Til baka	Prenta
Sveitarstjórn Dalabyggðar - 175 Haldinn í stjórnsýsluhúsinu í Búðardal, 09.05.2019 og hófst hann kl. 16:10 Fundinn sátu: Ragnheiður Pálsdóttir varaoddviti, Skúli Hreinn Guðbjörnsson aðalmaður, Einar Jón Geirsson aðalmaður, Þuríður Jóney Sigurðardóttir aðalmaður, Pálmi Jóhannsson aðalmaður, Kristján Sturluson sveitarstjóri, Anna Berglind Halldórsdóttir varamaður, Jón Egill Jónsson varamaður, Magnína G Kristjánsdóttir embættismaður. Fundargerð ritaði: Magnína Kristjánsdóttir, skrifstofustjóri Lagt til að eftirtöldum þremur mál verði bætt á dagskrá: 1905006 - Ósk frá Svönu Jóhannsdóttur um tímabundið leyfi frá störfum varafulltrúa í sveitarstjórn. 1806011 - Kosning í nefndir skv. A-hluta 48 gr. samþykkta Dalabyggðar. 1806012 - Kosning í stjórnir og samstarfsnefndir skv. B-hluta 48. gr. samþykkta Dalabyggðar. Þessi mál verða dagskrárliðir 1 til 3. Aðrir dagskrárliðir færast aftur í samræmi við það. Samþykkt samhljóða. Dagskrá:  Almenn mál 1. 1905006 - Ósk frá Svönu Jóhannsdóttur um tímabundið leyfi frá störfum varafulltrúa í sveitarstjórn Svana Hrönn Jóhannsdóttir óskar eftir leyfi frá starfi varafulltrúa í sveitarstjórn Dalabyggðar frá 8.05.2019 til 16.02.2020. Leyfi frá starfi varafulltrúa í sveitarstjórn Dalabyggðar frá 8.05.2019 til 16.02.2020 samþykkt samhljóða. 2. 1806011 - Kosning í nefndir skv. A-hluta 48 gr. samþykkta Dalabyggðar Svana Hrönn Jóhannsdóttir óskar eftir leyfi frá starfi varafulltrúa í umhverfis- og skipulagsnefnd og atvinnumálanefnd Dalabyggðar frá 8.05.2019 til 16.02.2020. Leyfi frá starfi varafulltrúa í umhverfis- og skipulagsnefnd og atvinnumálanefnd Dalabyggðar frá 8.05.2019 til 16.02.2020 samþykkt samhljóða. Anna Berglind Halldórsdóttir tekur sæti varafulltrúa í umhverfis- og skipulagsnefnd og atvinnumálanefnd til sama tíma. Samþykkt samhljóða 3. 1806012 - Kosning í stjórnir og samstarfsnefndir skv. B-hluta 48. gr. samþykkta Dalabyggðar Svana Hrönn Jóhannsdóttir óskar eftir leyfi frá starfi varafulltrúa í fulltrúaráði Fjölbrautaskóla Vesturlands og atjórn Dalagistingar ehf, frá 8.05.2019 til 16.02.2020. Leyfi frá starfi varafulltrúa í fulltrúaráði Fjölbrautaskóla Vesturlands og stjórn Dalagistingar ehf. frá 8.05.2019 til 16.02.2020 samþykkt samhljóða. Anna Berglind Halldórsdóttir tekur sæti varafulltrúa í fulltrúaráði Fjölbrautaskóla Vesturlands til sama tíma. Samþykkt samhljóða. Ákvörðun um fulltrúa í stjórn Dalagistingar ehf. frestað. 4. 1809019 - Húsnæðismál - umsókn um stofnframlag Úr fundargerð 93. fundar byggðarráðs 30.04.2019: Húsnæðismál - umsókn um stofnframlag. - 1809019 Staða á umsókn um stofnframlag vegna óstofnaðrar húsnæðissjálfseignarstofnunar. Byggðarráð leggur til við sveitarstjórn að gengið verði frá stofnun húsnæðissjálfseignarstofnunar. Samþykkt samhljóða. Sveitarstjórn staðfestir umsókn um stofnframlag vegna óstofnaðrar húsnæðissjálfseignarstofnunar. Dalabyggð stofni húsnæðissjálfseignarstofnun vegna byggingar og rekstrar almennra leiguíbúða. Samþykkt samhljóða. Umsókn um stofnframlag til leiguíbúða.pdf Svar við bréfi dags 15_4_2019.pdf Dalabyggð - Nýbygging raðhús 1900422.pdf 5. 