Fréttir.

Nýtt símkerfi hefur verið tekið í notkun í Auðarskóla og samhliða breytingar á símanúmerum í grunnskóla- og tónlistardeildum. Ný símanúmer eru Auðarskóli 430 4757 Skólastjóri 430 4753 Deildarstjóri 430 4754 Sérkennsla 430 4755 Tónlistarskóli 430 4756

Skrifstofur Sýslumannsins á Vesturlandi verða lokaðar þriðjudaginn 12. maí 2015. Vegna starfsdags starfsmanna Sýslumannsins á Vesturlandi verða allar skrifstofur embættisins lokaðar þriðjudaginn 12. maí 2015. Sýslumaðurinn á VesturlandiÓlafur Kristófer Ólafsson

Byggðaráð Dalabyggðar og Dalakot boða til súpufundar um atvinnumál í Dalabyggð. Fundurinn verður í Dalakoti miðvikudaginn 6. maí kl. 18 og er gert ráð fyrir að hann standi í um 2 klst. Á fundinum verða stuttar framsögur forsvarsmanna fyrirtækja og stofnana í héraðinu og umræður. Súpa verður í boði Dalakots. Byggðaráð og Dalakot

Sveitarstjórnir Dalabyggðar, Reykhólahrepps og Strandabyggðar sammæltust um það eftir sveitarstjórnarkosningarnar 2014 að hittast á sameiginlegum fundi til að ræða sameiginleg málefni, frekara samstarf og sameiningarmál þessara sveitarfélaga. Sá fundur var haldinn 31. mars 2015 í Tjarnarlundi. Fulltrúum frá Árneshreppi og Kaldrananeshreppi var einnig boðið að taka þátt í samtalinu. Til fundar mættu 19 fulltrúar, þó enginn frá Árneshreppi vegna ófærðar.

Fyrsta maí verða SDS og Stéttarfélags Vesturlands með samkomu í Dalabúð kl. 14:30. Kynnir er Kristín G. Ólafsdóttir SDS, ræðumaður Geirlaug Jóhannsdóttir ASÍ og um skemmtiatriði sjá Guðrún Gunnarsdóttir og Jogvan. Félagsmenn SDS og Stéttarfélags Vesturlands eru hvattir til að mæta og sýna með því samstöðu á degi verkalýðsins. Félagsmönnum og gestum þeirra er boðið uppá kaffiveitingar að dagskrá lokinni.

Sýnikennsla og reiðnámskeið með Randi Holaker sem var frestað verður 1. maí. Hestaíþróttamót Glaðs fer fram á reiðvellinum í Búðardal laugardaginn 2. maí og hefst keppni stundvíslega klukkan 10. Mótið er opið öllum félögum í hestamannafélögum í LH. Keppt verður í pollaflokki, barnaflokki, unglingaflokki, ungmennaflokki og opnum flokki Keppnisgreinar eru fjórgangur, fimmgangur, tölt, 100 m skeiði, auk frjálsrar aðferðar í

Íbúar Dalabyggðar eru minntir á að umsóknarfrestur um sjálfboðavinnuverkefni er til og með fimmtudagsins 30. apríl. Reglur um sjálfboðavinnuverkefni Umsóknareyðublöð

Vegna aukinna verkefna, leitar MS Búðardal eftir starfsfólki til starfa við ostaframleiðslu og pökkunarstörf. Um framtíðarstörf er að ræða og æskilegt er að viðkomandi sé eldri en 20 ára. Nánari upplýsingar veita Lúðvík Hermannsson, ludvikh@ms.is og Elísabet Svansdóttir, elisabets@ms.is

124. fundur sveitarstjórnar Dalabyggðar verður haldinn í stjórnsýsluhúsinu í Búðardal, þriðjudaginn 21. apríl 2015 og hefst kl. 17. Dagskrá Almenn mál 1. Ársreikningur 2014 2. Árblik – Fyrirspurn um kaup eða leigu 3. Kaup á Tjarnarparti 4. Saman-hópurinn – Styrkbeiðni 5. Samningur um samstarf varðandi skipulags- og byggingarfulltrúa 6. Veiðifélag Laxár í Hvammssveit – Aðalfundarboð 7. Veiðifélag Laxdæla – Aðalfundarboð

Fimmtudaginn 23. apríl (sumardaginn fyrsta) verður Vestfjarðavíkingurinn 2014 sýndur á RÚV kl. 19:35. Keppt var í tveimur síðustu greinunum, trukkadrætti og steintökum, á bæjarhátíðinni síðastliðið sumar.

Hjúkrunarheimilið Fellsendi óskar eftir að ráða starfsmenn til sumarafleysinga við umönnun, eldhús, þvottahús og við ræstingu. Um er að ræða fjölbreytt störf sem er lærdómsríkt og gefandi. Tilvalið fyrir þá sem hafa hug á námi í heilbrigðis- og félagsfræðum. Nánari upplýsingar veitir Jóna H. Magnúsdóttir framkvæmdastjóri í síma 866 9915 einnig er hægt að senda fyrirspurnir á jona@fellsendi.is

Vinnuskólinn verður starfræktur frá 8. júní til 31. júlí og er fyrir unglinga fædda árin 1999 – 2002. Daglegur vinnutími verður kl. 8-12 og 13-15 fimm daga vikunnar fyrir elstu börnin, en fjóra daga fyrir hin yngri. Umsóknareyðublöð eru á heimasíðu (www.dalir.is) og skrifstofu Dalabyggðar. Umsóknarfrestur er til og með 15. maí 2015.