Skipulag á Jörvagleði 2025 heldur áfram.

Rætt um stöðu framkvæmda við íþróttamannvirki í Búðardal.

Staða mála í samskiptum við meðeiganda að Laugum sem og kaupleigutaka kynnt.

Á 329. fundi byggðarráðs sem haldinn var þann 7.11.2024 var sveitarstjóra falið að eiga viðræður við FSRE um möguleg kaup á hluta ríkisins í húseigninni að Miðbraut 11 í Búðardal. Í kjölfar þeirra viðræðna sendi sveitarstjóri tilboð í eignarhlutinn að fengnu samþykki byggðarráðsmanna sem nú hefur fengist samþykkt.

Framlögð tillaga að Viðauka I við fjárhagsáætlun 2025.

Elli- og örorkulífeyrisþegar, með lögheimili og búsetu í Dalabyggð, njóta afsláttar af fasteignaskatti og holræsagjaldi, sem lagt er á íbúðarhúsnæði í eigu viðkomandi enda hafi hann þar búsetu og hafi ekki af því leigutekjur.
Upplýsingar Tryggingastofnunar (TR) um tekjuviðmið höfðu ekki verið birtar þegar gögn voru unnin fyrir sveitarstjórnarfund í desember og því samþykkt að viðmið fyrir afslátt ellilífeyrisþega og öryrkja yrðu birt á heimasíðu Dalabyggðar þegar tilkynnt yrði um álagningu fasteignagjalda 2025.
Hérna eru lögð fram drög að þeim viðmiðum (sjá töflu).

Farið yfir stöðu mála í kjölfar undritunar viljayfirlýsingar um aukna aðkomu Byggðastofnunar að uppbyggingu atvinnuhúsnæðis í Búðardal í desember sl.

Rætt um stöðu mála í samstarfi því sem í gangi er við Reykhóla og Strandir um rekstur embættis slökkviliðsstjóra.

Rætt um framkoman umsókn um stuðning til náms.

Framlagður tölvupóstur þess efnis að Ungmennafélagið Ólafur pá hefur nú fengið úthlutaðan styrk upp á kr. 300.000,- til uppsetningar á hjólarampi. Í fyrrgreindum tölvupósti er spurst fyrir um hvort Dalabyggð sé tilbúin til að styðja við verkefnið í tengslum við að finna rampnum stað og við uppsetningu hans.

Sýslumaðurinn á Vesturlandi óskar eftir umsögn um tækifærisleyfi vegna þorrablóts 1. febrúar n.k. með vísan til 17. gr. laga nr. 85/2007.

Sýslumaðurinn á Vesturlandi óskar eftir umsögn um tækifærisleyfi vegna þorrablóts 25. janúar n.k. með vísan til 17. gr. laga nr. 85/2007.

Sýslumaðurinn á Vesturlandi óskar eftir umsögn um tækifærisleyfi vegna þorrablóts 8. febrúar n.k. með vísan til 17. gr. laga nr. 85/2007. Einnig er óskað eftir heimild til að hafa dansleik í tengslum við þorrablót til kl. 03:00/04:00.

Sýslumaðurinn á Vesturlandi óskar eftir umsögn um tækifærisleyfi vegna þorrablóts 15. febrúar n.k. með vísan til 17. gr. laga nr. 85/2007.

Skólastjóri kynnti stöðu mála er varðar daglegt starf í grunnskólanum.

Skólastjóri kynnti stöðu mála er varðar daglegt starf í leikskólanum

Rætt um málefni tónlistarskólans, námsframboð og starfsmannamál.
Kynnt og rædd framkomin erindi frá foreldrum tónlistarskólanemenda.

Stefnt er að starfið í Félagsmiðstöðinni Gildrunni hefjist í byrjun febrúar eða í kjölfar þess að lýðheilsufulltrúi kemur til starfa. Tilkynning verður send út með tíma- og dagsetningum.

Kynnt staða framkvæmda við íþróttamannvirki í Búðardal.

Lögð fram tillaga að reglum um stoð - og stuðningsþjónustu í Dalabyggð.

Verkefnastjóri sagði frá vinnu nýstofnaðs samráðshóps stjórnenda í velferðarþjónustu á Vesturlandi.

Farið yfir stöðu mála og forvarnastefna Dalabyggðar 2025 - 2027 framlögð til samþykktar.

Farið yfir stöðu verkefnisins og næstu skref.

Rætt um þá möguleika sem kunna að vera til staðar á fyrirkomulagi þess að bjóða upp á heimsendar máltíðir fyrir eldri borgara og öryrkja í Dalabyggð.

