Veitur Dalabyggðar
Vatnsveita
Vatnsveita Dalabyggðar er rekin af sveitarfélaginu. Stofnlögn liggur frá vatnsbóli á Svínadal í Búðardal. Veitan sér byggingum á leiðinni og þéttbýlinu fyrir köldu vatni.
Fráveita
Dalabyggð rekur fráveitukerfi í Búðardal. Kerfið er að mestu leyti einfalt þar skólp og regnvatn rennur saman í eina útrás neðan við Búðarbraut. Unnið er að uppsetningu hreinsistöðvar sem grófhreinsar frárennslið áður en það rennur til sjávar.
Götulýsing í Búðardal
Götulýsing í Búðardal er í eigu Dalabyggðar, að Vesturbraut undanskildri sem er á forræði Vegagerðarinnar. Sveitarfélags-hluti götulýsingar í Búðardal hefur að mestu verið LED-vædd.
Dalaveitur ehf.
Dalaveitur ehf. er félag í eigu Dalabyggðar sem rekur hitaveitu á Laugum í Sælingsdal. Félagið stóð fyrir uppbyggingu fjarskiptakerfis í dreifbýli sem nú er í eigu Mílu.
Tilkynningar um bilanir í veitum sveitarfélagsins skal senda á dalir@dalir.is eða í neyði í síma 894-0831.
Aðrar veitur
Hitaveita Rarik
Rarik á og rekur veituna sem sér Búðardal fyrir heitu vatni. Borholur veitunnar eru í Reykjadal nærri Bröttubrekku. Bæir á stofnleið eru einnig tengdir veitunni.
Rafveita Rarik
Allt dreifikerfi fyrir rafmagn í Dalabyggð er rekið af Rarik. Spennistöð Landsnets við Glerárskóga er megin tenging kerfisins.
Fjarskiptakerfi Mílu
Ljósleiðaralagnir í þétt- og dreifbýli er rekin af Mílu. Ljósleiðaravæðing Búðardals lauk 2025 og í kjölfarið hefur verið lokað fyrir fjarskipti um kopar.
Við framkvæmdir skal hafa í huga veitur sem eru með dreifikerfi í jörð í dreifbýli Dalabyggðar, t.d. ljósleiðarakerfi Mílu, hitaveita (Reykjadal-Búðardal) og rafstrengir Rarik, fjarskiptalagnir Mílu og Orkufjarskipta og vatnsveita Dalabyggðar (Svíndalur-Búðardal).