Heilsuvera.is er vefur fyrir almenning um heilsu og áhrifaþætti hennar. Markmið síðunnar er að koma á framfæri til almennings áreiðanlegri þekkingu um þroska, heilsu og áhrifaþætti heilbrigðis.
Inn á mínum síðum á Heilsuvera.is er öruggt vefsvæði þar sem hægt er að eiga í samskiptum við starfsfólk heilbrigðisþjónustunnar og nálgast gögn úr eigin sjúkraskrá.
Hægt er að endurnýja föst lyf, bóka tíma hjá lækni á þinni heilsugæslustöð, sjá yfirlit yfir ónæmisaðgerðir, taka ákvörðun um líffæragjöf o.fl. Einungis er hægt að endurnýja þau lyf rafrænt sem fólk hefur áður fengið skrifað upp á hjá læknum Heilbrigðisstofnunar Vesturlands.
Reynt verður að afgreiða sem mest samdægurs en ekki er hægt að lofa afgreiðslu nema innan 2ja daga. Því er fólk hvatt til að sýna fyrirhyggju og óska eftir endurnýjun í tíma.
Til þess að fá aðgang að eigin heilbrigðisupplýsingum í Heilsuveru.is þarf rafræn skilríki.
Nýjar reglur um lyfjaendurnýjanir hafa tekið gildi hjá HVE. Lyfjaendurnýjun í síma á aðeins við um FÖST lyf.
Ekki verða afgreidd sýklalyf í lyfjaendurnýjun – panta þarf síma- eða viðtalstíma hjá lækni.
Eftirritunarskyld lyf eins og sterk verkjalyf má eingöngu endurnýja einn mánaðarskammt í einu og þarf að koma á stöð í eftirlit a.m.k. einu sinni í mánuði vegna þessa. Markmiðið verður að draga úr þeirri lyfjanotkun eins og hægt er.
Róandi- og svefnlyf, má eingöngu endurnýja einn mánaðarskammt í einu og mest þrisvar sinnum. Eftir það er nauðsynlegt að koma á stofu til læknis ef þörf er á áframhaldandi meðferð.
Allir sem nota lyf að staðaldri ættu að koma á stofu til læknis í eftirlit a.m.k. árlega.
Vonumst við til að skjólstæðingar okkar sýni þessu skilning.
Starfsfólk HVE Búðardal /Reykhólum