1809019 - Stofnframlag (12%) frá Dalabyggð Úr fundargerð 93. fundar byggðarráðs 30.04.2019: Stofnframlag (12%) frá Dalabyggð. - 1809019 Erindi frá Íbúðalánasjóði. Dalabyggð þarf að ákveða form og upphæð stofnframlags vegna umsóknar f.h. óstofnaðrar húsnæðissjálfseignarstofnunar. Byggðarráð leggur til við sveitarstjórn að veitt verði 12% stofnframlag vegna byggingar þriggja leiguíbúða á vegum óstofnaðrar húsnæðissjálfseignarstofnunar. Stofnframlagið verði annars vegar í formi lóðarverðs og gjalda og hins vegar fjárframlags allt að kr. 7.000.000. Samþykkt samhljóða. Tók til máls: Kristján, Dalabyggð veitir 12% stofnframlag á vegum óstofnaðrar húsnæðissjálfseignarstofnunar. Kr. 2.940.014 verða greiddar með eftirgjöf gatnagerðargjalda og annarra gjalda vegna húsbygginga sem sveitarfélagið leggur á. Kr. 6.985.841 verða greiddar til húsnæðissjálfseignarstofnunarinnar í samræmi við þau lög sem um það gilda. Samþykkt samhljóða. Ákvörðun um stofnframlag sveitarfélags. .pdf Minnisblað - 1809019 - Stofnframlag.pdf 6. 1809013 - Laugar í Sælingsdal, staða og framtíð Úr fundargerð 93. fundar byggðarráðs 30.04.2019: Laugar í Sælingsdal, staða og framtíð - 1809013 Rætt um samninga við fasteignasala. Ákveðið að leggja til við sveitarstjórn að samningum við fasteignasala verði ekki sagt upp. Samþykkt samhljóða. Tóku til máls: Kristján, Einar Jón, Skúli. Einar Jón kom með eftirfarandi tillögu: Sveitarstjórn samþykkir að fela sveitarstjóra að svara framkomnum kröfum frá Frón fasteignamiðlun ehf. Skúli leggur til eftrifarandi breytingu á tillögu Einars Jóns: Sveitarstjórn samþykkir að fela sveitarstjóra ásamt lögmanni að svara framkomnum kröfum frá Frón fasteignamiðlun ehf. Samþykkt samhljóða. Tók til máls: Pálmi, Skúli. Samþykkt að fresta að afgreiða tillögu byggðarráðs. Samþykkt með sex athvæðum einn á móti (RP). Minnisblað - 1809013 - Kröfur frá Frón fasteignamiðlun.pdf 7. 1807013 - Vínlandssetur Úr fundargerð 93. fundar byggðarráðs 30.04.2019: Vínlandssetur - 1807013 Farið yfir viðræður við aðila sem buðu í verkefnið. Samþykkt samhljóða að vinna áfram að samningum á grundvelli breyttra verðhugmynda. Kristján Ingi Arnarsson starfandi skipulags- og byggingarfulltrúi sat fundinn undir dagskrárlið 2. Sveitarstjórn veitir byggðarráði umboð til að ganga frá og staðfesta samning við Ásklif ehf. og Gaflfell ehf. um framkvæmdir við Vínlandssetur. Samþykkt með sex atkvæðum, einn situr hjá (PJ). 8. 1901043 - Skólaakstur 2019 - 2022 Úr fundargerð 92. fundar fræðslunefndar 29.04.2019: Skólaakstur 2019 - 2022 - 1901043 Sveitarstjórn Dalabyggðar samþykkir að fella út möguleika í fyrirhuguðu útboði á því að einn aðili geti fengið allar aksturleiðir annað hvort sunnan eða vestan Búðardal. Skúli leggur til að tillögu Einars Jóns verði vísað til fræðslunefndar og að fræðslunefnd taki til umræðu aldur leikskólabarna í skólabílum. Samþykkt samhljóða Kristján Sturluson sat fundinn undir 2.