Sveitarstjórnarkosningar 2026
Sveitarstjórnarkosningar fara fram laugardaginn 16. maí 2026. Kjörfundur verður auglýstur síðar.
Upplýsingar um sveitarstjórnarkosningar er að finna á heimasíðu landskjörstjórnar, kosning.is.
Yfirkjörstjórn veitir nánari upplýsingar sé þess óskað.
Framboðsfrestur
Framboðsfrestur vegna sveitarstjórnarkosninga er til kl. 12 á hádegi föstudaginn 10. apríl. Yfirkjörstjórn Dalabyggðar tekur við framboðum þann dag kl. 11-12 í fundarsal stjórnsýsluhússins.
Hverjum framboðslista skal fylgja:
- Tilkynning um framboð, þar sem fram koma upplýsingar um heiti stjórnmálasamtakanna og listabókstaf þeirra, samkvæmt skrá dómsmálaráðuneytisins.Ef stjórnmálasamtök hafa ekki listabókstaf skal óska eftir honum við yfirkjörstjórn sveitarfélagsins.
- Upplýsingar um hverjir tveir menn séu umboðsmenn listans, ásamt samþykki þeirra.
- Framboðslisti ásamt undirrituðu samþykki frambjóðenda fyrir því að fara í framboð.
- Meðmæli með framboðinu – að lágmarki 20 og hámarki 40. Í Dalabyggð skal skila meðmælum á pappír.
Óbundnar kosningar
Komi engir framboðslistar fram verða óbundnar kosningar.
Þeim sem setið hefur í sveitarstjórn eitt kjörtímabil eða lengur er ekki skylt að taka kjöri fyrr en liðinn er jafnlangur tími og hann átti þar samfellt sæti síðast. Skrifleg tilkynning um að viðkomandi skorist undan endurkjöri skal hafa borist yfirkjörstjórn Dalabyggðar fyrir lok framboðsfrests, þ.e. föstudaginn 10. apríl kl. 12:00. Hægt er að senda tölvupóst á netfangið dalir @ dalir.is
Viðmiðunardagur kjörskrár
Viðmiðunardagur kjörskrár er miðvikudagurinn 8. apríl. Skráning lögheimilis kjósanda þann dag segir til um í hvaða sveitarfélagi hann kýs.