Farið yfir stöðu verkefnisins.

Minnisblað umsjónarmanns framkvæmda vegna kostnaðar við þrif á götum, ýtingu á jarðvegstipp og upplýsingarskiltis við verkstað lagt fram.

Framlagt minnisblað umsjónarmanns framkvæmda um viðmið vegna sorphirðu í dreifbýli.

Lagt er fram uppfært áhættumat og viðbragðsáætlun fyrir urðunarstað á Höskuldsstöðum ásamt umhverfismarkmiðum.

Félagsmálanefnd Dalabyggðar tók fyrir erindi frá formanni félags eldri borgara á fundi sínum sem haldinn var 12. nóvember sl. og vísaði til umfjöllunar í byggðarráði í tengslum við gerð fjárhagsáætlunar.

Rætt um stöðu mála.

Lögð fram ósk um umsögn um vegna flugeldasýningar og brennu.

Rætt um samþykkt um gatnagerðargjald í Dalabyggð og fyrirkomulag hennar í framhaldi af umræðum á síðasta fundi byggðarráðs.

Á síðasta fundi Byggðarráðs voru afgreiddar gjaldskrár fyrir:
Útsvar og fasteignagjald, gjaldskrá fyrir geymslu að Fjósum, gjaldskrá félagsheimila, gjaldskrá Auðarskóla, gjaldskrá um leigu beitar- og ræktunarlands, gjaldskrá hafna, gjaldskrá fráveitu, gjaldskrá fyrir hirðingu, móttöku og eyðingu sorps, gjaldskrá Héraðsbókasafns Dalabyggðar og gjaldskrá Vatnsveitu Dalabyggðar.

Á 251. fundi sveitarstjórnar Dalabyggðar var Fjárhagsáætlun 2025 - 2028 vísað til seinni umræðu. Farið yfir stöðu mála og þær breytingar sem orðið hafa í kjölfar vinnu á milli umræðna og íbúafunda sem haldnir voru þann 3. desember sl.

Skólastjóri kynnti stöðu mála er varðar daglegt starf í grunnskólanum.

Skólastjóri kynnti stöðu mála er varðar daglegt starf í leikskólanum.

Rætt um stöðu mála en starfsemi félagsmiðstöðvar hefur legið niðri síðan 1. október sl.

Fræðslunefnd fjallaði um málið á síðasta fundi sínum og bókaði að stefnt væri að áframhaldandi vinnu á næsta fundi.

Rætt um stöðu mála.

Sveitarstjóri fór yfir innkomið erindi með fræðslunefndarfulltrúum.

Framlagt erindi frá stjórn foreldrafélags Auðarskóla varðandi stöðu mála.

Lögð eru fram drög að Húsnæðisáætlun Dalabyggðar.
Kallað er eftir ábendingum frá nefndinni áður en hún fer fyrir sveitarstjórn til afgreiðslu.

Á fundi umhverfis- og skipulagsnefndar sem haldinn var þann 2.október sl. var tekið til umræðu erindi frá ungmennafélaginu Ólafi pá varðandi merkingar stíga í Dalabyggð. Nefndin tók vel í erindið og fól sveitarstjóra að kanna hug stjórnar hestamannafélagsins Glaðs til þess.
Eftirfarandi svar hefur nú borist vegna þessa:

"Hestamannafélagið Glaður gerir engar athugasemdir við að merkingu þessa vegar verði breytt, á þann veg að hún verði bæði fyrir ríðandi umferð og gangandi.
Gerum heldur ekki athugasemd við að settir verði upp bekkir nálægt leiðinni, t.d. fyrir utan áningarhólfið hjá Hrútsstöðum.
Við leggjum þó áherslu á að leiðin verði áfram skráð sem reiðleið í Aðalskipulagi Dalabyggðar."