-4. dagskrárlið Fræðslunefnd fjallaði um málið og nefndin telur rétt að ekki verði að jafnaði fleiri en tvö börn undir þriggja ára aldri í hverjum skólabíl. Úr fundargerð 93. fundar byggðarráðs 30.04.2019: Skólaakstur 2019 - 2022 - 1901043 Lögð fram drög að útboðslýsingu vegna skólaaksturs. Úr fundargerð 92. fundar fræðslunefndar frá 29.04.2019: 1901043- Skólaakstur 2019 - 2022. Fræðslunefnd fjallaði um málið og nefndin telur rétt að ekki verði að jafnaði fleiri en tvö börn undir þriggja ára aldri í hverjum skólabíl. Samþykkt samhljóða að leggja útboðsgögn fyrir sveitarstjórn til afgreiðslu. Tóku til máls: Kristján, Þuríður, Einar, Pálmi, Skúli. Tillaga Einars Jóns: Sveitarstjórn Dalabyggðar samþykkir að fella út úr útboðslýsingu möguleika á því að bjóða í flokka, þ.e. leiðir vestan og sunnan Búðardals. Einungis verði hægt að bjóða í einstaka leiðir. Samþykkt með 4 atkvæðum (ABH,JEJ,PJ,EJG), þrjú sitja hjá (RP,ÞJS,SG). Drög að útboðslýsingu samþykkt með sex atkvæðum, einn sat hjá (RP). Minnisblað - 1901043 - Skólaakstur 2.pdf 9. 1902006 - Húsnæðismál Byggðasafns Dalamanna Úr fundargerð 4. fundar menningarmálanefndar 29.03.2019: Fyrir liggur minnisblað um húsnæðismál Byggðarsafns Dalamanna frá 8.2.2019. Fyrir liggur minnisblað - kostir í stöðunni um húsnæðismál Byggðarsafns Dalamanna frá 27.3.2019. Valdís kemur inná fundinn. Hún hefur tekið saman nokkra punkta með framtíðarhúsnæði sem byggja á því húsnæði sem að Dalabyggð á og öðru húsnæði sem væri hugsanlega í boði. Nefndin ætlar að semja fyrirspurn til sveitastjórnar varðandi hver vilji sveitastjórnar er gagnvart því húsnæði sem sveitafélagið á nú þegar og hvort að eitthvað af því húsnæði sé hugsað til þess að hýsa safnið til frambúðar. Þorgrímur og Valdís ætla að taka saman fyrirspurnina. Varaoddviti leggur til að málinu verði vísað til umfjöllunar í byggðarráði. Samþykkt samhljóða. Byggðasafn Dalamanna - bréf til sveitarstjórnar.pdf Minnisblað 27.03.2019.pdf Minnisblað 9.2.2019 Byggðasafn Dalamanna húsnæðismál.pdf 10. 1904019 - Erindisbréf Öldungaráðs Dalabyggðar og Reykhólahrepps Úr fundargerð 8. fundar öldungaráðs Dalabyggðar og Reykhólahrepps 3.04.2019: Reglur Öldungaráðs ? þarf að endurskoða þær? Farið yfir erindisbréf öldungaráðs frá 2015, gerðar breytingar á því samkvæmt nýjum lögum um öldungaráð og nokkrar minniháttar breytingar í ljósi reynslunnar. Nýtt erindisbéf verður sent sveitarstjórnunum til staðfestingar. Breytingar á erindisbréfi öldungaráðs Dalabyggðar og Reykhólahrepps samþykktar samhljóða. Erindisbréf öldungaráðs - breyting.pdf Núgildandi erindisbréf Öldungaráðs - frá 2015.pdf 11. 