Skipulags- og byggingamál
Aðalskipulag nær til alls lands í sveitarfélaginu.
Aðalskipulag er stefnuyfirlýsing sveitarstjórnar um þróun byggðar í sveitarfélaginu, landnotkun, umhverfismál, samgöngu- og þjónustukerfi til minnst 12 ára.Sveitarstjórn ber ábyrgð á gerð og endurskoðun aðalskipulags.
Endurskoðun Aðalskipulags 2020
Á fundi sveitarstjórnar Dalabyggðar 5. mars 2020 var lögð fram og samþykkt til kynningar skipulags- og matslýsing vegna endurskoðunar Aðalskipulags Dalabyggðar 2004-2016.
Í skipulagslýsingunni er m.a. gerð grein fyrir tildrögum og ástæðum endurskoðunar aðalskipulagsáætlunarinnar, helstu viðfangsefnum, forsendum, stöðu og gildandi stefnu, samráði, tímaferli og umhverfismati áætlunar.
Í samræmi við 1. mgr. 30. gr. skipulagslaga nr. 123/2010 er lýsingin kynnt fyrir hagsmunaaðilum og tækifæri gefið á að skila inn umsögnum eða athugasemdum. Skipulagslýsingin verður til sýnis í stjórnsýsluhúsi Dalabyggðar að Miðbraut 11, 370 Búðardal og hérna að neðan, frá 11. mars til 1. apríl 2020. Og gefst athugasemdafrestur þangað til.
Athugasemdum ber að skila til skrifstofu skipulagsfulltrúa í stjórnsýsluhúsi Dalabyggðar eða á skipulag@dalir.is merkt „Endurskoðun Aðalskipulags“.
Hérna má nálgast skipulags- og matslýsingu vegna endurskoðunar: Lýsing – Aðalskipulag Dalabyggðar
Ert þú með hugmyndir inn í endurskoðun aðalskipulags Dalabyggðar?
Hér má nálgast hugmynda- og ábendingavef þar sem íbúar og hagsmunaaðilar geta komið á framfæri ábendingum sem verða nýttar við gerð tillögu að aðalskipulagi. Hægt að skoða það sem komið eru inn og/eða skrá hugmynd eða ábendingu.
Aðalskipulag Dalabyggðar 2004-2016