Til baka	Prenta
Sveitarstjórn Dalabyggðar - 241 Haldinn á fjarfundi, 19.12.2023 og hófst hann kl. 11:30 Fundinn sátu: Ingibjörg Þóranna Steinudóttir varaoddviti, Skúli Hreinn Guðbjörnsson aðalmaður, Einar Jón Geirsson aðalmaður, Þuríður Jóney Sigurðardóttir aðalmaður, Guðlaug Kristinsdóttir aðalmaður, Björn Bjarki Þorsteinsson sveitarstjóri, Sindri Geir Sigurðarson varamaður, Jón Egill Jónsson varamaður, Fundargerð ritaði: Björn Bjarki Þorsteinsson, sveitarstjóri Oddviti kallaði eftir athugasemdum ef einhverjar væru varðandi boðun þessa aukafundar í sveitarstjórn Dalabyggðar. Engar athugasemdir komu fram og skoðast því fundurinn löglegur með vísan til þess sem og til 9. gr. samþykkta Dalabyggðar. Lagt er til að eftirfarandi lið verði bætt á dagskrá: Mál nr. 2312009 - Umsögn um leyfi til sölu á skoteldum - verði bætt á dagskrá og verði dagskrárliður nr. 2. Samþykkt. Dagskrá:  Almenn mál 1. 2307001 - Fjárhagsáætlun 2024, álagningarhlutfall útsvars. Hækkun útsvarsálagningar vegna fjármögnunar þjónustu við fatlað fólk. Fyrir liggur samkomulag á milli ríkis og sveitarfélaga, undirritað dags. 15.12.2023, varðandi fjármögnun þjónustu við fatlað fólk og hækkun útsvarsálagningar sveitarfélaga. Til skýringar þá mun tekjuskattsálagning lækka um samsvarandi á móti og því mun ákvörðun þessi ekki leiða til hækkunar á heildarálögum til handa skattgreiðendum. Eftirfarandi tillaga lögð fram. Með vísan til ákvæða varðandi breytingu á fjármögnun á þjónustu við fatlað fólk í fyrirliggjandi samkomulagi milli ríkis og sveitarfélaga, dags. 15.12.2023, er byggir á breytingu á lögum um tekjustofna sveitarfélaga sem samþykkt var á Alþingi 15.12.2023, samþykkir sveitarstjórn Dalabyggðar að álagningahlutfall útsvars fyrir árið 2024 hækki um 0,23% og verði 14,97%. Almenn mál - umsagnir og vísanir 2. 2312009 - Umsögn um leyfi til sölu á skoteldum Óskað er umsagnar sveitarstjórnar Dalabyggðar vegna umsóknar Björgunarsveitarinnar Ósk um sölu á skoteldum. Svohljóðandi tillaga borin upp: Sveitarstjórn gerir ekki athugasemdir við leyfisumsókn fyrir sölu skotelda/flugelda. Fleira ekki gert. Fundi slitið kl. 11:45
Til baka	Prenta

• Var efni síðunnar hjálplegt?
• JáNei