Fréttir.

Gönguhópur í Saurbænum hefur virkur frá febrúarbyrjun. Gengið er tvisvar í viku, þriðjudaga og laugardaga óstundvíslega um kl. 14 frá Tjarnarlundi. Öllum er velkomið að mæta, karlar, konur og börn. Þó verður að segjast að konurnar hafa verið heldur duglegri að mæta í gönguna. Auk hollrar hreyfingar er gangan líka nauðsynleg til að skiptast á fréttum og sögum úr sveitinni.

Snorrastofa í Borgarfirði og Þaulsetur á Skarðsströnd bjóða upp á tófuspjall Snorra á Augastöðum í Tjarnarlundi fimmtudagskvöldið 7. mars að loknum mjöltum kl. 20:30. Fyrirlesari er Snorri Jóhannesson bóndi og refaskytta á Augastöðum í Borgarfirði. Í fyrirlestrinum fjallar Snorri um refinn frá ýmsum sjónarhornum auk mynda. Fyrirlesturinn er hluti fyrirlestraraðar Snorrastofu í Borgarfirði og sló aðsóknarmet þar þegar húsnæði bókhlöðunnar

Nemendur unglingadeildar Auðarskóla standa fyrir félagsvist í Tjarnarlundi fimmtudagskvöldið 28. febrúar kl. 20. Aðgangseyrir er 500 kr og sjoppa á staðnum. Enginn posi.

Þórir Bergmundsson háls-, nef-og eyrnalæknir verður á heilsugæslustöðinni í Búðadal mánudaginn 4. mars. Tímapantanir eru í síma 432 1450

Kristinn H. Þorsteinsson garðyrkjufræðingur flytur fyrirlestur í Leifsbúð fimmtudaginn 28. febrúar kl. 19:30. Fyrirlesturinn nefnir hann „Nýir tímar – nýjar áherslur í vali á gróðri“. Þar verður fjallað um gróður í görðum og á opnum svæðum í sveitarfélaginu og hvaða tegundir er áhugavert að rækta í Dalabyggð. Kristinn H. Þorsteinsson er fræðslu- og verkefnastjóri Garðyrkjufélags Íslands. Fyrirlesturinn er í boði

Á sunnudaginn hefst Góa á konudeginum. Af því tilefni verður konudagskaffi í leikskólanum mánudaginn 25. febrúar. Allar mömmur og ömmur barnanna í leikskólanum eru velkomnar í kaffi þangað og hefst sú stund kl. 9:30 og stendur til kl. 10:15. Boðið verður upp á dýrindis skúffuköku og kaffi.

Eftir að hafa hlotið tæplega 60% tilnefninga, tilnefningu menningar- og ferðamálanefndar Dalabyggðar og staðfestingu sveitarstjórnar Dalabyggðar þá telst Hafratindur nú opinberlega vera fjall Dalanna. Hafratindur er 923 m.y.s. og er eitt af hæstu fjöllum í Dölum. Tröllakirkja á mörkum Haukadals, Strandasýslu og Mýrasýslu er hæst 1.001 m.y.s. Ekki fundust viðurkenndar mælingar á hæð Gamalhnúka í Miðdölum, en þeir eru að

Heimskautafararnir Ómar Friðjófsson og Karl Rútsson halda kynningu þriðjudaginn 19. febrúar í Auðarskóla kl. 20 um ferð þeirra um heimskautaslóðir Kanada. Þetta er um 2 tíma dagskrá með myndaívafi úr ferðinni. Einnig gáfu þeir út bókina „Þar sem himinn frýs við jörð“ og verða með hana til sölu. Félagar hins mikla heimskautafélags verða á ferð um Vestfirði og Dali þessa

98. fundur sveitarstjórnar verður haldinn í stjórnsýsluhúsinu í Búðardal, þriðjudaginn 19. febrúar 2013 og hefst kl. 18. Dagskrá Almenn mál 1. Framkvæmdasjóður ferðamannastaða 2. Framhaldsskóladeild Almenn mál – umsagnir og vísanir 3. Frumvarp til laga um búfjárhald og velferð dýra 4. Tillaga til þingsályktunar um breytta framtíðarskipan refaveiða á Íslandi Fundargerðir til staðfestingar 5. Fræðslunefnd Dalabyggðar – 51. fundur 6.

Þorrablót ungmennafélagsins Hörpu og kvenfélagsins Iðunnar verður haldið laugardaginn 2. mars 2013 í skólahúsinu á Borðeyri. Húsið opnar kl. 20, en blótið hefst kl. 20:30. Gæðakokkar í Borgarnesi reiða fram þorramat og sömuleiðis hljómsveitina Kopar sem leikur fyrir dansi. Einar Georg flytur annál ársins og ýmsir stíga á stokk með söng og glens. Pantanir í símum 451 0090 (Kristín G.)

Samkvæmt mannfjöldatölum Hagstofu Íslands voru íbúar Dalabyggðar alls 665 þann 1. janúar 2013. Er það fækkun um 3,06% frá 1. janúar 2012. Til samanburðar þá fjölgaði íbúum á landsvísu um 0,7% og á Vesturlandi um 0,1%. Karlar voru 347 og fækkaði þeim um 4,14% milli ára, en konur 318 og fækkaði þeim um 1,85% milli ára. Íbúar Dalabyggðar 1. janúar

Í hverri viku hittast nemendur í 1. bekk í grunnskóla og skólahópur leikskólans í skemmtilegum verkefnum. Undanfarið hafa börnin verið að vinna að kubbaþema með einingakubbum, prisma, kapla- og legokubbum. Áhersla er lögð á stærðfræði í samvinnunni og tölur og skráningu þeirra. Einnig hefur verið unnið með plúsheiti talnanna 5 og 10 og 15. Margir eru orðnir býsna góðir og