Sveitarstjórn Dalabyggðar samþykkti 17. október 2024 að auglýsa tillögu að deiliskipulagi Hvamma, íbúðarsvæðis í Búðardal sbr. 1. mgr. 41. gr. skipulagslaga 123/2010. Um er að ræða deiliskipulag á um 7 ha svæði sem skilgreint er í Aðalskipulagi Dalabyggðar 2020-2032 sem íbúðarbyggð ÍB6.
Deiliskipulagið tekur til þegar byggðra lóða og afmarkar nýjar lóðir fyrir uppbyggingu einbýlis, par- og raðhúsa. Gildandi deiliskipulag sem nær til hluta svæðisins og samþykkt var 2019 verður fellt úr gildi með þessu nýja deiliskipulagi Hvamma.
Skipulagið var auglýst skv. 1. mgr. 41. gr. skipulagslaga frá 25.10.2024 - 9.12.2024. . Umsagnir bárust frá Vegagerðinni, Minjastofnun Íslands og Heilbrigðiseftirliti Vesturlands. Minjastofnun gerir ekki efnislegar athugasemdir við auglýsta tillögu, en setur fram ábendingar um verklag á framkvæmdatíma. Heilbrigðiseftirlit gerir ekki athugasemd við tillöguna en bendir á mikilvægi þess að tryggja góða hljóðvist í byggð nærri Vestfjarðavegi.
Vegagerðin gerir athugasemd við gatnamót innan hverfisins við Ásuhvamm og Brekkuhvamm vegna nálægðar við Vesturbraut (Vestfjarðarveg gegnum Búðardal). Einnig bendir stofnunin á að hún taki ekki þátt í kostnaði við hljóðmön meðfram Vestfjarðavegi og vekur athygli á að framkvæmdir innan veghelgunarsvæðis Vestfjarðarvegar séu háðar leyfi Vegagerðarinnar.
Einnig bárust athugasemd frá lóðareigendum Garðari Frey Vilhjálmssyni varðandi Lækjahvamm 9 og frá Kristjáni Inga Arnarsyni varðandi Lækjarhvamm 8. Báðar snúa þær að því að leiðrétta uppdrátt og sýna núverandi bílskúr við Lækjahvamm 9 og þegar samþykkta viðbyggingu Lækjarhvammi 8 sem er í framkvæmd.
Samantekt umsagna og viðbragða umhverfis- og skipulagsnefndar er sett fram í minniblaði dags. 16.12.2024.

Á síðasta fundi umhverfis- og skipulagsnefndar Dalabyggðar var eftirfarandi bókað:

"Framlagðar tvær tillögur að deiliskipulagi í Búðardal til afgreiðslu skv. 4. mgr. 40. gr. skipulagslaga:

Skipulagssvæðið norðan Miðbrautar tekur til íbúðarbyggðar ÍB2 og ÍB3 við Búðarbraut, Dalbraut, Gunnarsbraut og Sunnubraut. Aðliggjandi er svæði fyrir samfélagsþjónustu S14 er reitur dvalarheimilisins Silfurtúns.
Ásamt miðsvæði M1 norðan Miðbrautar og aðliggjandi opins svæðis OP9.
Skipulagssvæðið sunnan Miðbrautar tekur til íbúðarbyggðar ÍB5 við Ægisbraut og Stekkjarhvamm og aðliggjandi opins svæðis OP4 suðvestan skólasvæðisins og Dalabúðar. Deiliskipulagið nær inn á útivistarsvæði OP3 meðfram ströndinni.
Umhverfis- og skipulagsnefnd leggur til við sveitarstjórn að samþykkja að auglýsa deiliskipulagstillögurnar í samræmi við 1. mgr. 41. gr. skipulagslaga."

Við frekari rýni, áður en tillögurnar fóru í auglýsingu komu fram atriði sem rýna þarf betur áður en skipulagið fer í auglýsingu hjá Skipulagsstofnun.

Framlagt til afgreiðslu tillaga að deiliskipulagi frístundabyggðar á Ljárskógaströnd skv. 4. mgr. 40. gr. skipulagslaga fyrir auglýsingu.
Deiliskipulagstillagan, dags. desember 2024 tekur til hluta svæðis fyrir frístundabyggð F-23 í aðalskipulagi, þ.e. tveggja svæða þar sem afmarkaðar eru samtals 10 lóðir og skilmálar settir um byggingar, innviði og aðkomu.

Framlögð umsókn um skráningu nýrrar landeignar í fasteignaskrá.

Rekstraraðilar tjaldsvæðisins í Búðardal hafa hug á að reisa gistiskýli/hyttur til útleigu. Húsin yrðu 10m2 bjálkahús með verönd, sem væru aðeins svefnaðstaða sem myndu nýta aðstöðuna í þjónustuhúsi tjaldsvæðisins. Meðfylgjandi eru drög að afstöðu þriggja húsa.
Tjaldsvæðið er ekki deiliskipulagt og er óskað eftir umsögn umhverfis- og skipulagsnefndar vegna þessara áforma.