Til baka	Prenta
Félagsmálanefnd Dalabyggðar - 62 Haldinn í stjórnsýsluhúsinu í Búðardal, 27.06.2022 og hófst hann kl. 15:00 Fundinn sátu: Eyjólfur Ingvi Bjarnason formaður, Guðrún Erna Magnúsdóttir varaformaður, Ragnheiður Pálsdóttir aðalmaður, Kristján Sturluson sveitarstjóri, Fundargerð ritaði: Kristján Sturluson, Sveitarstjóri Dagskrá:  Almenn mál 1. 2206029 - Kosning varaformanns félagsmálanefndar Guðrún Erna Magnúsdóttir kjörin varaformaður. 2. 2206032 - Erindisbréf félagsmálanefndar Erindisbréf nefndarinnar lagt fram. Undir þessum dagskrárlið verður einnig rætt um fundartíma nefndarinnar. Samþykkt samhljóða að ekki sé þörf á að endurskoða erindisbréf nefndarinnar. Ákvörðun um fundartíma frestað þar til starfsmaður félagsþjónustunnar getur setið fund. Erindisbref-felagsmalanefndar-samthykkt.pdf 3. 2205015 - Tilnefning fulltrúa í barnaverndarnefnd Skv. 48. gr. samþykkta fyrir Dalabyggð tilnefnir félagsmálanefnd úr sínum röðum einn aðal- og einn varamann í barnaverndarnefnd Borgarfjarðar og Dala. Tilnefna þarf þessa fulltrúa til loka árs 2022 en þá verður barnaverndarnefndin lögð niður með gildistöku nýrra laga. Ragnheiður Pálsdóttir verður aðalmaður í barnaverndarnefnd og Guðrún Erna Magnúsdóttir varamaður. 4. 2206014 - Reglur um úthlutun leiguíbúða fyrir aldraða og lífeyrisþega. Umræða um hvort endurskoða þurfi úthlutunarreglurnar. Fjórða grein í reglunum verði eftirfarandi: "Þjónustumat skal gert fyrir afgreiðslu sérhverrar umsóknar. Byggðarráð fær fagaðila til að gera þjónustumat sem ráðið hefur til grundvallar í ákvörðun sinni." Samþykkt samhljóða. Reglur um úthlutun íbúða Gunnarsbraut 11.pdf Mál til kynningar 5. 2206033 - Jafnréttisáætlun Skv. 13. gr. laga um stjórnsýslu jafnréttismála nr. 151/2020 skal að afloknum sveitarstjórnarkosningum gerð áætlun fyrir nýtt kjörtímabil um markmið og aðgerðir til að koma í veg fyrir mismunun, sbr. lög um jafna stöðu og jafnan rétt kynjanna, lög um jafna meðferð á vinnumarkaði og lög um jafna meðferð óháð kynþætti og þjóðernisuppruna, þar sem m.a. komi fram hvernig unnið skuli að kynja- og jafnréttissjónarmiðum á öllum sviðum. Áætlunin skal lögð fram til samþykktar í sveitarstjórn eigi síðar en ári eftir sveitarstjórnarkosningar. Lagt fram til kynningar. Fleira ekki gert. Fundi slitið kl. 15:35
Til baka	Prenta

• Var efni síðunnar hjálplegt?
• JáNei