Glaður

Hestamannafélagið Glaður var stofnað í þinghúsi Miðdalahrepps á Nesodda þann 20. júlí árið 1928. Dalamenn voru að því því leitinu frumkvöðlar að þetta var annað hestamannafélag landsins, aðeins Fákur sem stofnaður var 1922, er eldri.

Snemma í sögu sinni kom félagið sér upp keppnisaðstöðu á Nesodda í Miðdölum. Allt til ársins 2006 voru þar haldin árlega Hestaþing Glaðs. Hestaþingið er gæðingakeppni með kappreiðum og tölti. Íþróttakeppni félagsins fór hins vegar lengst af fram á velli Hestaeigendafélags Búðardals við Laxá. Í júlí 2006 vígði Glaður hins vegar loksins nýtt vallarsvæði sitt með bæði 250 m og 300 m hringvelli auk skeiðbrautar. Hinn nýji völlur er í Búðardal í nánum tengslum við hesthúsabyggðina. Öll félagsmót Glaðs fara nú fram á hinu nýja keppnissvæði, nú hefur einnig verið reist þar reiðhöll.

Heimasíða Glaðs

Stjórn Glaðs