuðli að hagkvæmni í rekstri og hvetji um leið til nýsköpunar og framsækinnar þróunar í atvinnulífi, með virðingu fyrir umhverfi og samfélagi að leiðarljósi. Endurspeglast það í innkaupastefnu Dalabyggðar sem lesa má hér: Innkaupastefna Dalabyggðar
Innkaupareglur
Innkaupareglum Dalabyggðar er ætlað að stuðla að vönduðum, hagkvæmum og vistvænum innkaupum og tryggja gæði vöru, þjónustu og verka sem Dalabyggð kaupir. Reglurnar gilda fyrir Dalabyggð og allar stofnanir og deildir sem reknar eru af sveitarfélaginu en taka þó ekki til fyrirtækja í eigu sveitarfélagsins, samtaka eða samlaga sem sveitarfélagið á aðild að með öðrum sveitarfélögum, þó að lög um opinber innkaup geti gilt um þau,sbr. 3. gr. laganna. Reglurnar taka til allra innkaupa sveitarfélagsins: Innkaupareglur Dalabyggðar
Vinnureglur vegna vinnu verktaka
Verktakar og einyrkjar sem hafa áhuga á að starfa fyrir Dalabyggð og hin tengdu félög þurfa að skila inn yfirlýsingu þar um. Vinnureglur og eyðublað fyrir áhugasama er að finna hér neðar. Útfyllt eyðublöð verða geymd á skjalasvæðum (rafrænt og á pappír) með takmarkað aðgengi þar sem aðeins skilgreindir starfsmenn hafa aðgang.
Á hverju ári eru fá verkefni sem fara yfir viðmiðunarfjárhæðir til að skylt sé að viðhafa útboð eða formlega verðfyrirspurn. Slíkt hefur hins vegar verið gert eins og hægt er til að gæta jafnræðis þegar kemur að stærri framkvæmdum hvers árs. Markmið með vinnureglunum er að fá skýrara yfirlit yfir þann hóp verktaka/einyrkja sem hafa áhuga á að vinna fyrir Dalabyggð og á hvaða kjörum. Yfirlitið yrði nýtt við úthlutun minni verkefna og fyrir minni lokaðar verðkannanir. Tilgangurinn er að verkbeiðnir séu með skýrari hætti sem og verklag um eftirfylgni með framgangi verkefna. Með vinnureglunum eru að auki skýrir og aðgengilegir skilmálar um innsendingu og greiðslu reikninga.
Vinnureglur um vinnu verktaka 2024
Eyðublöð:
Yfirlýsing um áhuga á vinnu verktaka (pdf til útprentunar)
Yfirlýsing um áhuga á vinnu verktaka (docx til útfyllingar í tölvu)
Eyðublaðinu er hægt að skila inn hvenær sem er og yfirlitið því lifandi skjal.
Vinnureglur verða yfirfarnar árlega í upphaf árs og auglýst eftir áhugasömum aðilum.
Fyrirspurnir og ábendingar vegna vinnureglna og yfirlýsingar er hægt að senda á kristjan@dalir.is .