Upp geta komið aðstæður hjá einstaklingum og fjölskyldum sem verða þess valdandi að þörf er á fjárhagslegri aðstoð. Hérna má finna reglur Dalabyggðar um fjárhagsaðstoð og sérstakan húsnæðisstuðning.
Fjárhagsaðstoð
Hverjum manni er skylt að framfæra sjálfum sér, maka sínum og börnum yngri en 18 ára. Félagsþjónusta Dalabyggðar veitir fjárhagsaðstoð til framfærslu þeirra sem ekki geta séð sér og sínum farborða án aðstoðar, samkvæmt lögum um félagsþjónustu sveitarfélaga nr. 40/1991 og reglum um fjárhagsaðstoð Dalabyggðar. Fjárhagsaðstoð skal veita í eðlilegum tengslum við önnur úrræði félagsþjónustu.
Áður en sótt er um fjárhagsaðstoð skal það jafnan kannað til þrautar hvort að umsækjandi hafi rétt til annarra greiðslna, þar með talið frá almannatryggingum, atvinnuleysistryggingum, lífeyrissjóðum og sjúkrasjóðum stéttarfélaga.
Nánari upplýsingar veitir verkefnastjóri fjölskyldumála, Jóna Björg Guðmundsdóttir í síma 430-4700 eða gegnum netfangið jona@dalir.is. Umsókn um fjárhagsaðstoð sendist á netfangið jona@dalir.is
Sérstakur húsnæðisstuðningur
Hægt að sækja um sérstakan húsnæðisstuðning til viðbótar við húsnæðisbætur og er sá stuðningur veittur til einstaklinga sem búa við erfiðar félagslegar eða fjárhagslegar aðstæður.
Nánari upplýsingar um rétt á sérstökum húsnæðisbótum veitir verkefnastjóri fjölskyldumála í síma 430-4700 eða með því að senda fyrirspurn á netfangið jona@dalir.is
Sérstakur húsnæðisstuðningur ungmenna 15 – 17 ára
Þau ungmenni sem eru á aldrinum 15 – 17 ára og eru í framhaldsskóla fjarri heimili sínu eiga rétt á sérstökum húsnæðisstuðningi. Stuðningurinn er ætlaður foreldrum/forsjáraðilum ungmenna sem leigja herbergi á heimavist, á námsgörðum eða leiguherbergi á almennum markaði en njóta ekki réttar til húsnæðisbóta vegna aldurs.
Umsókn um sérstakan húsnæðisstuðning ungmenna 15 – 17 ára sendist á netfangið magnina@dalir.is
Vinsamlegast athugið að með umsókn þarf að fylgja staðfesting á skólavist, auk afrits af húsaleigusamningi.
Húsnæðisbætur
Húsnæðisbætur eru mánaðarlegar greiðslur sem ætlað er að aðstoða einstaklinga sem leigja íbúðarhúsnæði. Húsnæðið getur verið á almennum leigumarkaði, félagslegt húsnæði, leiga á námsgörðum eða á áfangaheimilum. Upphæð húsnæðisbóta ræðst af fjölda einstaklinga á heimili, eignum, innkomu og leiguverði.
Í kjölfar lagabreytinga árið 2017 fór umsjón húsnæðisbóta frá sveitarfélögum og er nú í höndum Húsnæðis- og mannvirkjastofnunar.
Hér er hægt að sækja um húsnæðisbætur:
Húsnæðisbætur | á vef Ísland.is
ÍTAREFNI:
Reglur eru um sérstakan stuðning í húsnæðismálum í Dalabyggð
Eyðublað – Sérstakur húsnæðisstuðningur fyrir 15-17 ára
Lög nr.40/1991 um félagsþjónustu sveitarfélaga
Reglur um fjárhagsaðstoð Dalabyggðar
Eyðublað – Umsókn um fjárhagsaðstoð