Til baka	Prenta
Fræðslunefnd Dalabyggðar - 141 Haldinn í stjórnsýsluhúsinu í Búðardal, 27.05.2025 og hófst hann kl. 13:45 Fundinn sátu: Ingibjörg Þóranna Steinudóttir formaður, Jón Egill Jóhannsson aðalmaður, Guðrún B. Blöndal aðalmaður, Sindri Geir Sigurðarson aðalmaður, Þórey Björk Þórisdóttir aðalmaður, Björn Bjarki Þorsteinsson sveitarstjóri, Svanhvít Lilja Viðarsdóttir fulltrúi starfsmanna, Herdís Erna Gunnarsdóttir skólastjóri, Jóna Björg Guðmundsdóttir Verkefnastjóri. Fundargerð ritaði: Björn Bjarki Þorsteinsson, Sveitarstjóri Dagskrá:  Almenn mál Guðný Erna Bjarnadóttir lýðheilsufulltrúi sat fundinn undir liðum 1 til 3. 1. 2501027 - Farsæld barna í Dalabyggð Á fundinn mæta þau Heiðar Mar Björnsson og Álfheiður Sverrisdóttir svæðisfulltrúar á Vesturlandi og Bára Daðadóttir verkefnisstjóri farsældar hjá SSV til að ræða þau tækifæri sem til staðar eru í Dalabyggð til uppbyggingar á þjónustu við börn og ungmenni tengd farsæld barna og starfsemi svæðisfulltrúa í landshlutanum. 2. 2505001 - Lýðheilsa Rætt um undirbúning að gerð Lýðheilsustefnu fyrir Dalabyggð og önnur heilsueflandi verkefni. Fræðslunefnd felur lýðheilsufulltrúa að vinna frumdrög að verkáætlun við undirbúning á gerð lýðheilsustefnu fyrir Dalabyggð sem og að kanna hvað Dalabyggð þurfi að uppfylla til að verða aðili að "Heilsueflandi samfélagi" sem er heildræn nálgun sem embætti landlæknis vinnur að í samstarfi og samráði við sveitarfélög, opinberar stofnanir, frjáls félagasamtök o.fl. Málið verður rætt áfram á næsta fundi fræðslunefndar. 3. 2412001 - Félagsmiðstöðin Gildran Farið yfir stöðu mála í starfsemi félagsmiðstöðvarinnar það sem af er og einnig rætt um mögulega útfærslu á starfsemi á komandi hausti. Rætt var um hvort félagsmiðstöðin geti fengið aðild að Abler skráningarkerfinu sem nú er komið á í tómstundastarfi og tónlistarskólanum, lýðheilsufulltrúa falið að skoða kosti þess í samvinnu við skrifstofu Dalabyggðar. Varðandi starfið á komandi hausti er verið að skoða með starfsmannamál og verður unnið í þeim málum í framhaldinu. Rætt um mögulega viðburði á komandi starfsári sem og almennar reglur í kringum starfsemina. 4. 2501009 - Málefni grunnskóla 2025 Skólastjóri kynnti drög að uppfærðum skólareglum og stöðu mála er varðar daglegt starf í grunnskólanum. Kynnt var skipulag, verkferlar og hlutverk innan stundarskrár á komandi skólaári. Skólastjóri fór yfir stöðu í starfsmannamálum og horfur á komandi skólaári. Fræðslunefnd skoðar framkomin drög að skólareglum á milli funda og afgreiðir á næsta fundi. Fræðslunefnd gerir ekki athugasemd við framkomna tillögu að skipulagi innan stundarskrár á komandi skólaári. 5. 2501010 - Málefni leikskóla 2025 Skólastjóri kynnti stöðu mála er varðar daglegt starf í leikskólanum. Lögð var fram tillaga að skóladagatali leikskólans á komandi skólaári. Fræðslunefnd samþykkir framkomna tillögu að skóladagatali. Fleira ekki gert. Fundi slitið kl. 16:45
Til baka	Prenta

• Var efni síðunnar hjálplegt?
• JáNei