Í nýstofnuðum samráðshópi stjórnenda í velferðarþjónustu á Vesturlandi er í gangi umræða um að sveitarfélögin í landshlutanum komi að uppbyggingu skammtímadvalar.

Verkefnastjóri kynnir stöðu mála.

Farið yfir nýtingu styrkja úr Menningarmálaverkefnasjóði 2024

Farið yfir innkomnar umsóknir um styrki úr Menningarmálaverkefnasjóði fyrir árið 2025

Áfram rætt um skipulag Jörvagleði 2025.

Skilað var inn yfirliti yfir menningarhúsnæði í Dalabyggð.

Gestir - Dalahótel.

Á 248. fundi sveitarstjórnar var fjallað um fjallskil og þar m.a. bókað að byggðarráð tæki fyrir endurskoðun fjallskilasamþykktar.
Á 329. fundi byggðarráðs var svo bókað að sveitarstjóri og formaður atvinnumálanefndar myndu funda með formönnum fjallskilanefnda upp úr áramótum.

Staða tilraunaverkefnis Byggðastofnunar í samstarfi við Dalabyggð kynnt.

Atvinnumálanefnd tók fyrir á fundi sínum í október skýrslu sem KPMG vann fyrir SSV um greiningu á sjálfbærum atvinnusvæðum á Vesturlandi. Hér er lögð fram skýrsla um græna iðngarða - skilgreining, markmið og ávinningur.

Sveitarfélög koma oft að þróun, leyfisveitingum og framkvæmdum við ferðamannastaði en stundum leikur vafi á atriðum varðandi ábyrgð, rekstur og framtíðarsýn um staðina. Þá hefur þótt vanta forsendur og verkferla við ákvarðanatöku.
Í samráði við Ferðamálastofu vann Markaðsstofa Suðurlands handbók sem á að auðvelda sveitarfélögum í stefnumótun, ákvörðunum og aðgerðum við uppbyggingu ferðamannastaða.
Í handbókinni er leitast við að aðstoða sveitarfélög í að meta hvert hlutverk þeirra er í uppbyggingu áfangastaða, hver hagur þeirra er af ferðamannastöðum og til hvaða þátta þarf að líta í allri ákvarðanatöku.

Skráð atvinnuleysi í október var 3,4% og hækkaði úr 3,3% í september.
Atvinnuleysi á Vesturlandi stóð í stað frá fyrri mánuði og var 2,8%.
Atvinnulausum fjölgaði í flestum atvinnugreinum í október, mest var fjölgunin í farþegaflutningum með flugi. Atvinnulausum fækkaði lítillega í lok október í fjórum atvinnugreinum mest þó í opinberri þjónustu.
Alls komu inn 167 ný störf sem auglýst voru í vinnumiðlun hjá Vinnumálastofnun í október, þar af 3 á Vesturlandi.

Skráð atvinnuleysi í nóvember var 3,7% og hækkaði úr 3,4% í október.
Atvinnuleysi á Vesturlandi hækkaði í 3,2%.
Atvinnulausum fjölgaði í flestum atvinnugreinum í nóvember, mest var fjölgunin í farþegaflutningum með flugi. Atvinnulausum fækkaði lítillega í lok nóvember í fjórum atvinnugreinum mest þó í fiskveiðum, -eldi og -vinnslu.
Alls komu inn 176 ný störf sem auglýst voru í vinnumiðlun hjá Vinnumálastofnun í nóvember, þar af 22 á Vesturlandi.

Skráð atvinnuleysi í desember hækkaði um 0,1% bæði á landsvísu (3,8%) og á Vesturlandi (3,3%).
Atvinnulausum fjölgaði í flestum atvinnugreinum í desember, mest var fjölgunin í byggingariðnaði. Atvinnulausum fækkaði lítillega í lok nóvember í fimm atvinnugreinum mest þó í opinberri þjónustu.
Alls komu inn 78 ný störf sem auglýst voru í vinnumiðlun hjá Vinnumálastofnun í desember, þar af aðeins 1 á Vesturlandi.

Til stendur að stofna lóðir um tvær nýjar spennistöðvar og eitt lokahús Rarik og um mannvirki Dalabyggðar fyrir hreinsun fráveitu. Farið yfir drög að afmörkun lóða áður en gerðar verða merkjalýsingar til staðfestingar.

Framlagt boð frá umhverfis-, orku- og loftslagsráðuneytinu um þátttöku í samráði um tillögur að flokkun tíu vindorkuverkefna. Umsagnarfrestur er til og með 24.04.2025.

Framlagt erindi er varðar ósk um umsögn Dalabyggðar við tillögu að nýju aðalskipulagi Strandabyggðar 2021 - 2033. Frestur til athugasemda er til 28.02.2025.