Til baka	Prenta
Umhverfis- og skipulagsnefnd - 76 Haldinn í stjórnsýsluhúsinu í Búðardal, 14.09.2017 og hófst hann kl. 16:00 Fundinn sátu: Hörður Hjartarson formaður, Eyjólfur Ingvi Bjarnason aðalmaður, Halla S. Steinólfsdóttir aðalmaður, Sæmundur G. Jóhannsson aðalmaður, Valdís Gunnarsdóttir aðalmaður, Bogi Kristinsson Magnusen skipulags- og byggingarfulltrúi, Fundargerð ritaði: Valdís Gunnarsdóttir,  Dagskrá:  Almenn mál 1. 1708019 - Reiðvegur hjá Laxárósi Þórður Ingólfsson, fyrir hönd Hestamannafélagsins Glaðs, sækir um að færa reiðveginn við ósa Laxár. Umhverfis- og skipulagsnefnd samþykkir umsóknina, með fyrirvara um samþykki Veiðifélags Laxár. 2. 1709006 - Umsókn um framkvæmdaleyfi í Hvolsdal Vegagerðin sækir um framkvæmdaleyfi vegna breikkunar og endurbóta á Vestfjarðavegi um Hvolsdal. Umhverfis- og skipulagsnefnd samþykkir að framkvæmdaleyfið verði veitt, en ekki er unnt að leyfa efnistöku úr Húsá nema að fenginni umsögn Skipulagsstofnunar. 3. 1709012 - Gefum selum lengra líf Svavar Garðarsson sækir um leyfi til að fá selkópa úr Fjölskyldu- og húsdýragarðinum til dvalar og uppeldis á hafnarsvæðinu í Búðardal. Um er að ræða tilraunaverkefni þessara aðila. Umhverfis- og skipulagsnefnd samþykkir að leyfið verði veitt til 1. maí 2018. 5. 1709016 - Umferðaröryggismál í Búðardal Kristján Ingi Arnarsson, umsjónarmaður framkvæmda í Dalabyggð, sækir um leyfi fyrir nýja gangbraut yfir Vesturbraut á móts við Brekkuhvamm. Umhverfis- og skipulagsnefnd samþykkir að leyfið verði veitt, með fyrirvara um samþykki Vegagerðarinnar. Almenn mál - umsagnir og vísanir 4. 1708001 - Vilja- og samstarfsyfirlýsing Fyrirtækið Storm orka ehf áformar að koma upp vindorkugarði í landi Hróðnýjarstaða í Dalabyggð ef tilskilin leyfi fást og hefur óskað eftir samstarfi við Dalabyggð varðandi skipulagsmál o.fl. Fyrir liggja drög að vilja- og samstarfsyfirlýsingu. Sveitarstjórn fjallaði um erindið á 150. fundi og tók jákvætt í hugmyndir Storm orku ehf en vísaði málinu til umsagnar umhverfis- og skipulagsnefndar. Umhverfis- og skipulagsnefnd á erfitt með að taka afstöðu til verkefnisins, þar sem gögn vantar, svo sem afstöðumynd, stærð og fjölda vindmylla og flatarmál vindorkugarðsins. Fleira ekki gert. Fundi slitið kl. 18:00
Til baka	Prenta

• Var efni síðunnar hjálplegt?
• JáNei