1904021 - Þjónusta við aldraða - erindi frá Öldungaráði Úr fundargerð 8. fundar öldungaráðs Dalabyggðar og Reykhólahrepps 3.04.2019: Þjónusta við aldraða hjá sveitarfélögunum. Rætt um snjómokstur og slátt í görðum. Talað um hvort sömu reglur gildi um þéttbýli og dreifbýli og rætt um snjómokstur til þeirra sem búa einir og eiga erfitt með aðgengi að verslun og þjónustu yfir vetrarmánuðina. Vísað til sveitarfélaganna að útbúa reglur um slátt og snjómokstur fyrir eldri borgara og koma þeim á framfæri til íbúa. Tók til máls Kristján, Málinu vísað til umfjöllunar í byggðarráði og félagsmálanefnd. Samþykkt samhljóða. Umsóknareyðublað vegna garðasláttar sumarið 2019 kynnt. Viðmiðunarreglur varðandi snjómokstur.pdf Umsóknareyðublað um garðaslátt.pdf Umsóknareyðublað um garðaslátt - útgáfa fyrir sumarið 2019.pdf 12. 1901023 - Úrvinnslugjald vegna bifreiða Tóku til máls: Einar Jón, Skúli, Kristján, Pálmi, Anna Berglind, Jón Egill, Ragnheiður. Einar Jón leggur fram eftirfarandi tillögu: Sveitarstjórn Dalabyggðar samþykkir að allar greiðslur sem borist hafa sveitarfélaginu frá úrvinnslusjóð vegna úreldingar á bifreiðum frá árinu 2003 til dagsins í dag verði borgaðar þeim aðila sem tekið hefur á móti viðkomandi bifreiðum og skilað þar til gerðum skýrslum inn til úrvinnslusjóðs því til staðfestingar. Sveitarstjóra er falið að klára málið. Pálmi leggur fram tillögu að sveitarstjóra verði falið að semja við KM. Einar Jón dregur tillögu sína til baka. Ragnheiður leggur fram tillögu um að byggðaráði og sveitarstjóra verði falið að halda áfram samræðum við KM Samþykkt með 4 atkvæðum (SG, ABH, RP,ÞJS) þrír á móti (EJG, PJ, JEJ). Ragnheiður leggur fram tillögu um að visa umræðu um framtíð úrvinnslu bifreiða til byggðaráðs og umhverfis- og skipulagsnefndar. Samþykkt með 6 atkvæðum, einn sat hjá (EJG). 13. 1904018 - Að vestan 2019 Úr fundargerð 93. fundar byggðarráðs 30.04.2019: Að vestan 2019 - 1904018 Beiðni frá N4 um kostun frá Dalabyggð vegna þáttanna "Að vestan". Samþykkt samhljóða að leggja til við sveitarstjórn að Dalabyggð taki ekki þátt í ár. Erindi líkt og þetta þurfa að koma til meðferðar við vinnslu fjárhagsáætlunar. Tóku til máls: Kristján, Ragnheiður. Tillaga byggðarráðs um að sveitarstjórn Dalabyggðar taki ekki þátt í ár. Samþykkt samhljóða. Beiðni um kostun frá Dalabyggð 2019.pdf 14. 1904035 - Útboð vegna framkvæmda Dalaveitna ehf. 2019 Út fundargerð 17. fundar stjórnar Dalaveitna ehf. 30.04.2019: Útboð vegna framkvæmda 2019 - 1904035 Eitt tilboð barst. Ákveðið að tilkynna Lás ehf. að tilboðinu verði tekið. Tók til máls: Kristján. Sveitarstjórn Dalabyggðar samþykkir afgreiðslu stjórnar Dalaveitna ehf. samhljóða. Opnun tilboða í lagningu ljósleiðara 2019.pdf 15. 1904023 - Fasteignagjöld 2019 - umsókn um styrk vegan reiðhallar Úr fundargerð 93. fundar byggðarráðs 30.04.2019: Fasteignagjöld 2019 - umsókn um styrk - 1904023 Umókn frá Nesodda ehf. um styrk vegna fasteignagjalda. Samþykkt samhljóða að leggja til við sveitarstjórn að veittur verði styrkur til greiðslu fasteignagjalda í samræmi við eignarhlut Hestamannafélagsins Glaðs. Tóku til máls: Kristján, Anna Berglind, Pálmi. 