Óskað eftir framboðum í ungmennaráð Dalabyggðar

Dalabyggð Fréttir

Fræðslunefnd Dalabyggðar óskar eftir framboðum í ungmennaráð sem verður skipað í nóvember.
Í ungmennaráði geta orðið allir þeir sem eiga lögheimili í Dalabyggð og eru á aldrinum 14 – 20 ára.

Hlutverk ungmennaráðs er m.a.:

  • Að veita sveitarstjórn ráðgjöf um málefni ungs fólks í sveitarfélaginu.
  • Að gæta hagsmuna ungs fólks, koma skoðunum þeirra og  tillögum til skila.
  • Að veita ungu fólki fræðslu og þjálfun í lýðræðislegum vinnubrögðum.
  • Að efla tengsl ungmenna í sveitarfélaginu og auka tengsl þeirra við stjórnkerfi sveitarfélagsins.

Stjórn ungmennaráðs skipa 4 fulltrúar; formaður, varaformaður, ritari og varamaður. Auk kjörinna fulltrúa eiga formaður fræðslunefndar og sveitarstjóri rétt á að sitja fundi ráðsins með málfrelsi og tillögurétt.

Ungmennaráð er skipað til eins árs í senn en fræðslunefnd hefur lagt það til við sveitarstjórn að erindisbréfi ungmennaráðs verði breytt þannig að skipunartími fulltrúa í ungmennaráð verði tvö ár og skipað verði í helming sæta árlega. Því er nú skipað í ungmennaráð með fyrirvara um þær breytingar.

Annars starfar ungmennaráð Dalabyggðar eftir erindisbréfi ráðsins sem finna má hér: Erindisbréf ungmennaráðs Dalabyggðar

Framboðum skal skila til tómstundafulltrúa Dalabyggðar fyrir 4.11.2020

Ef einhverjar spurningar vakna má hafa samband við Jón Egil Jónsson, tómstundafulltrúa á netfangið tomstund@dalir.is eða í síma 867-5604.

  • Var efni síðunnar hjálplegt?
  • Nei