Með glimmer á rassinum

Þriðjudagskvöldið 18. febrúar kl. 20:30 verður fræðslukvöld fyrir foreldra í Hjálmakletti, sal Menntaskóla Borgarfjarðar.

Eftirtaldir aðilar verða með erindi, deila þekkingu sinni og svara spurningum foreldra.

Þórdís Elva Þorvaldsdóttir, verkefnastjóri og handritshöfundur stuttmyndarinnar „Fáðu já“ deilir reynslu sinni af því að spjalla við þúsundir unglinga um klám, kynlíf, ofbeldi og internetið – og hvers vegna það skiptir máli að ræða þessi mál opinskátt.

Sólveig Karlsdóttir frá SAFT (samfélag, fjölskylda og tækni) ræðir um notkun barna og unglinga á Samfélagsmiðlum og Interneti. Til umfjöllunar verður m.a. siðferði á netinu, rafrænt einelti, haturstal, netboðorðin, friðhelgi einkalífsins, nettæling og netfíkn. Hvernig geta foreldrar brugðist við?

Lögreglan mætir með fíkniefnahundinn Nökkva og sýnishorn af neyslutólum og kynnir stöðuna í rannsóknum fíkniefnamála og hvernig má merkja vísbendingar um fíkniefnanotkun.

Allir eru velkomnir