Miðvikudaginn 15. september kl. 14:00 verður opinn dagur hjá kjötsmiðjunni Miðskógi í Dalabyggð þar sem áhugasamir geta komið og kynnt sér aðstöðuna og starfsemi smiðjunnar.

Verkefnið við að koma kjötsmiðjunni á fót hefur haft langan aðdraganda og er smiðjan kærkomin viðbót fyrir matvælaframleiðslu í sveitarfélaginu. Smiðjan hefur hlotið styrki m.a. frá Uppbyggingarsjóði SSV og Framleiðnisjóði landbúnaðarins til uppbyggingar.

Húsið verður formlega opnað af fulltrúum SSV og eru allir áhugsamir velkomnir.

Hlökkum til að sjá ykkur.

– Skúli Hreinn og Guðrún Ester.