Viðvera menningarfulltrúa og fagstjóra í Dalabyggð

Dalabyggð Fréttir

Menningarfulltrúi Vesturlands og fagstjóri Áfangastaða- og markaðssviðs SSV verða með viðveru í Nýsköpunarsetri Dalabyggðar á 1. hæð Stjórnsýsluhúss að Miðbraut 11 í Búðardal, þriðjudaginn 14. febrúar n.k. frá kl. 13:00 – 15:00.

Áður var auglýst viðvera í janúar en vegna óviðráðanlegra aðstæðna fellur sú viðvera niður. Í staðin munu Sigursteinn og Maggý koma í febrúar með lengri viðveru sem hefst á súpufundi og bjóða svo upp á almenna ráðgjöf og spjall þar á eftir. Nánar auglýst þegar nær dregur!

Eftir það verður viðvera þeirra í Dalabyggð annan þriðjudag hvers mánaðar á sama stað og tíma.

Næstu viðverudagar verða því sem hér segir:

  • 18. janúar, frá kl. 13:00 – 15:00. Fellur niður!
  • 14. febrúar, frá kl. 13:00 – 15:00.
  • 14. mars, frá kl. 13:00 – 15:00.
  • 11. apríl, frá kl. 13:00 – 15:00.
  • 9. maí, frá kl. 13:00 – 15:00.

Sigursteinn Sigurðsson er menningarfulltrúi Vesturlands.
Menningarfulltrúi vinnur að ýmsum samstarfsverkefnum og ráðgjöf varðandi menningarmál ásamt því að starfa með uppbyggingarsjóðnum og veita umsækjendum um menningarstyrki upplýsingar og ráðgjöf. 

Margrét Björk Björnsdóttir (Maggý) er fagstjóri Áfangastaða- og markaðssviðs SSV.
Sviðið samanstendur af starfsemi og verkefnum sem heyra undir Áfangastaðastofu Vesturlands og Markaðsstofu Vesturlands. Það sinnir m.a. samstarfi, samráði og ráðgjöf við heimamenn, fyrirtæki, þjónustuaðila, gesti, stoðþjónustu og opinbera aðila innan ferðaþjónustu. Auk þess sem unnið er að markaðs- og kynningarmálum í samstarfi við hagaðila.

  • Var efni síðunnar hjálplegt?
  • Nei