Dalabyggð hefur endurnýjað þjónustusamning við Valdísi Gunnarsdóttur um rekstur upplýsingamiðstöðvar í Leifsbúð en hún hefur séð um reksturinn frá 1. mars 2014.Með nýjum samningi eru settar nýjar áherslur. Dregið er úr vægi upplýsingamiðlunar til ferðamanna yfir vetrartímann en aukin áhersla lögð á kynningarmál og samvinnu ferðaþjónustuaðila. Þjónusta við félag eldri borgara verður óbreytt frá fyrra ári.
Á tímabilinu 1. janúar til 30. apríl og 1. október til 31. desember verður upplýsingamiðstöðin lokuð, en opnað verður fyrir hópa. Á tímabilinu 1. maí til 30. september verður upplýsingamiðstöð opin frá 10 til 18 alla daga.
Samningurinn gildir fyrir árið 2016.