Til baka	Prenta
Umhverfis- og skipulagsnefnd Dalabyggðar - 113 Haldinn í stjórnsýsluhúsinu í Búðardal, 05.03.2021 og hófst hann kl. 13:00 Fundinn sátu: Hörður Hjartarson formaður, Bjarnheiður Jóhannsdóttir ritari, Ragnheiður Pálsdóttir varaformaður, Vilhjálmur Arnórsson aðalmaður, Jón Egill Jónsson aðalmaður, Fundargerð ritaði: Þórður Már Sigfússon, Skipulagsfulltrúi Kristján Ingi kom á fundinn undir liðum 4 og 8. Dagskrá:  Almenn mál 1. 2102017 - Umhverfis- og skipulagsnefnd - erindisbréf Gengið frá erindisbréfi nefndarinnar. Við VII kafla bætist eftirfarandi setning: Sama á við ef um er að ræða fyrirtæki eða félög sem fulltrúi tengist. Erindisbréf umhverfis- og skipulagsnefndar.pdf 2. 2101036 - Fyrirspurn um Sælingsdalstungu Úr fundargerð 202. fundar sveitarstjórnar 11.02.2021, dagskrárliður 7: 2101036 - Fyrirspurn um Sælingsdalstungu Úr fundargerð 262. fundar byggðarráðs 28.01.2021, dagskrárliður 15: 2101036 - Fyrirspurn um Sælingsdalstungu Borist hefur fyrirspurn um hvort jörðin Sælingsdalstunga sé til sölu. Byggðarráð leggur til við sveitarstjórn að Sælingsdalstunga verði sett í sölu. Áður en til þess komi verði gerð landskipting sem tryggi að Dalabyggð haldi eftir svæði m.t.t. vatnsöflunar í framtíðinni. Til máls tóku: Anna og Skúli. Sveitarstjórn felur umhverfis- og skipulagsnefnd að koma með tillögu að landsskiptum Sælingsdalstungu vegna vatnsöflunar til framtíðar og haldið verði eftir stærra svæði en þegar hefur verið skilgreint fyrir vatnsveitu til Búðardal. Samþykkt samhljóða. Nefndin felur skipulagsfulltrúa að afla gagna og gera tillögur að landskiptum. 3. 2011019 - Sælingsdalur ný lóð Óskað er eftir stofnun íbúðarlóðar úr ríkisjörðinni Sælingsdal. Umhverfis- og skipulagsnefnd frestar erindinu og felur skipulagsfulltrúa að kanna hvort fara þurfi í deiliskipulagsvinnu vegna stofnun lóðarinnar. Ríkiseignir f.h. landeiganda, Ríkissjóðs Íslands, óskar eftir stofnun íbúðarlóðar, sem fær nafnið Sælingsdalur 2, úr ríkisjörðinni Sælingsdal, L137739. Um er að ræða 10.856 m2 lóð, stofnuð undir íbúðarhús á jörðinni. Ræktað land upprunajarðarinnar, Sælingsdals, L137739, minnkar sem nemur stærð nýju lóðarinnar. Erindinu var frestað á fundi umhverfis- og skipulagsnefndar þann 4. desember sl. og var skipulagsfulltrúa falið að kanna hvort fara þurfi í deiliskipulagsvinnu vegna stofnun lóðarinnar. Ekki er þörf á deiliskipulagi fyrir svæðið í tengslum við erindið og gerir skipulagsnefnd því ekki athugasemd við áformuð landskipti. Nefndin samþykkir erindið. 4. 2101038 - Ægisbraut 9. Umsókn um lóð. Sótt er um lóðina Ægisbraut 9 en stofnun hennar/afmörkun þarf að fara í grenndarkynningu. Nefndin felur skipulagsfulltrúa að grenndarkynna lóðarhöfum aðliggjandi lóða afmörkun lóðarinnar. 5. 2009005 - Deiliskipulag - íþróttamannvirki við Dalabúð og Auðarskóla Fyrir liggur tillaga að deiliskipulagi fyrir Auðarskóla og íþróttamiðstöðvar í Búðardal. Í upphafi skipulagsferlisins var fallið frá gerð skipulagslýsingar, sbr. 5.2.2. gr. skipulagsreglugerðar nr. 90/2013, þar sem allar meginforsendur deiliskipulagsins lágu fyrir í aðalskipulagi Dalabyggðar, sbr. fund sveitarstjórnar 10.12.2020. Sveitarstjórn Dalabyggðar samþykkti þann 10.12.2020 að auglýsa tillöguna. Hún var kynnt umsagnaraðilum skv. skipulagsreglugerð og var auglýst frá 6. janúar til 18. febrúar 2021 í Skessuhorni og Morgunblaðinu. Skipulagsgögnin voru til sýnis á skrifstofu og heimasíðu Dalabyggðar. Kynningarfundur var haldinn þann 26. janúar 2021 og bárust umsagnir og athugasemdir frá Heilbrigðiseftirliti