Fréttir.

Kaffihúsakvöldi Auðarskóla sem vera átti fimmtudaginn 29. nóvember hefur verið frestað til mánudagsins 3. desember vegna veðurs.

Í desember verða sveitarstjórnarfulltrúarnir Eyjólfur Ingvi og Einar Jón til viðtals í stjórnsýsluhúsinu á eftirtöldum tímum: Eyjólfur Ingvi Bjarnason, mánudaginn 3. desember kl. 10:30 til 12:00. Einar Jón Geirsson, þriðjudaginn 4. desember kl. 15:00 – 16:30.

Eins og undanfarin ár verður jólatré Dalabyggðar komið fyrir við Auðarskóla og kveikt verður á ljósunum laugardaginn 1. desember kl. 16. Að venju verður dansað í kringum tréð og sungin jólalög, kannski með aðstoð jólasveina. Á eftir verður boðið upp á kaffi, súkkulaði og piparkökur í Dalabúð.

Við Auðarskóla er laus 70% staða tónlistarkennara við tónlistardeild skólans frá og með 1. janúar 2019. Mikilvægt er að umsækjendur búi að færni í samskiptum, frumkvæði í starfi, sjálfstæðum og skipulögðum vinnubrögðum og góðri íslenskukunnáttu. Umsóknir um starfið berist á netfangið hlodver@audarskoli.is. Í umsókninni skal fylgja ferilskrá og ábendingar um meðmælendur. Umsóknarfrestur er til 6. desember 2018. Upplýsingar um starfið

168. fundur sveitarstjórnar Dalabyggðar verður haldinn í stjórnsýsluhúsinu í Búðardal, 26. nóvember 2018 og hefst kl. 16.   Dagskrá Almenn mál 1. Fjárhagsáætlun 2019 – 2022, önnur umræða. Breytingatilögur byggðarráðs við fjárhagsáætlun lagðar fram. Úr fundargerð 213. fundar byggðarráðs 20. nóvember 2018: Fjárhagsáætlun 2019 – 2022 Tillaga um álagningarhlutfall útsvars og fasteignagjalda samþykkt og verður lögð fyrir sveitarstjórn. Breytingartillögur við

Sveitarstjórnarfundi sem var boðaður 22. nóvember er frestað til mánudagsins 26. nóvember. Þau mistök urðu að þegar sveitarstjórnarfundur sem vera átti í dag, 22. nóvember, var boðaður með tilskyldum fyrirvara, láðist að setja auglýsingu um fundinn inn á heimasíðu Dalabyggðar. Vegna þessa verður fundi sveitarstjórnar frestað um fjóra sólarhringa til þess að auglýsing um hann nái að birtast með nægum fyrirvara.

Davíðsmótinu í bridge sem vera átti laugardaginn 1. desember hefur verið frestað framyfir áramót.

Vegna veikinda er sýsluskrifstofan í Búðardal lokuð í dag, fimmtudaginn 15. nóvember 2018.

Hér er hægt að hlusta á hljóðupptöku af íbúafundinum sem var haldinn þann 6. nóvember 2018 Hljóðupptaka fundarins:

Sunnudaginn 11. nóvember verður sögusýningin Strandir 1918 opnuð í Sævangi kl. 15:00. Samhliða verður haldin sögustund þar sem fjallað verður um bókmenntir og menningarlíf á Ströndum 1918. Sérstök áhersla verður lögð á ljóð og æfi Stefáns frá Hvítadal, en nú eru einmitt 100 ár síðan fyrsta ljóðabók hans kom út. Elfar Logi Hannesson frá Kómedíuleikhúsinu mætir á svæðið með nýja

Fjórir höfundar á ferð, lesa úr verkum sínum í fjósinu á Erpsstöðum, laugardaginn 10. nóvember kl 16. Fjósaskáldin frómu eru Auður Ava Ólafsdóttir Ungfrú Ísland, Bergsveinn Birgisson Lifandilífslækur, Bjarni M Bjarnason, Læknishúsið og Sigurbjörg Þrastardóttir Hryggdýr. Höfundarnir munu vera með eintök til sölu og árita ef vel viðrar. Gott að hafa lausan pening meðferðis, eða eitthvað af þessum nýmóðins greiðsluöppum

Börnin í leikskóladeild Auðarskóla bjóða eldri borgurum til samverustundar ásamt kaffi og með´í mánudaginn 12. nóvember kl. 9.30 – 11:00 .