Öskudagurinn var haldinn hátíðlegur í Dalabyggð í dag eins og víða um landið.
Það er alltaf jafn gaman að hitta fjöldan allan af dýrum, furðuverum og frægum einstaklingum á þessum degi.
Starfsfólk í Stjórnsýsluhúsi Dalabyggðar lét sitt ekki eftir liggja og tóku á móti börnum og ungmennum í dag.
Það voru 6 hópar úr grunnskóladeild og 2 úr leikskóladeild Auðarskóla sem kíktu í húsið og fengu nammi og popp í skiptum fyrir söng.
Við þökkum þeim öllum kærlega fyrir komuna!
Kátir krakkar úr Auðarskóla sem heimsóttu Stjórnsýsluhúsið í dag.
Kona á Tene, Vegagerðar-starfsmaður, sigmaður og slökkviliðsstjóri mættu til vinnu.