Vesturlands, Minjastofnun og Vegagerðinni. Ekki voru gerðar athugasemdir í umsögnum frá Vegagerðinni og Heilbrigðiseftirliti Vesturlands og krefjast þær því ekki viðbragða. Minjastofnun gerir auk þess ekki athugasemd í umsögn stofnunarinnar en Minjavörður Vesturlands skoðaði svæðið á vettvangi þann 28. janúar sl. og er umfjöllun þess efnis bætt við kafla 2.2. í greinargerð deiliskipulagsins. Nefndin leggur til við sveitarstjórn að skipulagsfulltrúa verði falið að senda Skipulagsstofnun deiliskipulagið til yfirferðar og auglýsing um gildistöku þess birt í B-deild Stjórnartíðinda. 6. 2103012 - Gröf Laxárdal - Umsókn um byggingarleyfi Sótt er um leyfi fyrir byggingu frístundarhúss úr timbri, málklæddu úr áli. Nefndin felur byggingarfulltrúa að afgreiða málið. 7. 2103013 - Bolabrekka - Umsókn um byggingarreit og byggingarleyfi Sótt er um leyfi byggingu og byggingarreit. Nefndin felur byggingarfulltrúa að afgreiða málið. 8. 2103011 - Afmörkun lóða í Búðardal Í tengslum við endurnýjun lóðarsamninga í Búðardal hefur verið unnið að gerð og hnitsettra lóðarblaða fyrir hverja lóð fyrir sig. Heimildir um upprunaleg lóðarblöð eru misjafnar og nýting lóða stundum aðeins frábrugðin afmörkun á uppdráttum. Fyrst og fremst er horft til skráðrar stærðar lóðar í fasteignaskrá og að sýnileg afmörkun og nýting lóða sé í samræmi við hnitsetta afmörkun. Unnið er eftir hnitsettum lágflugsmyndum frá Loftmyndir ehf. Fyrir liggja endanleg lóðarblöð fyrir Dalbraut 6, 8, 10, 12, Gunnarsbraut 1, 3, 5, 7 og Miðbraut 9. Að auki liggja fyrir drög að afmörkun lóða milli Lækjar- og Bakkahvamms annars vegar og Ægisbrautar og Stekkjarhvamms hins vegar. Heilt yfir er afmörkun og stærð lóða til samræmis við skráða stærð og eldri lóðarblöð, en töluverðs ósamræmis gætir í nyrðri hluta Ægisbrautar og innri hluta Stekkjarhvamms. Nefndin felur skipulagsfulltrúa að kynna lóðarhöfum tillögu að afmörkun lóða. Mál til kynningar 9. 2002053 - Endurskoðun Aðalskipulags Dalabyggðar Fyrir liggja frumdrög að uppdrætti og greinargerð aðalskipulags Dalabyggðar en áætlað er að vinnslutillaga aðalskipulagsins verði tilbúinn í vor. Lagt fram til kynningar. 10. 2003042 - Hróðnýjarstaðir - breyting á aðalskipulagi vegna vindorkuvers Breyting á aðalskipulag Dalabyggðar vegna vindorkuvers í landi Hróðnýjarstaða. 13 umsagnir við skipulagstillögu hafa borist. Umsagnarferli fyrir tillögu að breytingu á aðalskipulagi Dalabyggðar 2004-2016 vegna vindorkuvers í landi Hróðnýjarstaða er lokið samkvæmt þeirri málsmeðferð sem við á skv. skipulagslögum. Tillagan var auglýst frá 23. nóvember 2020 til 20. janúar 2021 og alls bárust 13 umsagnir frá stofnunum, félagasamtökum, einstaklingum og landeigendum. Gögn lögð fram og skoðuð, nefndin mun fjalla nánar um málið síðar. 11. 2003041 - Sólheimar - breyting á aðalskipulagi vegna vindorkuvers Breyting á aðalskipulagi Dalabyggðar vegna vindorkuvers í landi Sólheima. 15 umsagnir hafa borist. Umsagnarferli fyrir tillögu að breytingu á aðalskipulagi Dalabyggðar 2004-2016 vegna vindorkuvers í landi Sólheima er lokið samkvæmt þeirri málsmeðferð sem við á skv. skipulagslögum. Tillagan var auglýst frá 23. nóvember 2020 til 20. janúar 2021 og alls bárust 16 umsagnir frá stofnunum, félagasamtökum, einstaklingum og landeigendum. Gögn lögð fram og skoðuð, nefndin mun fjalla nánar um málið síðar. Kristján Sturluson yfirgaf fundinn klukkan 15.55 og Grettir Ásmundsson klukkan 16.30 Fleira ekki gert. Fundi slitið kl. 17:00
Til baka	Prenta

• Var efni síðunnar hjálplegt?
• JáNei