Dagur leikskólans

Dalabyggð Fréttir

Mánudaginn 6. febrúar er dagur leikskólans og í tilefni dagsins verður opið hús hjá leikskóladeild Auðarskóla. Foreldrar, afar, ömmur, frændur, frænkur og vinir eru velkomnir í heimsókn á milli 9:00-11:30 og 13:30-15:00. Kl. 9:30 verður sameiginlega söngstund og tilvalið að koma og syngja með leikskólabörnunum.
Dagur leikskólans er nú haldinn í fimmta sinn. Er hann samstarfsverkefni Félags leikskólakennara, Félags stjórnenda leikskóla, mennta- og menningarmálaráðuneytis, Sambands íslenskra sveitarfélaga og Heimilis og skóla.
Tilgangurinn er að auka jákvæða umræðu um leikskólann, vekja umræðu um hlutverk leikskóla og starf leikskólakennara og kynna starfsemina út á við.

Auðarskóli

  • Var efni síðunnar hjálplegt?
  • Nei