Til baka	Prenta
Byggðarráð Dalabyggðar - 197 Haldinn í stjórnsýsluhúsinu í Búðardal, 09.01.2018 og hófst hann kl. 16:00 Fundinn sátu: Eyþór Jón Gíslason formaður, Ingveldur Guðmundsdóttir , Sigurður Bjarni Gilbertsson , Sveinn Pálsson sveitarstjóri. Fundargerð ritaði: Sveinn Pálsson, sveitarstjóri Dagskrá:  Almenn mál 1. 1709007 - Íþrótta- og tómstundastarf Á fundinn eru mættir fulltrúar úr stjórn UDN, Heiðrún Sandra Grettisdóttir formaður og Pálmi Jóhannsson og Svana Hrönn Jóhannsdóttir íþrótta- og tómstundafulltrúi. Svana Hrönn hefur sagt upp störfum og gerir hún ráð fyrir að láta af stöfum í lok febrúar nk. Fundarmenn eru sammála um að halda áfram samstarfi Dalabyggðar og UDN og auglýsa eftir íþrótta- og tomstundafulltrúa í 80- 100% starf. Fulltrúar UDN og Svana Hrönn víkja af fundi. Byggðarráð þakkar Svönu Hrönn vel unnin störf. 2. 1801002 - Framkvæmdir 2018 Á fundinn er mættur Kristján Ingi Arnarsson umsjónarmaður framkvæmda. Kristján fer yfir stöðu framkvæmda. Gert er ráð fyrir að bjóða út ljósleiðaraverkefni ársins í þremur hlutum í byrjun febrúar. 3. 1712022 - Að vestan 2018 Sjónvarpsstöðin N4 óskar eftir áframhaldandi stuðningi sveitarfélaganna á Vesturlandi til framleiðslu þáttanna að vestan og vonast til að gera 40 þætti árið 2018. Byggðarráð samþykkir að veita kr. 500.000 til verkefnisins á árinu 2018 í samræmi við fjárhagsáætlun. Tekið af lið 1304-4915. 4. 1703010 - Íþróttamannvirki í Búðardal Byggðarráð leggur til að sveitarstjóra og umsjónarmanni framkvæmda verði falið að kanna áhuga hönnuða á því að taka þátt í hönnun íþróttamannvirkja. Byggðarráð leggur einnig til að sveitarstjórn fari með hlutverk framkvæmdanefndar byggingarinnar. Almenn mál - umsagnir og vísanir 5. 1711032 - Umsagnir vegna tækifærisleyfa Sýslumaðurinn á Vesturlandi óskar umsagnar vegna eftirfarandi umsókna um tækifærisleyfi: - Ungmennafélagið Ólafur Pá kt.470380-0479 óskar eftir leyfi til að halda þorrablót í Dalabúð 20. janúar nk. Gert er ráð fyrir 16 ára aldurstakmarki. - Rúnar Jónasson óskar efir leyfi vegna þorrablóts sem halda á að Staðarfelli 10. febrúar nk. Gert er ráð fyrir 16 ára aldurstakmarki. Byggðarráð gerir ekki athugasemdir við að leyfi verði gefin út. 6. 1602015 - Vínlandssýning í Leifsbúð Sveitarstjóri upplýsir um stöðu verkefnisins. Þegar hafa verið tryggðar rúmlega 80 millj. kr. til verkefnisins m.a. frá Sóknaráætlun Vesturlands, Uppbyggingarsjóði Vesturlands og af fjárlögum 2018 lið 18.20 Menningarstofnanir. 7. 1801003 - Íbúafundur Byggðarráð leggur til að haldinn verði íbúafundur 23. janúar nk. Drög að dagskrá. 1. Fjárhagsáætlun, sala eigna, uppbygging íþróttamannvirkja í Búðardal 2. Ljósleiðaraverkefni 3. Aðalskipulagsbreytingar -- íbúðalóðir, parhús, raðhús, smáhýsi -- vindorkugarður, gagnaver 4. Kaffihlé 5. Fyrirspurnir og umræður 8. 1709024 - Húsnæðisáætlun Sveitarstjóri gerir grein fyrir stöðu verkefnisins. 9. 1712017 - Frumvörp til umsagnar Velferðarnefnd Alþingis sendir til umsagnar frumvarp til laga um þjónustu við fatlað fólk með miklar stuðningsþarfir, 26. mál. Velferðarnefnd Alþingis sendir til umsagnar frumvarp til laga um félagsþjónustu sveitarfélaga (samningur Sþ um réttindi fatlaðs fólks, stjórnsýsla og húsnæðismál), 27. mál. Stjórnskipunar- og eftirlitsnefnd Alþingis sendir til umsagnar frumvarp til laga um kosningar til sveitarstjórna (kosningaaldur), 40. mál. Umhverfis- og samgöngunefnd Alþingis sendir til umsagnar frumvarp til laga um tekjustofna sveitarfélaga (fasteignasjóður), 11. mál. Lagt fram til kynningar. Fleira ekki gert. Fundi slitið kl. 19:40
Til baka	Prenta

• Var efni síðunnar hjálplegt?
• JáNei