4 samþykktir (ÞJS,RP,SG,JEJ), einn sat hjá (PJ), einn á móti (ABH) Einar Jón vék af fundi undir þessum dagskrárlið. Áður en styrkurinn verður greiddur leggi Hestamannafélagið Glaður og Hrossaræktarsamband Dalamanna fram siðareglur í samræmi við samþykkt 166. fundar sveitarstjórnar frá 18. október 2018, 16. dagskrárlið. Reglur Dalabyggðar um styrki til greiðslu fasteignaskatts til félaga og.pdf Ársreikningur 2017.pdf Bréf sem fylgir umsókn.pdf Umsóknareyðublað útfyllt.pdf 16. 1802018 - Deiliskipulag Hvammar Úr fundargerð 93. fundar umhverfis- og skipulagsnefndar 3.05.2019: Deiliskipulag Hvammar - 1802018 Skipulagsstofnun gerði athugasemd við deiliskipulagstillögu. Uppfærð skipulagsgögn lögð fyrir til samþykktar. Skipulagsfulltrúa falið að sjá til þess að brugðist verði við athugasemdum frá Skipulagsstofnun. Endurbætt gögn verða í kjölfarið lögð fram til afgreiðslu sveitarstjórnar á næsta fundi. Tók til máls: Þórður Már, Kristján. Deiluskipulag Hvamma samþykkt samhljóða. 180228_Hvammar_dsk.pdf Umsögn frá Skipulagsstofnun.pdf Umsögn frá Náttúrufræðistofnun.pdf Umsögn frá Umhverfisstofnun.pdf Umsögn frá Minjastofnun.pdf Umsögn frá Samgöngustofu.pdf Hvammar - deiliskipulag íbúðarsvæða.pdf Greinargerð-Hvammar_PDF.pdf Þórður Már Sigfússon sat fundinn undir dagskrálið nr.16 17. 1901005 - Mál frá Alþingi til umsagnar - 2019 Úr fundargerð 93. fundar byggðarráðs 30.04.2019: Mál frá Alþingi til umsagnar - 2019 - 1901005 Frumvarp til laga um menntun, hæfni og ráðningu kennara og skólastjórnenda við leikskóla, grunnskóla og framhaldsskóla, 801. mál. Tillaga til þingsályktunar um ákvörðun sameiginlegu EES-nefndarinnar, nr. 93/2017, um breytingu á IV. viðauka (Orka) við EES-samninginn (þriðji orkupakkinn), 777. mál. Frumvarp til laga um dýrasjúkdóma o.fl. (innflutningur búfjárafurða), 766. mál. Frumvarp til laga um veitingastaði, gististaði og skemmtanahald (stjórnvaldssektir og eftirlit með gististarfsemi), 784. mál. Frumvarp til laga um mat á umhverfisáhrifum (EES-reglur, stjórnvaldssektir o.fl.), 775. mál. Frumvarp til laga um Þjóðgarðastofnun og þjóðgarða, 778. mál. Frumvarp til laga um breytingu á raforkulögum (tilvísun í stefnu stjórnvalda um uppbyggingu flutningskerfis raforku), 792. mál. Tillagu til þingsályktunar um breytingu á þingsályktun nr. 26/148, um stefnu stjórnvalda um uppbyggingu flutningskerfis raforku, 791. mál. Frumvarp til laga um breytingu á raforkulögum og lögum um Orkustofnun (EES-reglur, viðurlagaákvæði), 782. mál Send verður umsögn um frumvarp til laga um dýrasjúkdóma. Ítrekun sú umsögn sem send var þegar drög að frumvarpinu voru til kynningar í samráðsgátt. Byggðarráð leggur til við sveitarstjórn að tekin verði afstaða til frumvarps til laga um breytingu á raforkulögum og þingsályktun um uppbyggingu flutningskerfis raforku. Alþingi verði síðan send umsögn í framhaldi af því. Tók til máls: Þuríður. Þuríður leggur fram eftirfarandi tillögu: Sveitarstjórn Dalabyggðar hvetur þingmenn til að standa vörð um sjálfákvörðunarrétt þjóðarinnar í