06:55
19:46
Flokkun og endurnýting á sorpi
Mælt er með flokka úrganginn eins mikið og mögulegt er við komu á móttökustöðina til að lágmarka förgunarkostnaðinn.
Opnunartímar endurvinnslustöðvarinnar
| þriðjudagar | 14 | – | 18 |
| fimmtudagar | 14 | – | 18 |
| laugardagar | 10 | – | 14 |
* Lokað á stórhátíðardögum *
Unnið er að nýrri gjaldskrá og stefnt að því að hún taki gildi 1. apríl 2021. Gert er ráð fyrir að íbúar fái klippikort sem þeir geta nýtt fyrir gjaldskyldan úrgang.
Reglur um klippikort fyrir endurvinnslustöð í Dalabyggð
Á endurvinnslustöðinni er tekið á móti eftirfarandi flokkum úrgangs í gáma:
1) Almennur blandaður (óflokkaður) úrgangur
2) Endurvinnsluúrgangur, s. s. pappa, pappír og plast
3) Raf‐ og rafeindatæki, s. s. kælitæki, ísskápar, rafeindatæki, sjónvörp, skjáir
4) Spilliefni, s. s. olíuvörur, leysiefni, málning, rafgeymar, rafhlöður
5) Timbur ‐ ómeðhöndlað / hreint
6) Timbur ‐ meðhöndlað
7) Málmur, brotajárn
8) Steinefni, s. s. grjót, steypubrot, gler, postulín
9) Hjólbarðar
10) Heyrúlluplast
11) Ökutæki
12) Nytjahlutir
13) Fata‐ og klæðaefni
Móttaka á endurvinnanlegum úrgangi verður með sama hætti og græna tunnan sem mun koma á heimilin, þ.e. pappír og plast fer saman.
Bylgjupappi er flokkaður sér í endurvinnslustöð en verður tímabundið fluttur með öðrum endurvinnsluúrgangi suður.
Lúgur, aðgengilegar allan sólahringinn:
Íslenska Gámafélagið sér um sorphirðu í Dalabyggð:
Við köllum lausnina okkar þriggja tunnu kerfi en þessi lausn hefur reynst afar vel allt frá því 2008 þegar Stykkishólmur, fyrst sveitarfélaga á Íslandi, tók ákvörðun um að allir íbúar myndu flokka heimilissorpið sitt. Síðan þá hafa fjölmörg sveitarfélög bæst í hópinn og þannig náð að uppfylla þær kröfur sem gerðar eru til sveitarfélaga um minnkun á sorpi sem fer til urðunar.
Þriggja tunnu kerfið samanstendur af:
- Grænni tunnu þar sem má setja allan pappír, bylgjupappa, plast og minni málmhluti s.s. niðursuðudósir, lok o.fl.
- Brúnni tunnu sem tekur við öllu lífrænu sorpi
- Grárri tunnu sem tekur við óendurvinnanlegu sorpi.
Reynsla frá þeim sveitarfélögum sem notast við þriggja tunnu kerfi Íslenska Gámafélagsins hefur sýnt að urðun úrgangs hefur dregist saman frá fyrsta mánuði. Eftir tvo til þrjá mánuði er flokkunarhlutfallið ávallt komið í 55-65%. Í janúar árið 2008 tók Stykkishólmur, fyrst sveitarfélaga, af skarið þar sem allir íbúar hófu að flokka eftir kerfi Íslenska Gámafélagsins. Flokkunarhlutfallið í Stykkishólmi var 67% strax á fyrsta ári sem þýðir að 67% af heimilisúrgangi sveitarfélagsins fór í endurvinnslu en einungis 33% fór til urðunar. Í kjölfarið fylgdi fyrsta dreifbýlið á landinu, Flóahreppur svo og Skaftárhreppur stuttu síðar.
Flokkunartafla fyrir græna tunnu