Opið hús/tveir kynningarfundir vegna fyrirhugaðra breytinga á aðalskipulagi Dalabyggðar verða haldnir miðvikudaginn 3. júní nk. frá kl. 15:00 til 21:00 í félagsheimilinu Dalabúð að Miðbraut 8 í Búðardal.
Fyrri fundurinn verður haldinn milli kl. 15:00 og 18:00 og snýr að breytingu á aðalskipulagi vegna skilgreiningar á iðnaðarsvæði í landi Sólheima.
Síðari fundurinn verður haldinn milli kl. 18:00 og 21:00 og snýr að breytingu á aðalskipulagi vegna skilgreiningar á iðnaðarsvæði í landi Hróðnýjarstaða.
Breyting á Aðalskipulagi Dalabyggðar 2004-2016 vegna skilgreiningar á iðnaðarsvæði í landi Sólheima.
Breytingin felst í að skilgreina iðnaðarsvæði vegna uppbyggingar vindlundar til raforkuframleiðslu.
Sjá nánar: Sólheimar aðalskipulagsbreyting
Breyting á Aðalskipulagi Dalabyggðar 2004-2016 vegna skilgreiningar á iðnaðarsvæði í landi Hróðnýjarstaða.
Breytingin felst í að skilgreina iðnaðarsvæði vegna uppbyggingar vindlundar til raforkuframleiðslu.
Sjá nánar: Hróðnýjarstaðir aðalskipulagsbreyting
Eftir kynningu (Opið hús) á ofangreindum skipulagsbreytingum (skipulagsgögnum) verða þau lögð fyrir umhverfis- og skipulagsnefnd og sveitarstjórn til frekari afgreiðslu. Ákveði sveitarstjórn að auglýsa ofangreindar skipulagsbreytingar mun frestur til að gera athugasemdir við þær vera að minnsta kosti 6 vikur.
Þórður Már Sigfússon, skipulagsfulltrúi.
Athugið!
Samkvæmt auglýsingu heilbrigðisráðherra um takmörkun á samkomum vegna farsóttar sem tók gildi 25.maí s.l. er allt að 200 manns heimilt að koma saman í hverju sóttvarnarrými.
Með tilliti til þess verður hámarks gestafjöldi í Dalabúð í kynningarfundum vegna breytinga á aðalskipulagi Dalabyggðar sem verða haldnir 3.júní n.k. 200 manns á hvorn.
Ekki verður unnt að gæta að 2ja metra bili manna á milli í hvívetna þó ákveðinn hluti hússins verði afmarkaður fyrir þá sem kjósa að halda bilinu.
Þá verður fundunum einnig streymt á YouTube síðu Dalabyggðar þegar þeir hefjast, athugasemdum er hægt að skila á netfangið skipulag@dalir.is.