orkumálum. Ekkert bendir til að innleiðing þriðja orkupakkans lækki raforkuverð til heimila og fyrirtækja í landinu. Þvert á móti eru líkur á að raforkuverð hækki komi til lagningar sæstreings í framtíðinni. Samþykkt með sex atkvæðum, einn sat hjá(EJG). Frá nefndasviði Alþingis - 792, 791 og 782. mál til umsagnar.pdf Til umsagnar 777. mál frá nefndasviði Alþingis.pdf Umsögn Dalabyggðar um frumvarp til laga um dýrasjúkdóma o fl (innflutningur búfjárafurða) 766 mál.pdf Fundargerðir til staðfestingar 18. 1903004F - Menningarmálanefnd Dalabyggðar - 4 Samþykkt samhljóða. 19. 1904002F - Fræðslunefnd Dalabyggðar - 92 Tóku til máls: Einar Jón, Kristján. Fundargerðin samþykkt samhljóða. 20. 1904003F - Byggðarráð Dalabyggðar - 93 Samþykkt samhljóða. 21. 1904004F - Umhverfis- og skipulagsnefnd Dalabyggðar - 93 Samþykkt samhljóða. 22. 1805007 - Fundargerðir Öldungaráðs 2019 Fundargerð 8. fundar Öldungaráðs Dalabyggðar og Reykhólahrepps. Samþykkt samhljóða. 8 fundur Öldungaráðs 3 apríl 2019.pdf Fundargerðir til kynningar 23. 1902027 - Dalaveitur - fundargerðir stjórnar 2019 Lögð fram til kynningar. Dalaveitur ehf 17.pdf 24. 1902003 - Fundargerðir Sambands ísl. sveitarfélaga 2019 Fundargerð 870. fundar stjórnar Sambands íslenskra sveitarfélaga 11. apríl 2019. Lögð fram til kynningar. stjórn Sambands íslenskra sveitarfélaga - 870.pdf Mál til kynningar 25. 1810005 - Drög að matsáætlun Úr fundargerð 93. fundar umhverfis- og skipulagsnefndar 3.05.2019: Drög að matsáætlun - 1810005 Skipulagsstofnun óskar eftir því að Dalabyggð gefi umsögn um tillögu að matsáætlun vegna mats á umhverfisáhrifum á 80 til 130 MW vindorkuvers að Hróðnýjarstöðum. Umhverfis- og skipulagsnefnd gerir athugasemd við lið 3.6 og fer fram á að gerð verði nánari grein fyrir förgun vindmylla og undirstöðum þeirra. Nefndin gerir einnig athugasemd við lið 4.1.6.1 og óskar eftir því að gerð verði frekari grein fyrir rannsóknum sem framkvæmdar voru árið 2018 og þeim sem eru fyrirhugaðar árið 2019. Umhverfis- og skipulagsnefnd leggur áherslu á að vandað verði til verka í jafn viðamiklu verkefni. Tók til máls: Kristján. Lagt fram til kynningar. Drög að matsáætlun Storm orka.pdf Vindorkuver að Hróðnýjarstöðum - beiðni um umsögn.pdf 26. 1811024 - Ísland ljóstengt 2019 Úr fundargerð 17. fundar stjórnar Dalaveitna ehf. 30.04.2019: Ísland ljóstengt 2019 - 1811024 Samningar við Fjarskiptasjóð og samgöngu- og sveitarstjórnarráðuneyti lagðir fram. Lagt fram. Tók til máls: Kristján. Lagt fram til kynningar. Samningur samgöngu- og sveitarstjórnarráðuneytisins og Dalabyggðar um byggðarstyrk vegna ljósleiðaravæðingar 2019.pdf Samningur um styrkúthlutun á árinu 2019 til uppbyggingar ljósleiðarakerfa í dreifbýli Dalabyggð.pdf 27. 1901014 - Skýrsla frá sveitarstjóra. Tók til máls: Kristján. Lögð fram til kynningar. Minnisblað - 1901014 - skýrsla sveitarstjóra maí 2019.pdf Fleira ekki gert. Fundi slitið kl. 19:20
Til baka	Prenta

• Var efni síðunnar hjálplegt?
• JáNei