Í gær, fimmtudaginn 30. mars, var árshátíð Auðarskóla haldin í Dalabúð með glæsibrag fyrir fullum sal.
Nemendur hafa eytt mörgum dögum og mikilli vinnu í árshátíðina sína og sást það svo sannarlega.
Sýnd voru fjögur leikrit þar sem nemendur lögðu hönd á plóg með ýmsum hætti, sem leikarar, tæknimenn, sviðsmenn, við búningahönnun og leikmyndagerð, svo eitthvað sé nefnt.
1. bekkur sýndi Rauðhettu, 2.-4. bekkur Kardimommubæinn, 5.-7. bekkur sýndi Þrymskviðu og 8.-10. bekkur söngleikinn Grease.
Dalabyggð óskar nemendum, kennurum og öðrum sem komu að árshátíðinni til hamingju með frábærar sýningar.
(1. bekkur – Rauðhetta)
(2.-4. bekkur – Kardimommubærinn)
(5.-7. bekkur – Þrymskviða)
(8.-10. bekkur – Grease)